:: اســأل والمجــلس يُجــيـب :: - صفحة رقم 20 - نادي الهلال السعودي - شبكة الزعيم

OoO ALM7ROOM OoO · #1 04/02/2010, 06:44 PM

الله يجزاكم خير كل واحد بأسمه لكن حبايبي لوتكرمتو انا ودي تقولون لي وش الافضل كلية الاتصالات ولا معهد الادارة بغض النظر عن صعوبة معهد الاداره كناحية وظيفية وكناحية دراسية واتمنى المزيد من الاراء وشاكر لكم حسن تعاونكم وجزاكم الله خير

إحساس خالد · #2 05/02/2010, 05:07 AM

مرحبا شباب

شباب اتمنى اذا احد عنده علم بالقانون السعودي لايبخل علينا

السالفه سمعتها من اخوي قبل شوي فمادري ايش اسوي

والله ضاقت فيني الوسيعه ...

وحسبي الله ونعم الوكيل ...

السالفه من اخوي " مادري اذا مخبي شي عني ولا لا "

ولد عمتي بثاني ثانوي تعرض لاحد اخوياه بكلام " 18+ "

قد يكون على سبيل المزاح بين الاخويا " لأنهم اخويا " ...

صديق ولد عمتي علم اخوه الكبير على ذيك الايام وادب ولد عمتي

حلو ...

امس الولد دق على ولد عمتي وناداه بمكان معين ولد عمتي راح عنده

اثاريهم مسوين له كمين مسكوه وجلدوه جلد سنه بساعه وغير كذا

استخدموا جهاز الصعقات الكهربائيه فيه فتره ..

احد الشباب بالحاره حاب يحل النزاع " فزاع يعني "

طلعوا عليه ساطور .. وضربوه مع فخذه جته اصابه ولكنه امداه يهرب ...

//

الحمدلله " فزاع " شفته قبل شوي مافيه الا كل خير ...

ولد عمتي الان يتعتع ومو عارف يجمع كلمتين على بعض ...

طبعاً اهله مايدرو ايش فيه ...

سؤالي :

لو بلغت وش تبعات القضيه

بالنسبه لولد عمتي وبالنسبه للشباب ؟

//

وشسمه على الطاري اخو خوي ولد عمتي من اصحاب السوابق

وبالنسبه لتحديدي باي سنه دراسيه يدرس ولد عمتي

لأنه ماتعدى سن الاهليه وهي 18 سنه

اتمنى وضحت السالفه

MaRoUaNe · #3 05/02/2010, 07:34 AM

^^
الله يقوم ولد عمتك بالعافيه والله يستر عليه ..

إقتباس


	لو بلغت وش تبعات القضيه بالنسبه لولد عمتي وبالنسبه للشباب ؟

والله يالغالي مدري ..
بس دام الدعوى كلام ماتاصل إلى ضرب مهما كان الكلام ..
لأن بإمكان خوي ولد عمتك يروح للمحكمه يرفع عليه ..
لكن الرجال أخذ حقه بس بطريقه غير شرعية .. وراح يحاسب عليها .. لأن الدعوى مهيب سبهلله وغير الضرب أنت تقول كهرب وساطور ووووووووين حوثيين ..!

بس هل سيحاسب ولد عمتك على الكلام ..؟ مدري والله على حسب الكلام .. بس فعل الضرب ممكن إنه مايحاسب ..!

ஜ ₣ ฮ เ ṥ λ Ŀ ஜ · #4 05/02/2010, 09:38 AM

هلا اخوي إحساس خالد

على حسب الي فـهمته منك ان ولد عمتك اول تـكلم على خويه كـلام + 18 من باب المزح فقط لاغير واخوهـ فـهم السـالفة غلـط او مدري وش فـهمها اصـلاً !

من الي اعرفه ان اخو خوي ولد عمـتك راح يتـعاقب ويـمكن تـوصل لـ السجن لأنه له سـوابق على كلامك !

لـكن ايضـاً ولـد عمتـك يـمكن يـروح لـ السـجن بـتهمة " القـذف " حتـى لو على سـبيل المـزح ! خوي ولد عمتك مب قـايل كنا نسـتهبل ! دام اخوه في السـالفة اكيد بيـقول هـو الي سـبني !

فـ نصـيحة اخويه مني حـاولوا تـحلون المشـكـلة بـين بـعض لأن لو بـلغت كل الأثنين بيتـضررون !

اتمـنى اني افـدتك يـا بـعدي

عشقي لهنري لاينتهي · #5 05/02/2010, 01:59 PM

إحساس خالد

أول شي امسك ولد عمتك وأقرب مستشفى

وتقرير وخلهم يستدعون الشرطه

وخله يعلمهم لكل السالفه من إلى

وتراه الدعوى القضائيه تحسب لـ سبق بالبلاغ

يعني لما تبلغ انت هالشي راح يحسب لك ويحسب عليهم

لإنه مهما كانت ماتوصل لـ اللي وصلت له

يعني مهما كان لو تعاقب ولد عمتك

راح يكون أقل من المجرم

وطبعاً يكون فيه تعهد على كل الطرفين بعد المساس بالطرف الاخر

وراح توصل لـ هيئة التحقيق والإدعاء العام

يعني إذا ولد عمتك مازين الا كــلام

فـ انتبه تتساهل بالموضوع

لإنهم يمكن يكررون هــ الشي مره ومرتين

والله يعينكم ويسهل عليكم

OoO ALM7ROOM OoO · #6 05/02/2010, 02:59 PM

السلام عليكم ورحمة والله وبركاته......

اخواني اخواتي الاعزاء الكرام:

انا الحمدلله قبلوني في المعهد تخصص قطاع اهلي بعد 3 محاولات وهذي المرحلة الثالثة وقبلوني فيها والحمدلله ولكن انا الحين لي تقريبا شهر ادرس في كلية الاتصالات وتقنية المعلومات في
الرياض تخصص (اتصلات) بدية الدراسة الترم الثاني لكن والله فعلا محتار اترك كلية الاتصالات لأني ممكن احول بعد ها الترم الى تخصص برمجة او شبكات ان شاء الله لأن معدلي تقريبا 74.64 جيد يعني وللأسف المعهد ماقبلني الا في القطاع الاهلي وانا امنيتي الحاسب الالي فمحتار جدا وهل يمديني احول اذا خلصت السنه الاولى حق الانجليزي بأذن الله واحول الى حاسب ولا.

ولكن فعلا السؤال المهم وش الافضل كلية الاتصالات ولامعهد الادارة ؟؟؟؟

اتمنى ماتبخلون علي في الاجابة لأني فعلا محتاجها منكم وشكـــــــرا لكم وجزاكم الله خير مقدما

عاشقة الزعيم15 · #7 05/02/2010, 03:05 PM

ما اقدر افيدك مين الافضل
بس حبيت اقولك استخير وان شاءالله ربي يكتب وييسر الاحسن لك

abo.a7mad · #8 05/02/2010, 03:10 PM

كلهن حلوات والإتصالات أحلى .. بس حاول ترفع معدلك ,, بالتوفيق.

OoO ALM7ROOM OoO · #9 05/02/2010, 03:15 PM

الله يجزاكم خير واتمنى المزيد من الاراء المقنعه شاكر ومقدر حسن تعاونكم

hilaly.vip · #10 05/02/2010, 03:29 PM

( ما خاب من استخار )

.............................................

yasser99 · #11 05/02/2010, 03:33 PM

اتوقع الاتصالات افضل...

.........

**الـــــــــواوا** · #12 05/02/2010, 04:48 PM

يمسيكم بالخير جميعاً,,, حد علمي أنو فالدوائر الحكومية حلو

يكون معاك شهادة من معهد الإدارة ,,, أعرف كذا واحد متخرجين من نفس

معهد الإدارة ومتوظفين.... والأفضل إنك تستخير ولا تستعجل والله يوفقك

OoO ALM7ROOM OoO · #13 05/02/2010, 05:02 PM

الله يجزاكم خير واتمنى المزيد من الاراء وشكرررررررررررررا

A L 7 Z N · #14 05/02/2010, 06:44 PM

الله يعينك

وأعتقد إن الإتصالات أفضل ..
وأستخير وأن شاءالله تتوفق

EmptySky · #15 05/02/2010, 07:06 PM

اخوي المحروم ..

هذا مستقبلك .. كيف تطلب من الناس انهم يحددون لك مستقبلك ؟
اعتقد صعبه شوي ..بحق انسان متعلم

اخوي ..

رغبتك " اولاً واخيراً " هي اللي تحدد لك المجال اللي تتوقع انك تبدع فيه

اختار المجال " التخصص " اللي ترغبه انت .. و ليس رأي الآخرين

لأنك انت اللي بتدرس .. وانت اللي بتشتغل بهذا التخصص طول عمرك

اتمنى لك التوفيق من كل قلبي

اخوك : فهد