|
بيت الشعر الذي فضح ( الاسير ) لعدم قدرتة على معرفة معانية و لهشاشة معرفتة بالقصيد ؟؟؟؟؟ أقرأ ما كتب بالاحمر فهو بيت القصيد : لا يختلف اثنان على أن قصيدة ( اسمحيلي يالغرام )، والتي تغنى بها فنان العرب، تعتبر من أجمل القصائد خصوصاً وأن الشاعر وضع فيها الكثير من روحه المعذبة وتساؤلاته التي تجعلنا نتعاطف مع شكواه . اسمحيلي يالغرام العـذب يالوجـه السمـوح إن لزمـت الصمـت أو حتـى لبسـت الاقنعـة اعترف لك ما بقى مـن عالـي الهـمة سفـوح انحـدر كلـي مثـل طفـل تـحـدر مدمـعـه من يبي بالله يفتح لـي غلـق صـدره وابـوح ضاقـت الدنيـا بشاعـر طيـب قلبـه ضيعـه ما قبلنا الحظ قولي ويـن ارحـل ويـن اروح ؟ الصبـر يـا هـو يعـذب والامـانـي موجـعـه آه يا جود الحـزن ويـاي والفرحـة شحـوح ضايـع بهمومـي الغبـرا بوسـط المعمـعـة اشتكـي لوسادتـي دنيـاي واسمعهـا تنـوح كنها بعضي وبعضي وين هو من هو معـه ؟ ايه انـا والعالـم المغـرور واليـاس اللحـوح خايض حرب الرياح اللي تسـوق الاشرعة مختلط في عبرتي حبر الشقـى ودم الجـروح ومستوي في نظرتي غرب الوجـود ومطلعـه عودي المبري بقى به من عطايـا الوقـت روح وفصل خامـس حايـر بيـن الفصـول الاربعـة وراس مالى ذكريـات حلـم وامـال وطمـوح لا صديـق ولا رفـيـق ولا طـريـق اتبـعـه نوب اسافر في سديد الراي ونوب فـي جنـوح مختفي صوت الحقيقة .. كيف وشلون اسمعه ؟ سامحينى دام هجـري واضـح كـل الوضـوح واسمحيلي بالرحيـل بـلا تذاكـر ولا امتعـة والسؤال هو : هل قصيدة ( اسمحيلي يالغرام ) هي للشاعر ( الأسير ) أم أنه انتحلها ( أو دفع ثمنها ) ونسبها لنفسه ؟؟ الجواب في ثنايا هذا البيت ( المصيدة ) الذي لم ينتبه له ( الأسير ) لحداثة سنه ( وتواضع شاعريته ) : عودي المبري بقى به من عطايـا الوقـت روح وفصل خامـس حايـر بيـن الفصـول الاربعـة لا يمكن لشاعر لازال صغير السن بين الطفولة و المراهقة أن يقول ( وهو يصف نفسه ) بأنه قد بلغ الخمسين من العمر بعد أن تجاوز الأربعينات !!!! القصيده ليست ( للاسير ) وانما هي سرقت من الدكتور صالح الشادي ونسبها الأسير الى نفسه واعترض صالح الشادي وحدثت مشكله اضطر صالح الشادي الى الاقامه بالاردن 6 اشهر حتى هدئت الثوره الاعلاميه ورجع الى السعوديه فماذا تتوقعون من شخص كهذا الا الغش و الخداع و الظلم !!! و لكن الله سبحانة و تعالى فوق كل ظالم . |
لا وازيدك من الشعر بيت يوم قال راس مالي ذكريات وحلم وامال وطموح ياخي تو العمر 15 ما امداها ذكريات وحركات هع |
للتثبييييييييييييييييييييييييييييييت ..!! |
مشكوووووووووووووووووور اخوي معروووفه هذي السالفه والي فضحه فيها مقدم mbc سعد الدوسري وموجود المقطع في اليوتيوب |
هاللي يسرق قصايد هو اللي قاعد يظلم الهلال و يحاول يوقفه اذا شافه على وشك يحقق بطولة ما نسينا قصة كوزمين . . |
مايحتاج اصلا معروف انه يزرف قصايد اسير المخده |
لا وازيدك من الشعر بيت يوم قال راس مالي ذكريات وحلم وامال وطموح ياخي تو العمر 15 ما امداها ذكريات وحركات هع |
اجل مهما يقولون مهما صار مهما تم <<<<<< والله من الدجه يا اسيرالهلال انت المصيبه انه مايحقر عمره مايختار الا القصايد الجزله وعاااااااااادي مع انها ماتركب ههههههههه اسمحيلي يالغرام وعديناها ،، مهما يقولون ،،، عديناها وش عنده الفرزدق جديد .. اقول ليتهم ............ تحياتي |
لا وازيدك من الشعر بيت يوم قال راس مالي ذكريات وحلم وامال وطموح ياخي تو العمر 15 ما امداها ذكريات وحركات هع ^ ^ عز الله تعقيب ممتاز .. وبالنسبه للاسير بدون تعليق في شاعريته المنصوبه ؟؟ |
الله يقطع ساره ذا !! فالح يحط روج ويسرق قصايد ويحط قرارات كأنها وجه الله لايوفقه ! |
شي معرووف للجميع الظلم ظُلُمااااااااااااااااااااااااااااااااااااااااااااااااااااااااااااااااااات بالتوفيق لنادي القرن |
عمره وقتها سبع سنوات وليس 15 سنه انها البراعة الشعرية ههههههههههههههههههههههههههههههههههههه لو يقول فيل وطار صدقوه عادي عادي ض1 |
ياخي الرجال تعبان عليها خلوووه يعبر عن اللي في داخله لو بالفلوووس .... وبعدين مايجي يشتري مني قصيدة << ترى عندي تخفيضات ... تحياتي لكم جميعًا ... |
كل من بغى صاااار شاعر بهالزمن ..!! اللهم إنصر زعيمنا فوق كل أرض وتحت كل سماء .. |
بكيفه اخوي الهلاليين زعماء مانحب نتشمت في الناس ولا نفضحهم الله يستر علينا وعليهم مايهمنا الا زعيمنا والدكتور صالح الشادي لحد الحين في ألأردن والسبب الا قلته ماهو صحيح انه سافر بعد قصيدتة اسمحيلي يالغرام |
| الوقت المعتمد في المنتدى بتوقيت جرينتش +3.
الوقت الان » 11:01 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd