|
تجارب اندية ومنتخبات pes2010 السلام عليكم ورحمة الله وبركاته كيفكم مع البرد يا شباب المهم ندخل بالموضوع على طول اخواني انا ابكتب عن تجاربي عن الانديه والمنتخبات الي جربتها وابي اصنفها حسب وجهة نظري وابي تجاربكم وتصانيفكم انتم علشان نستفيد كلنا طبعا الكل عارف ان اكبر عيوب البيس ان الفرق القويه او الي تقدر تنافس فيها محدوده جدا يعني الفوارق كبيره بين فرق وهي انتر ميلان والريال والبرشا ومانشستر يونايتد والتشلسي وتقريبا بدرجه اقل اليوفي والارسنال والبقيه تكملة عدد هذا حسب وجهة نظري المهم ابسرد تجاربي للفرق 1_ريال مدريد :الفريق هذا اغلب العالم تاخذه كل ما جيت اقابل واحد القاه ناشب بالريال تدرون ليش عنده رونالدو يسوي له كل شي حتى الاوت يخليه هو الي يرمي طبعا تبي جسم مراوغه تسديد رونالدو شايل الفريق وشايل الي يلعب بالفريق يعني بصراحه تبي طقها والحقها خذ الريال عندك رونالدو وكاكا مسنترين قدام اغلبهم يقفلون دفاع ستين الف مدافع وحاط لي رونالدو وكاكا قدام ويالله اي كوره يخلصها الدفاع تجي الثنائي الخارق وهم يكملون الباقي بس عيب الريال فيه فراغات موب طبيعيه بالدفاع دفاعه طاقاتهم حلوه وكل شي حلو بس احس انهب متلخبطين اذا هجم اي واحد عليهم 2_الانتر :هذا الفريق المتكامل اشوف العالم بالاون لاين طاحو فيه تالي فريق يدعم جميع الخطط تبي تكثف الوسط عندك لاعبين تبي تدافع عندك لاعبين يخدمون خطتك تبي تهاجم برضه عندك الي يخدمك من غير الحراس كل واحد يقول للثاني وش انت تولدو وسيزار كلهم جدران مب حراس يعني انس تجيب عليهم هدف الا بطلعة الروح الواحد تطلع روحه ماتخلص من كمبياسو واذا تخلص منه بعد عناء ومشقه جاه مدافعين مافي امل تمر من جمبهم اذا مرو من عند لاعبك طاح لوسيو وسامويل ولا يهون زانتي كل واحد اغث من الثاني واذا خلصت منهم كملوها الحراس ونشبو بحلقك يعني فريق تبي سرعه موجوده تبي قوة اجسام موجوده تبي تسديد تبي مهارات فريق متكامل 3_برشلونه: فريق جربته اللعب فيه بخطته احلى خطه وعندك دفاع فله ووسط متفاهم وهجوم الصراحه ضارب مسي للحاله فريق كامل من غير ابراهيمو فتش وهنري صح انهم مخربين طاقته بس لله ثقله نجي للوجع الراس الحارس فالديز هذا الي كرهني بالبرشاء الواحد يتعب ويهجم وحالته حاله يجي طيب الذكر فالديز ويهدم كل الي بنيته بهدف غبي الواحد يلعب ايده على قلبه كله من الدلخ الي جالس باالمرمى 4_مانشستر يونايتد:صراحه فريق جامد ناني وروني والدفاع والحارس ولا تهون حطات قيقس مع ان طاقته مش ولا بد بس لاعب عليه حطات خيال يعني فريق متوازن من الهجوم للدفاع طبعا روني للحاله ماشاء الله يشيل فريق بس اهم شي ما اخليه بالجهه اليسرى اخليه يمين لان تقنية التسديد عنه لاعبين فيها اذا جبتها من الجهه اليسار ودخلت فيه للمرمى الخصم وسددت الكوره يسددها بطريق غير فعاله صراحه ما يملى رجله بالكوره احلى شي التسديد فيه من جهة اليمين فقط 5_التشلسي:مادري وش مسوين فيه لاعبين طاقاتهم محترمه بس عليهم ثقل موب طبيعي وخصوصا بالاك بس يبقى فريق تقدر تسند عليه فيه جميع الادوات الي تنجح الفريق حارس ودفاع متماسك ووسط محترم بقوه بالذات ديكو له وزنه بالوسط وهجوم دروقبا ارفع الكوره واضغط مربع وانت مغمض عيونك هدف على طول 6_اليوفي:الصراحه مالعبت فيه واجد بس الي لاحظته فيه دفاع متماسك بشكل عجيب وخلفهم حارس خيال الهجوم عيبه الوسط صراحه هجومهم ممتاز بس الوسط يجيب المرض صراحه 7_الارسنال :هذا فريقي عاد الارسنال الي يبي يستمتع ويبي طقطقه ووناسه يلعب فيه ويلعب بخطتهم بس يقدم وولكورد وارشافين اجنحه قسم بالله متعه لا تناضرون للطاقاتهم ناضرو للانسجام الي بينهم انسجام بشكل خيالي كل واحد عارف وين يكون فيه خويه دفاع محترم وخصوصا جالاس ووسط خيال فابريقاس للحاله يكفي واجنحه شي خيال وفامبيرسي لاعب ثقيل مهارات وتسديدات مركزه بس فيهم عيب فاقع مراتي الحارس المونيا يضيع مجهود مباراة كامله بدلاخته 8_الميلان:الميلان فريق مترابط دفاعهم ووسطهم جامدين وخصوصا سيدروف انطلق فيه واتحدى احد يقدر يدفه او ياخذ منه الكوره طبعا نجي للمربط الفرس باتو هذا للحاله حكايه عليه كنترول ومراوغه وقوة تسديد وقوة جسم لاعب متكامل صراحه بس الي يعب هجوم الميلان الدلخ الي واقف بجانب باتو وهو بااريلو او زي كذا المهم المهاجم الثاني الي معه انا اعده مدافع مع الخصم انواع التضييع والمشكله مافيه الا هو انزاقي وهونتلار انواع البربسه فهو انا اعتبره افضل السيئين 10_مانشستر سيتي:الفريق هذا غريب معه اسماء قويه وكل شي متكامل بس احس انه غير مترابط احس انه حوسه بقوه انواع الفراغات بالفريق 11_ليفربول :جربته بشكل خفيف مره الصراحه الي شايلهم توريس وجيرارد وماسكيرانو نشبه بالمحور والمدافع ابو قرعه مادري وش اسمه والباقين الصراحه مامن زود وخصوصا الحارس رينا اشوفه من طقة فالديز والمونيا 12_المنتخبات:البرازيل وانجلتر والارجنتين واسبانيا هاذولا هم الي للعبت فيهم احس ان الانسجام معدوم والاعبين بالمنتخبات مستوياتهم اقل من الانديه هذا الي احس فيه من غير اللياقه احس انها تعبانه بالمنتخبات بنص الشوط الثاني نص الاعبين لياقتهم رايحه وطي بالنهايه انا ابرتبافضل ثلاثة انديه حسب وجهة نظري انا فقط 1_الانتر 2_الريال 3_برشلونه وياليت تشاركونا بتجاربكم للانديه علشان نستفيد وبتجاربكم للخطط الانديه ونقاط قوة الفرق وضعفها ولاعبين معينين تحسون انهم مفيدين بس غير معروفين تحياتي لكم واسف اني مارتبت الموضوع صح لاني قليل خبره بالكتابه بالمنتديات وغيرها |
برشلونه مانشستر يونايتد وبس |
إقتباس:
رونالدو لحاله فريق كاامل ابد خذها من الباب للباب وهدف وانت مرتاح هذا الي يخليني اتعلق بالريال:smilie47: غير كذا لاتنسى كاكا صراحه يسوي حوسه بالوسط مشكور عالموضوع المتميز |
إقتباس:
رونالدو لحاله فريق كاامل ابد خذها من الباب للباب وهدف وانت مرتاح هذا الي يخليني اتعلق بالريال:smilie47: غير كذا لاتنسى كاكا صراحه يسوي حوسه بالوسط مشكور عالموضوع المتميز |
أنا ألعب بالريال وصراحة رونالدو هو اللي شايله ولا هو فريق فاشل مرررررررة وخاصة راؤوووول يا دوب يجري وأفكر أغيره وشكلي بأخذ البرازيل مشكووووووووووووور أخوي وصراااحة موضوعك إبدااااع بس ينقصه شوية تنظيم |
الريآل وبس !! تبي طقطقه والا تبي تقفل والا تبي تهاجم كل شي متوفر لك !! عوآفي |
بصرااااحه غير مانشستر لاتدور الريال حلو لكن اذا طلع كريستيانو اصابه بتضيع والله مره كنت العب مع واحد وكسر كريستيانو وقام هزمني 7-0 ولعبت معه مره ثانيه بكريستيانو هزمته 3-1 لكن مانشستر حلو جيجز طلعه لأنهم مخلينه بطيييء والتسحيب ماش ودخل بداله ناني وأي اصابه رح دخل فالنسيا والهجوم لا تدخل أوين الا في حال الإصابه |
بالنسبة لي افضل ماألعب الا باليوفي شين زين مهب شغلي ودائم اقابل الريال والبرشا وافوز عليهم بعد ماعرفت للشريط ونا اختلف معك ياصاحب الموضوع وسط اليوفي افضل خطوطه واسوء الخطوط الهجوم بوجود دل بييرو لانه بطيء ولا فيه جسمانية لكن لازم يلعب قبل الكل يصير موجود لأن ركناته بالملي متر |
انا فريقي اليوفي ومشكور على الموضوع |
إقتباس:
|
إقتباس:
|
إقتباس:
|
إقتباس:
|
إقتباس:
|
إقتباس:
|
| الوقت المعتمد في المنتدى بتوقيت جرينتش +3.
الوقت الان » 05:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd