Blackberry - نادي الهلال السعودي - شبكة الزعيم

danger boy · #1 05/12/2009, 02:39 PM

صبــآح / مساء الـ خ ــير

العلامة التجارية هذي اثبتت نفسها اكثر من كون انك اثبت نفسك بالحياة

* Blackberry وما ادراك Blackberry

*تجلس في مطار / مستشفى / سوق / سيارة / بيت / استراحة / البر ... تمشي في الشارع و بالممشئ مستحيل ماتلاقي الببي (حبيب القلب ) متعلق بين يدين شخص هذا اذا مو انت اللي متعلق بيدك
*تطالع جنبك بالأشارة تلاقي واحد لحالة يضحك ويناظر جوالة (تحمد ربك على العافية )

*يعني بالسوق اذا كل شوي صافقك واحد عاااااااادي على طول فكر قبل لاتناظر اعرف ان معه Blackberry
* حادث غبي لاسمح الله (استغفرالله (الله لايبالنا ثم نصدم )) اعرف انه من Blackberry

*اللاعبين في مباريات افرقتهم وهم مصابين مايلعبون تلاقيهم يطقطون بالببي (رآول على سبيل المثال )

*الأشارة تشتغل وتطفئ واللي قدامك مادرئ عنها كلها بسببBlackberry

*بالسيارة معك اصدقاك ولا احد يسولف ولا شئ على طول فكر قبل لاتناظر فيهم بسبب Blackberry

* بلوت يحكم اللي ضدك على الهاص يربع خويك لهم بالهاص على طول انطل البلوت بوجهه واعرف انه بسبب Blackberry > قد صارت لي

> يعني كل هذولا لاتستغرب لاشفتهم وفيه غيرهم كثيرررر

*الرسايل من اول ماتجي من صديقك الا من عيد لعيد (وعلى حسب بعد ) الحين باليوم 50 رسالة

*يعني مره دخل واحد من اصدقاي علينا بالأستراحة مايشوف اللي قدامة بسرعه شباب شغلوا البلاستيشن شغلوه ؟ وش السالفة ؟ اثاري الرجال الببي بيطفي ويبغئ يشحنة شوي ويكسر الببي وآخر شئ طلع الشاحن حق يد البلاستيشن مايركب على الببي (حبيب القلب) رجع نآكسآ على عقبية للبيت * طيب على الأقل قدرنا واجلس 5 دقايق وارجع بيتكم قال لا ماقدر مشغول ( وش ذا الشغل اللي يخليك تجي ماتشوف اللي قدامك وتمشي خلال دقيقة )

* هذي غير المواقف الكثير منها

الصورة تستحق 100/100 والله عرف وضعنا مع الببي

*صحيح انها تقنية خيالية وتستانس فيها يعني بمطار تنتظر رحلتك / مستشفئ تنتظر موعدك/ بالطيارة وانت طفشان تشغله رغم انه ممنوع بس عادي ماحد درئ عنك / واقف عند اشارة مثل طريق الملك عبدالله سابقآ ومتضايق شغل الببي وتستانس
اوقات الطفش يفك الببي ازمة خيالية

* بس والله بعض الأحيان تستحي من كثر ماالرسايل يعني مره بعزيمة اللي جنبي الببي حقة ازعجنا انا عن نفسي تفشلت وانا مالي دخل بالموضوع

*ولاتنسئ وقت الصلاة ماتسمع الا الببي

# انا عن نفسي اقول ان البلاك بيري احلى اختراع للحين من ناحية اوقات الطفش يقضي الوقت عليك وأعطية 10/10 بخيره وشره

انا عن نفسي من اليوم وطالع بسمية (حبيب القلب ) عشان ماحد يآخذه ويستغني عنه بالسهولة

@نبغئ تعليقاتكم على حبيب القلب Blackberry
مواقف المضحكة اللي تدور على Blackberry

آسف على الأطاله