السلام عليكم و رحمة الله و بركاته

يا نواف والله أني ما كتبت ها الموضوع ألا من حبي لك ..
أكتب ها الموضوع والدقيقه 23 من الشوط ..


رأيي الشخصي بـ إعتزال حمزة :
فاشل والله فاشل .. يا حسافة الملايين الي دفُعت لـ اليوفي

أخطاء المهرجان ..
- الهيصة الكبيرة ( الرويشد و المالكي و عسيري و المذيع السامج و دخول اللاعبين واحد واحد ) الي سوها مالها أي داعي .. سامجة لدرجة غير طبيعية ..

- حمزة ادريس يقولون أنه جايب 55 لاعب على ماظن :s5s: . كل 5 دقايق مغيرين ( سلآآمآآآت ) .. المباراة فقدت حلاوتها

- حمزة يسمع بالوفاء .. جايب أخوه عمر :d
والله شكله غلط .. المباراة للجمهور موب لـ عائلتك يا بو موفق

- حمزة مجمع عيال خواته و أخوانه و أقاربة و عيال النادي الظاهر .. مدخل مع كل لاعب ولد .. ما أدري وش الفايدة بالحركة .. زحمة بالملعب بسس !!

- أعيدها من جديد .. دخول لاعب لاعب .. والله مالها اي سنع .. مليت وأنا احتري اللاعبين يخلصون ..

الأخطاء بـ صيغة أخرى .. أو بـ صيغة هلالية بحتة

:alzaeem:

- ياليت يا نواف .. على الأقل تلعب الشوط الأول كامل بـ تشكيلة الهلال الأساسية لـ متعة الجمهور

- ياليت يا نواف .. ما تحط أي فقرات قبل المبارة .. بايخة والله.. ماشوف فيها اي متعة .. ثقالة دم من المذيع فقط لاغير ..

- ياليتك ما تدخل اللاعبين واحد واحد .. ملل .. خصوصاً أن الانتر موب فريق اللاعب الواحد .. يعني مافيه لاعب مميز فيهم ...

- لاتجيب لاعبين واجد تكفى .. وجودك مع تشكيلة الهلال أحلى مايكون .. لـ متعتنا .. وماتوقع لو بتلعب شباب الهلال بيستفيدون من 10 دقايق يلعبونها !! بالعقل !!

- يا ليت تقلل من الفقرات اذا بتحطها .. والله كلها رياء و كلام ماله سنع .. الكل يعرف أنك كابتن كبير تاريخك يتكلم عندك .. بس موب معقولة 20 شخص يمسكون المايك وكلهم يمدحون مدح غير طبيعي .. والله ما يحبها الجمهور ها الحركات .. ما يرفع ضغطي الا المدح الزايد .. ما خلاني أحذف القناة الرياضية من عندي الا مدحهم الزايد بشكل غير طبيعي بكل شي لو أفوز بفريق حارتنا يقولون من سلطان بن فهد .. و لو سعيد العويران ( سعيد جاء شطحة :d ) الضيف قالوا بالبرنامج سعيد سبب الفوز لأنكم تعلمتوا منه يوم لاعب من زماااان :s5s: .. أتمنى وصلت فكرتي :yes: