بسم الله الرحمن الرحيم

شفتم اش صار اليوم في حفل اعتزال حمزة ادريس قسم بالله اني تأكدت الحين انهم جماهير اللاعب الواحد يوم ينزل حمزة اللي هو صاحب حفل الاعتزال والمفروض يحتفون فيه حفاااوه غيير .. ولاكأنة صاحب الحفل الرجال شوي ويبكي وهم بروود مقدرهم وهم حسافه ماقدروه
ويوم ينزل المنتشري وتكر وكريري وهزازي تشجيع من قلب وصرخات ويوم ينزل نووور عااد تعالوا شوفوا !!
وربي شكيت انه حفل اعتزاله هو من كثر مانهبلوا

وكله كوم ويوم ينزل لاعب الاتحاد عبيد الشمراني صرخات استهجان بشكل مو طبيعي وكل ماتجي الكوره معاه طول الشوط الاول الصيحات مستمره شكيت انه اسرائيلي !!!
ولاحظوا اني قلت لاعب الاتحاد !!
تشجيع اي كلام فشلونا مع اليوفي وفشلونا مع الرويشد وربي جمهور يفشل حتى حسن عسيري انبح صوته وهو يمدح فيهم ولاحياة لمن تنادي !!
ماعجبني فيهم الا فايز المالكي حشهم بمحشه على هالبرود

(( بلييييييييييز ياجمهور الهلال ياجمهور القرن))
مانبي نشوف جمهور اللاعبين في المدرج نبي الكل يشجع الكل ونبي تشجيع زين وراقي يليق بنادي كبير مثل نادينا (نادي القرن ) .. اتمنى نصفق لجميع لاعبينا وحتى للاعبين الخصم وحتى اللاعبين المدعويين من الكابتن نواف نبي نحسسهم بمكانه الفنيله اللي لابسينها وكيف ان جمهورنا يقدر الفانيله الزرقاء ,,

آآسفة على الإطــاله لكن وربي انقهرت من اللي شفت ماتليق فينا كسعوديين ..
وحرام انهم محسوبين علينا جماهير مثلت وطننا امام النادي العالمي ..

لقطة ,,
اكثر شي عجبني في الحفل كله حمزة ادريس يستاهل كل خير على نياته ..