خايف .. أنا خايف .. - نادي الهلال السعودي - شبكة الزعيم

الهلال فوق الجميع · #1 30/12/2009, 10:01 PM

بسم الله الرحمن الرحيم

لقاء الهلال و الاتحاد .. في آخر مباراة في الموسم الماضي .. بدأت المباراة بشكل جيد للهلال .. فجأة .. طرد أحد أهم لاعبي الفريق و يتحول حال المباراة الى أسوأ من السيء !

لقاء الهلال و النصر في مباراة الذهاب .. الهلال مرشح بقوة لنيل النقاط الثلاث ..
بداية المباراة ضربة جزاء غير متوقعة .. هدف نصراوي .. ارتباك.. فتعادل بطعم الخسارة .. و خسارة نقطتين مهمتين ..

الهلال و أم صلال .. الترشيحات كلها تصب في مصلحة الهلال .. ثقة مفرطة .. ثم توتر يتصاعد مع مرور الوقت حتى ضربات الجزاء ثم الخسارة ..

ثلاث امثلة حية .. لفوز كنا نعتقد انه في الجيب الا انها لأسباب مختلفة تحولت الى نتائج مرّة, ليس لضعف فني او لقوة المنافس .. و لكن السبب ببساطة (( ارتباك غير مبرر !! )) .

اتمنى تحذير اللاعبين من التهور .. فالارتباك يؤدي الى الكارثة !
اتمنى تحذير اللاعبين من طرد مبكر أو ضربة جزاء بدون داعي أو استعجال الهدف و النتيجة !
لو مرت اول ثلث ساعة بدون اي طرد او هدف في مرمانا .. صدقوني ستكون تاريخية ..
أمام الاتحاد انتهى الشوط الأول 2-0 فانتهت المباراة بخماسية ..
اتمنى ان لا يستعجل نجومنا في التسجيل .. و ان يبدؤوا المباراة بهدوء و ثقة .. و النتيجة ستأتي ..

توقع : إذا شاء الله و سارت الامور بسلاسة .. فاتوقع فوز الهلال برباعية نظيفة
ويلي هدف .. الشلهوب هدف .. و نيفيز هدفين .. أحدهما من كرة ثابتة ..

وفقك الله يا حمزة ادريس .. ووفقك الله يا نواف التمياط ..

عاشق جمهور الزعيم · #2 31/12/2009, 01:08 AM

لا تشيل هم ,,,
بإذن الله تعالى الفووز هلالي

ان شاء الله

اهم شي حضور الجمهور الغالي بس ,,

ودعواتكم ,,

باالتوفيق للزعيم

زعيم اكبر القارات · #3 31/12/2009, 01:12 AM

لكل مباراة ظروفها

أمام الاتحاد جانا مدرب قبل المباراة شهر
وأمام أم صلال الهلال يلعب بدون مدرب ونفسيات هابطة بعد هزيمة الدوري
أمام النصر الحظ هو من خدم النصر
ومع كل ذلك الحذر والحذر وعدم التهاون

وكل التووفيق للزعيم أن شاء الله

البدائع بلاد الروائع · #4 31/12/2009, 01:17 AM

الاتحاد العام الماضي
النصر بالدور الاول
ام صلال في الاسيوية

خير امثله بان كرة القدم لاتخدم الا من يخدمها (وعنصر المفاجئة) قاتل

يعطيك العافية اخوي
دمت بود

##صعفق الهلالي## · #5 31/12/2009, 01:21 AM

شف اهي موب خووف يعني وشي اجل انا اقوولك غروووور زاايد وهذي مصيبه كبيره اذا جا اللاعب غروور

وبالتوفيق للزعيم

وش اقول غير الهلال · #6 31/12/2009, 01:29 AM

شكرا لك اخوي لانك ركزت على نقطه مهمه للهلال

مع تمنيت لك بالتوفيق
انشاء الله الفوز للهلال

هلاليه زي القمر · #7 31/12/2009, 01:55 AM

عن نفسي ما اخاف من المباراة لقوة النصر الخوف من الحظ وسوء التحكيم تخبر لازم يأخذون بلنتي صحيح مو صحيح اهم شي بلنتي ومن تعالي لاعبينا

وبالتوفيق للزعيم لحصد الثلاث نقاط

يعطيك العافيه

تألم بس تعلم · #8 31/12/2009, 02:15 AM

بأذن الله إن لاعبي الهلال يقدمون كل مالديهم
ويركزووون

والفوز هلالي بأذن الله

دانـــــ20ـــــهـ · #9 31/12/2009, 02:23 AM

اخوي هلالي فوق الجميع

موضوعك في الصميم بصراحــه بس فيه تقليب احزاان قديمه

المباريات اللي ذكرتهاا صارت من الماضي ولاعبينا خذوا منها دروس فلاخوف مع جيرتس

صدقني لما يكون الهلال بكرى في يومـــه ومايتعرض لعوامل تهز قوته مثل طرد اوركلات جزاء او اهداف ملغيه خذها مني راح تكون تاريخيه بمرمى النصر

بس انا اللي مخوفني غياب شبيه الريح سمو الامير/ عبد الرحمن بن مساعد وجوده بالمنصه كان يريحنا كجمهور فكيف اللاعبين

عموماا الله يوفقنا بهالمباره الصعبه اللي تعتبر مفرق طرق بمسيرتنا بالدوري النقاط الثلاث مهمه لاننا وصلنا مرحله لا مجال للتفريط بالنقاط

امير الملاعب9 · #10 31/12/2009, 02:26 AM

ان شالله فوز الهلال على النصر 2-0 ان شالله ياسر ونفيز يارب يارب وفق الهلال امام النصر وحصد كل البطولات ان شالله

امير بحبي للزعيم · #11 31/12/2009, 02:34 AM

قسم بالله كاني انا اللي كاتب الموضوع اسمحلي انت فوق الجميع صدقوني لو كلنا نحترم المنافس مهما تكون الاسماء كان مافي خوف علينا انك ركزت على هالنقطه يسلموووووووووووووووو

<هلاليه> · #12 31/12/2009, 02:33 AM

مباراة تخوف وعلى قولتكم الظروووف ممكن يكون لها دوووور

بس انن شالله يظهر الفريق بهدوء وثقه واحترام الخصم كما حصل بمباراة الاتحاد

ونطلع بنتيجه مميزة ومستوى رائع يارب

ودعواتكم الله يوفق زعيمنا يارب بكرة و بكل استحقاقاته ان شالله

[ قلبي للهلال ] · #13 31/12/2009, 02:33 AM

بإذن الله إن اللاعبين يتنبهون لـ النقاط اللي ذكرتها وإن شاء الله الفوز يكون من صالح الزعيم

ونتمنى أن ظروف المباراة تخدم الهلال

كل أمانينا لـ فريقنا الأزرق بالتوفيق وتحقيق الثلاث نقاط
بالتوفيق للجميع

تحيتي

ابوفهد الزعيم · #14 31/12/2009, 02:38 AM

الله يستر والفوز هلالي لنا ان شاء الله

العام غير والسنة هذي غير

استقرار فني لاعبين خبره بيحسمونها ان شاء الله

اهم شي لا ينطرد احد بس ولعب حلو وعدم ارتباك

هلاليه وقلبي ازرق · #15 31/12/2009, 02:39 AM

الله يستر حتى انا خايفه من طرد أو بلنتي في الدقايق الاولى ..

بس ثقتنا كبيره في نجووومنا وباذن الله الفووز هلاااالي ..

احسااسي يقول نيفيز وياسر راح يسجلوون وباذن الله تكوون تاريخيه مثل مباراة الاتحاد ..