مـن عـــنـده فــــذة اريـــل ؟ - نادي الهلال السعودي - شبكة الزعيم

هلالي الجوف · #1 23/09/2002, 10:58 PM

يافرحة ماتمت

أخيراً وبعد طول انتظار جتنا القناة الشبابية زي مايقول المعلق قدامي

<<== يعني الهلاليين مالهم رب

المهم خلوني ارجع لسالفتي اللي ابي اقولها قبل لاتشوش الفكرة ..
بصراحة خطوة جيدة من التلفزيون لونها متأخرة مرة .. لكن الغريب العجيب ليش يبثونها على الأرضي وما يبثونها فضائي

وهم بالله مايدرون ان غالبية العالم استغنت عن الأناتل منذو موبطي .. وصار اعتمادهم على الدش لوضوح الصوت والصورة .. وهم بالله مايدرون ان بعض مناطق بالمملكة مايجيها بث القناة الثانية

ليه ماتصير الانطلاقة صحيحة ومدروسة من جميع النواحي قبل بداية البث !!
اعتقد أنهم خذوا وقت كافي قبل الانطلاق .. يعني ماتوقع هالأمر يبغى يفوتهم .. اللهم اذا كانت القناة تسكيت للمطالبين فيها وبس .

اليني قعدت أكثر من ساعة ابحث عنها .. وماخليت علاق ملابس بالبيت الا جربته .. ومافي فايدة

الصورة الله يخلف عليها .. والصوت يعني .. يمشي حاله .
قسم بالله قهر

من جد ماني قادر اشوفها زين .. وماعندي اريل

عاد بالله عليكم .. من عنده فذة اريل يرسله على الإيميل لين الله يفرجها ويبثونها فضائي وارجع الأريل وفوقه بوسه

الله يرحم الحال

مخاوي البطولات · #2 23/09/2002, 11:17 PM

وأنا أشوف قبل شوي ( مغاسل الملابس ) ماشي سوقها علشان المعاليق اللي عندهم

المشكلة أخوي هلالي الجوف أن النقل بيقتصر على ( الفروسية كل جمعة + مباريات الدوري العام+ باقي الألعاب المختلفة ) يعني ما رحنا بعيد عن ( برنامج كل الرياضة) ..

وإذا جت على الدش ( الفضائي) يجيك أبو كامل ويشفرّها

طبعاً يشتري الحقوق ويقعد يذل ( تلفزيوننا العزيز)

لأن عبدالسلام الفارسي والشيخ صالح كامل حبايب

والشعب مهوب حبيبٍ لهم

ما نقول إلا الله يرحم الحال....

الفيصل الهلالي · #3 23/09/2002, 11:20 PM

مرحبا اخوي فيصل

البث الارضي افضل لان حقوق نقل المباريات عليه تكون ارخص من الفضائي

ولو صارت فضائي ما راح يحصلوا مباريات ينقلوها لان الثلاثي الاوربت و art و ابوظبي ماتركوا شي ،،،

اهم شي يقووا البث ,,,

إقتباس


	اليني قعدت أكثر من ساعة ابحث عنها .. وماخليت علاق ملابس بالبيت الا جربته .. ومافي فايدة

كانك قاعد توصف حالتي

إقتباس


	بالله عليكم .. من عنده فذة اريل يرسله على الإيميل

اذا حصلت شي لا تنساني

راوؤل الهلالي · #4 23/09/2002, 11:25 PM

اعلن قبل قليل احمد المصبيح ...

ان القناة سوف تثب الدوري الاسباني و الفرنسي ...
والايطالي بعد 24 ساعه ..

يعني مستحيل يحطونها فضائيا ... لانه ممنوع .. ومحتكره .. بس ارضيا يمكنهم ..

ابواثير · #5 23/09/2002, 11:59 PM

ايو الله الواحد يغسل ملابسه في المغسله و يستفيد من المعلاااااااااااااااق
راح يقولون انه تم البث ارضيا عشان نشتري حقوق الدوري الفلاني و الفلاني الغالي التكلفة ليستمتع به المشاهدون

ايه هين

تشكرااااااااات ابو عبدالرحمن

سامنواف · #6 24/09/2002, 12:11 AM

اخواني المقحم والمسلط والبداية شفناها اليوم اهداف عمو ماجد عمو عمو عمو
والهريفي ( ومن شاف 000000 حصانهم ماخطرهم)

الغانم · #7 24/09/2002, 02:31 AM

بخخخخخخخخخخخخخخخخخخخخ
هذا جزاء من يترك شيء من تراثنا

قلت لك بس ما سمعت الكلام

منادي · #8 24/09/2002, 02:58 AM

اخوي هلالي الجوف....

زي ما قالك الغانم محد قالك تستغني عن جزء لا يتجزء من تراثنا العريق

عموماً كل التوقعات تشير الى سيطرة برامج الفروسية وتقارير النباط (ولا يهون سلطان العبدالله

) <<-----لا هنت

اتمنى ان تكون تلك القناة عند حسن ظن الجمهور الرياضي في المملكه.

وبالنسبه للانتل عندي واحد كان تبيه علمني

تحياتي

الصوت الهلالي · #9 24/09/2002, 03:29 AM

لا تذكرني يا أبوعبدالرحمن والله أني رحت مقهى عشان أشوف هالقناة اللي غثونا فيها ..

والله يعينا على هالأنتل اللي بندور عليه ..

جنتلمان · #10 24/09/2002, 03:31 AM

هلا باللي يطر أريل <----- أنتل بالقروي

وأنا كنت اقول وش ذا القحط في المعاليق اليوم أثره من القناة الرياضيه

تصدق عاد يابعدي أنا ماجبت خبر ذا القناة اللي [ يقولون ] أنها بتصير رياضيه

لأني داري أن ربعنا مع الخيل ياشقرا

وهم عاد يقدرون الخيول بالحيل

ومثل ماسمعت أنها بتفتح الساعه 6 وتقفل 12 <--- بقاله ذي مهوب قناة

تحياتي لك ياغالي ..

زعيم القرن · #11 24/09/2002, 04:54 AM

إقتباس


	اليني قعدت أكثر من ساعة ابحث عنها .. وماخليت علاق ملابس بالبيت الا جربته .. ومافي فايدة

تصدق عاد ماطقيت لها خبر ....

ودي اشوفها .... بس شايل هم الأريل ومعلاق الملابس

إقتباس


	عاد بالله عليكم .. من عنده فذة اريل يرسله على الإيميل لين الله يفرجها ويبثونها فضائي وارجع الأريل وفوقه بوسه

أخبر فيه أريل للبيع ....

رحت دورت بالاسواق ... قالوا لي : ياقدمك وش ذا الغبار

الأناتل أنقرضن .. مثل أنقراضة الديناصورات

الله يصبرنا ويعيننا على أناتلهـــــم بس

البحار المحب · #12 24/09/2002, 06:37 AM

والله يا اخوي هلالي الجوف الحال من بعضه ... المصيبه اني مستغني عن الاريال من فترة قصيرة ,,

عشان تعرف المنحوس منحوس

جبت علاقه الملابس واربطها مع السلك .. واروح يمين وافحط شمال ,, واطلع فوق المكتبه .. وووووووو

وفي الاخير ما شفت الا شعار القناة

ومدري عنها ... اليوم بروح اشوف تصريفه اريال

والله يعين

القائد · #13 24/09/2002, 07:27 AM

إقتباس


	إقتباس من مشاركة الغانم بخخخخخخخخخخخخخخخخخخخخ هذا جزاء من يترك شيء من تراثنا قلت لك بس ما سمعت الكلام

nawaf47 · #14 24/09/2002, 01:54 PM

يا شباب تبون الصراحة باالأريل ويالله تطلع صافية .

ابونايف(عاشق الزعيم) · #15 24/09/2002, 02:47 PM

يافرحه ماتمت,,,,,,,,,,,,,,,,,,,,,,,,,

القناة وطلعت ارضيه,,,,,,,,,,,,,,,,,

والله يعين

بعدين اخووووووووووووي هلالي الجووووووووووف,,,,,,,,,,,

اشووووووووووف كل الردود من هوامير المنتدى وقلت لنفسي خليني ارد على هالموضوع يمكن

بعد هالرد اترقى لعضوووووووو نشيط

والف شكر لجميع محبي الزعيم