التمياط يـقـوول لـ نيدفيد ( إستريح ) ويحلق للمنتشري ( كابوريا ) - صور متحركه - + رسالة من الثنيان للجمهور الهلالي + قصيده صوتيه اهداء من..!!
بسم الله الرحمن الرحيم ..
حياكم الله من جديد واليوم موضوعنا خفيف فيه من اللقطات الجميله والمضحكه والمفرحه والمحزنه بنفس الوقت .. 
أبو يعقووووووب راح يكون بالملعب باعتزال نواف وراح يلوح للجماهير مثل ما بالصوره .. وفي اتصال ببرنامج بالقناة الرياضيه قال بالحرف الواحد راح اكون اول الحاضرين والجمهور لازم يحضر الاعتزال .. انتهى
ياحظنا راح نشوف الاساطير الثلاثه مجتمعين مره ثانيه باعتزال نواف والله ياهي لحظه مدري كيف بقاومها .. هالصوره كل ماشفتها اعيش معها ذكريات مستحيل انساها ..
طبعا ماننسى التيماااوي رااااح يكون أول الحاضريييين والله ياهي ليله اجتماع اساطير ونجوم مع صفوق ومحمد وبقية الجيل الذهبي اللي جابو لنا لقب نادي القرن .. ليله ماتتفوت آبد
.............
نجي لموضوعنا حبيت اختصره بصور متحركه :
التمياط يصنع هدف التعادل أمام البرازيل بكأس القارات 1999 ( بـ الرأس ) لله درك
....
نواف يقول لـ بافل نيدفيد المخضرم كابتن منتخب التشيك ( استريح يا نيدفيد ) 
....
هنا يجندل الدفاع البرازيلي مره يسار ومره يمين ....
هالمهاره هذي بالعاده تكون استعراضيه وعلى الواقف ( لكن نواف خششها وسط اللعب بكل اتقان ) ....
مره اخرى يدخل نفس الحركه في وسط اللعب لكن هالمره بكأس القارات امام المنتخب الامريكي بهندسه مهاريه وسرعة بديهه ماكان للامريكان الا ( الضرب ) لتوقيفه ....
التمياط ( يشق ) نور بكبري قوي ويقول لا لا عاده تعترض طريقي 
....
هنا يجعل الكره تحلق للمنتشري قصة ( الكابوووريا ) 
....
شوفو وجه خميس العويران متحطم بعد السحبه الأليييمة ....
هذا الجنوب افريقي صار مسخره اخوياه بعد المباراة ( كل ماشوف هاللقطه افقع ضحك غصبن علي ) ....
(تنطيل) بلاعبين النصر ....
درس عن كيفية سرعة البديهه 3 تسحيبات كل واحده تختلف عن الثانيه في 3 ثواني !!! لله درك ....
تكريم الاسطوره فيغو لنواف التمياط بأفضل لاعب عربي عام 2000 بدبي 
,,,,
اخيراً وليس اخر ( ن )
ماهي الانبراشه المزدوجه ؟ في السابق كنا نعرف فقط الانبراش من لاعبين الاتحاد اتجاه يوسف وسامي.. أما نواف فقط ابتكرو له اسلوب جديد ( الابنراشه المزودجه ) فقط لمحاولة إيقافه ( حتى بالتكسير مميز ابو بندر ) .........
* الشلهوب يهدي هدفه الـ 11 في الدوري الى نواف التمياط * أول هدف سجله ياسر مع الهلال كانت من تمريرة نواف التمياط بالمسطره على الرأس .. وأول هدف سجله ياسر بعد الانقطاعه الطويله عن التهديف في تلك الفتره كانت ايضا من تمريرة متنقه من نواف لياسر بين المدافعين ..
السؤال هل يمرر نواف ويسجل ياسر في مباراة الانتر ؟؟
* مورينهو يتحدى وعشاق الانتر في موقعه الرسمي يتسائلون عن نادي القرن وكيف هم جمهوره .. فهل أنتم قدها ياجمهور نادي القرن !! الاجابه راح تكون بالملعب عندما نودع الفتى الذهبي ..
شكرا لكم والوعد الملعب بأذن الله لتوديع الفتى الذهبي اللي طالما فرحنا خاصه في البطولات الاسيويه .. ولننسى مؤقتا الدوري لعيون ابو بندر ,,
مسكين نواف شوفو جلسته وهو يتعشى مايقدر يثنى ركبته عشان تعرفون انه ضحى بصحته لعيونكم 
وهذا قصيدة من العضو ماطر الشمري حب أن يهديها لأبو بندر عن طريقي وانا اتشرف بذلك
نص القصيده :
( تستاهل التكريم )
يوم الوداع اللي غشى عيني ولاف
وآستنهض آنفاس القهر كل خافي
صدمه آكيده وآصتدم حزن الآصداف
وآستعمر الخفاق نار الفيافي
اللي مودعنا ترى مابه خلاف
عايش بحمد الله صحيح متعافي
بس البلا ماعاد به ذرة إنصاف
وشلون نجم بعز مجده يعافي
سطر لنا التاريخ بإبداعه وطاف
وآعلن لنا ان النهايه سوافي
يامنبع الآخلاق ياحزن الآرياف
يامدرسه آسستها بـ/ لنحرافي
رغم المصاعب جيت في كل الاطياف
وكسبت آصحاب الميول العجافي
علمتهم وشلون تهميش الإجحاف
ودرستهم معنى الوفا والخلافي
عانيت واجد بس حققت الاهداف
وهذا ترى بعيوننا شيء كافي
نواف لو تدري بحزن الاكفاف
حتى وهم اكفاف والدمع جافي
يوم اعتزل نو1ف والناس وقاف
شاشت عقول مدورين الخوافي
مثلتنا في كل محفل ومصياف
وارويت ذوق اشعارنا بالقوافي
واصبحت رمزٍ للتفاني والاكتاف
لاهنت ياولد السناعيس وافي
تستاهل التكريم والمجد ينشاف
بحضور يبهر عاشقينك شغافي
والمملكه في كل موطن ومجداف
ترفع لك الرايات والشوق ضافي
مسيرتك بيضاء والقلب شفاف
وماجاء منك نقص والحق شافي
العقل راجح والميادين كرناف
بروزتها يالكنز بآحلى غلافي
اخجلت فكري يوم وجهت انا القاف
وشعب الهلال يستسمحك يالسنافي
وهذا أنا ماطر والشعر مــاراف
أختم حروفي بالشكر والهتافي
أخوكم
بن سمحان الزميلي = السنعوسي
</B>شكًثر ٌعانيًت... وٌحاًلتَي
الوضع العادي
