والله ودي افيدك اخوي
لكن ما اقول
الا

(صل صلاة الاستخاره واطلب من الله يختار لك الافضل)

لكن من وجهة نظري
حاول انك تعرف ايهما افيد لك مستقبلا
من الناحية الوظيفيه
واكثرهما طلب بسوق العمل

وايهما اكثر اللي تحس انك بتبدع فيها

كان ودي انفعك لكن هذا اللي عندي

تقبل مروري ،،

يالمحروم

استخر واللي يكتبه رب العالمين هو الخيره


الله يوفقك ويوفقنا

إقتباس الرسالة الأصلية كتبت بواسطة عاشق الموهوب 10 السلام عليكم الله لايهينكم عند استفسار بسيط : س/ كم يسحبوا بنك الراجحي في الشهر من الرصيد ، وما أدري يفرق إذا كان المبلغ فوق ال1000 او تحته ؟ مشكوريين

والله يالغالي اللي اذكره انهم يسحبون خمسة ريال اذا كان اقل من الف او خمسة الاف
واذا اكثر ما يسحبون شيء
بس ترى ماني متاكد

الله يجزاكم خير حبايبي وانتظر بااااااااااااااااقي الاراء والمشاااااااااااااااااااركات تكفووووووووووووووووووووووووووووووووووون

السلام عليكم

يسعد لي صباحك حبيبي

طبعا من هالناحية اخوي كلن له وجهــة نظر عرفت

انا درست بالمعهد قبل اربع سنوات وتخرجت من قسم إدارة مواد والحمدلله الحين موظف بالمرتبه الخآمسـة بالديوان الملكي
طبعا انا ماتكلم لك بهالمنطق من باب المفخرة او شي لا وربي,,, لكن كـ طالب معهد إدارة انت مرغوب وتفضل عن غيرك من كل المعاهد وحتى الكليات صدقني مابالغ لو قلت لك حتى من الجامعات’’’

حتى بعد التخرج جت عروض من الشركات بشكل خيآلـــي,,,

لكن فيه نقطه ودي انبهك عليها اخوي

اول شي بالنسبة للتخصصك قطاع اهلي يعني انت عارف اتوموماتيكلي ع البنوك,,, هذي مسألة لحالها كاملة الي هي الوظيفة في بنك

يعني إدارة مواد اشمل شوي بحيث تشمل إدارة مبيعات ومشتريات ومراقبة مخزون والمستودع,,,

اتمنى اني افدتك بالي تبي
وإي سؤآل او استفسار انا حاضر حبيبي

الله يجزاك خير اخوي رائع واتمنى مشااااااااااركة الجمــــــــيع وشكرا

العفو وانا اخوك وانت اخوي وواجبي اكون ويآك

ومثل ماسبقوني الأخوان وقالو لك لكن ترى مامثل الإستخارة واللــه..!
ولا اشوف انها مده طويلة حقت الإتصالات يعني مالك إلا شهر ,,,

الله يكتب لك الي فيــه خير يارب

وزي ماقلت لك انا معــك وحاضر بالي تبي فديتك

هلا خيو

حاليا معهد الادارة وكلية الاتصالات هم افضل الامال
لما دون معدلات 80 في الثانوية

ان كنت تبي حاسب الي .. تقدر تحول وانت في كلية الاتصالات بعد هالترم لما تخلص وتجيب معدل فوق 3.75 من 5

لكن بالنسبة لمعهد الادارة اظن نفس الكلام لكن بمعدل اقل بشوي

بالنسبة لي .. معهد الادارة احسن من الي انا فيه الان . لكن نصيبي وراضي فيه الحمد لله

توكل على الله وروح معهد الادارة وشد حيلك وبعد الترم الاول حول للتخصص الي تبي

احترت . استخر لله .. ^ ^

إقتباس الرسالة الأصلية كتبت بواسطة ريكيلمي تكون مع الدائري الجنوبي تدخل مخرج 19 ( طريق الخرج شمال ) بتدخل على طريق الصناعية تتعدى الكبري الأول الكبري الثاني فيه مخرج على اليمين يوديك يسار ادخل معه و يجيك المعهد الملكي أقرب مكان للسكن حي الملز .. بس الشوارع هناك تضيع شوي إذا بترجع للمعهد الملكي

يعطيك الف عافية اخوي على هذا التوضيح

وكذلك اشكر كل من قدم لي اي معلومه
لا خلا ولا عدم
بارك الله فيكم
والله يعين ويوفق الجميع

إقتباس الرسالة الأصلية كتبت بواسطة عاشق الموهوب 10 السلام عليكم الله لايهينكم عند استفسار بسيط : س/ كم يسحبوا بنك الراجحي في الشهر من الرصيد ، وما أدري يفرق إذا كان المبلغ فوق ال1000 او تحته ؟ مشكوريين

حبيبي على حد علمي انهم كانووووو يسحبون من رصيد العميل
خمسه ريال وكذلك ريالين
وبعد عدت شكاوي ضد هذا التصرف من البنوك
بطلوها غصب عنهم

وسبق وان عانيت من هذا الامر مع بنك الراجحي
اما الان ارتحت والله
يعني بالعربي ماعاد لهم الا قيمة البطاقة عند التجديد فقط
وسلامتك

الله يجزاكم خير اخوووووووي رائع /// والله يجزاااااااااك خير اخوووووي هلالي والاستخارة ان شاء الله شئ أساسي ، انتظر باقي الاراء والمشاااااااااااااااااااااااااااركات وشكرا لكم مقدما والله يجزاكم خير الي عنده معلومه لايبخل علي .

لو تجري جري الوحوش غير رزقك ما تحوش ,,
فوض أمرك لله سبحاااااااااانه

اول شيء مبرووك لك القبوول

وثاني شيء فكر قبل ماتدخل المعهد ترى المعهد شيء مو بسيط وانا الحين ادرس فيه

انا ماقولك شيء تعجيزي بس اهم شيء بالمعهد الحضور والحضور وانك تشد حيلك حبتين

وبالنسبه للمستقبل الوظيفي اذا كان درجاتك حلوهـ فمضونه الوظيفه مليون بالميهـ

حنا اجتمعوا فينا اداراه المعهد وقالوا اذا معدلك فوق 4 وماحصلت وظيفه لك حق تطالبنا

وبنسبه لسؤالك ماتقدر تحول اذا خلصت سنه انجليزي واصلن من البدايه المفروض تختار حاسب كيف

اخترت قطاع اهلي

ومعليش برد على اخوي رد قبل والي قال

إقتباس اول شي بالنسبة للتخصصك قطاع اهلي يعني انت عارف اتوموماتيكلي ع البنوك,,, هذي مسألة لحالها كاملة الي هي الوظيفة في بنك

قطاع الاهلي مو خاص للبنوك

فالقطاع الاهلي بعد ماتخلص السنه الانجليزي فيه خمس تخصصات

1 - مبيعيات << وهذي عالم كبير جدا
2 - المحاسبه
3 - اعمال بنكيه << هذا التخصص خاص بالبنوك
4 - عمليات فندقيه
5 - التامين

وكلهن تخصصات مطلوبه

انا ماعرف شيء عن معهد الاتصالات

بس معهد الاداره انا ادرس فيه ونظامه مرره حلو

بس يبيلك تشد على نفسك شوي يعني يبيله جديهـ

وربي يوفقك وين ماخترت

تحياتي لك

اعتقد الاخوان ماقصروا معك في الردود وكلها الثنتين ان شاء الله مستقبلها حلو لكن في شغله معهد

الاداراه مستقبله افضل لكن يبغالك تشد حيلك اشوي لان واحد من الشباب فيه يعلمني يقول اذا

حملت ماده تعيد الترم كامل يعني ماتحمل الماده بس يعني حرام تخسر ترام كامل عشان ماده والله

يوفقك ان شاء الله ويوفق الجميع .

اولاً مبروك اخوي المحروم على قبولك في المعهد
وبمكانك تغير تخصصك بعد ماتخلص من اللغه الانجليزيه بس المساله معقده شوي
لكن بعطيك بعض المعلومات عشان ماتكون جديده عليك
اول ماتبدى راح تبدا في اللغه الانجليزيه تتكون من اربع مستويات في كل شهرين مستوى
(مستوى الاول تمهيدي - المستوى الثاني ابتدائي - المستوى الثالث متوسط - المستوى الرابع متقدم يعني صعب) الزبده اذا انت عندك لغه راح ترتاح ومارح تواجه اي صعوبه .. صعوبة المعهد في اللغه الانجليزيه لكن التخصص سهل باستثناء برمجة الحاسب الالي << صعب مره والحمدلله انك مادخلت فيه
والمعهد صراحه راح يغيرك 180 درجه الى الافضل وراح يأهلك انك تحصل على وظيفه بس يبغالك جهد شوي وميزة المعهد ان مو كل واحد يدخل في المعهد او يتخرج منه يعني سهل ممتنع
^^كل الي فوق هذي ملعومات بس عشان ما تتفاجئ بعدين
وفي الاخير انا انصحك انك تستخير
وأي سؤال انا حاضر