هل نفقد الدوري كي نطالب بحكام اجانب ياريس ؟؟ جمهورنا بحاجتكم ياأدارهـ
بسم الله الرحمن الرحيم
مســآكم الله بالخ ــير .. اولـ شي مبروك الفوز.. والحمدالله اولاً واخيراً .
كل شي على مآيرام الشبآب بعيد عنا مسآفه كافيه الاتحأد دق ريوس .. وكماهو معتآد فالهــلال ثابت والبقيه متحركون . نحن من اعطينا الشباب شرف المنافسه بأيدينا ولا كان بأمكاننا ابعاده اكثر بالفوز عليه .. ماعلينا .. يسعدني ان اقول الشباب هـش وليس بقوته الموسم الماضي او ع الاقل نهاية الموسم الماضي عندما فاز علينا ثلاثه صفر وحط تحت صفر مليون خط وخط .. او عندما فاز ع الاتحاد اربعه صفر ايضاً مدربهم اشوفه اقل من مدربهم الموسم الي راح وادارتهم زادت جرعة المهايط هالسنه حبتين .. بس اهني البلطان انه عرف مع من يهايط ناس تخصص مهايط .. ماعندهم الا كماتشو ولاراح يلعب مدري كم اسبوع اجانبهم ماهنا زود .. الشمراني مسوي قلق لهم .. بالعربي امورهم مهيب تمام.. بأختصار هذا كله مايبرر بأي حال من الاحوال التهاون من الاداره بالسكوت عن حقوقنا المسلوبه .. ولايبررايضا التساهل من اللاعبين في المباريات القادمه . مع اني احب اشكرهم على كل قطرة عرق بذلوها الى الأن واحب اقولهم انا للحين ماسوينا شي فرصيدنا هالموسم صفر من البطولات .. يعني للحين قدامنا مشوار اصعب من الي راح بكثيررر ..ارجع واقول ظروف الشباب ماتبرر بأي حال التهاون من الاداره بالسكوت عن حقوقنا المسلوبه في مباراة الاتحاد ضربتين جزاء تم التغاظي عنها من باب ارحموا عزيز قوم ذل (وهو ذل بعقل ) و مخاشنات ولعب ع المفاصل بالهبل وسط تطنيش تام من الحكام وان تحمّس شوي عطاهم كرت اصفررر على مضض ..
الى متى ؟
الى متى السكوت عن الحكام السعوديين بتقولون لي مباراة الاتحاد حكامها اجانب طيب ماعليه على عيني وراسي اجانب وبنمشيها حسن نيه وكنا متقدمين خمسه صفر مايضر .. لكن خشونة الفرق الصغيره ولعبهم على المفاصل الى متى هل لانه فريق اقل من الهلال والمباراه مو حساسه خلاص نخلي الحكم يسرح ويمرح بالهلال اليوم شفنا هدف ولهامسون الي انلغى وسط فهاوة رجل الخط الي يشوف اشيا غير موجوده او يتخيلها والاشياء الموجوده مايشوفها هذا اذا احسنا الظن وقلنا ماشافها بس وجهه وضحكته البارده واضح انه ماشاف مع ان الناس شايفينها من المنصه وعلى رأسهم رئيس الوحده الي يقول هدف لاغبار عليه ... ونفس عيونه الي ماشافت هدف ويلي شافت تسلل العابد الي مااحد شافه الا هو فـ الى متى يارئيس ؟؟
شفنا البلطان قال ماراح نلعب ولا مباراه الى بحكم اجنبي سواء كانت المباراه حساسه اوغيرها وفعلاً شفنا الفريق الشبابي مايلعب الا بحكام اجانب ..ليه لان رئيسهم طلع وتكلم . وحنا الي انبحت اصواتنا الموسم الي راح وسلبنا بطولة فيصل بسبب الحكام السعوديين لازلنا صامتون ونتجرع ويلات التحكيم المحلي كل هذا ليه ؟؟ عشان حنا متصدرين وبينا وبين الشباب خمس نقاط ..
يعني لازم نخسر مباراه بسبب التحكيم عشان نتكلم ..والله شي يحز بالخاطر اليوم وانا اشوف هدف صحيح يلغى لان حكم الخط مايبي يشوفه مو ماشافه . مانقول الا حسبنا الله ونعم الوكيل ..
اتمنى ولااتوقع ان الهلال مآيلعب بعد مباراة الوحده الابحكام اجانب عشان مايضيع الدوري .. ياللي ضامنين الدوري ..
جمهورنا الأغلى على قلوبنا .. نحن مستهدفون هذه حقيقه
زعلان الرئيس ياحبي له يقول الجمهور ماحضر .. مايدري وش صاير عند البوابات وشبابيك التذاكر .. دايم حنا الهلاليين ماندري وش وراء الكواليس.. جماهير تمارس ضدهم اشد انواع التطفيش والاهانات ووصلت للضرب تخيلوا !!
وش يبون ذولا بالضبط .. ؟ لاتحظرون بالعربي ..
ان لم تتقدم الاداره بشكوى للأتحاد السعودي ضد المسئول عن المهازل في ملعب الملز فأتمنى ان لاتطالب بحضور جماهيرها .. فالجماهير لها كل العذر ان لم تحظر فهم الاساس وهم سر تألق النجوم فكما تدافع الاداره عن اللاعبين وتوفر لهم جو مناسب للنجاح اتمنى ان توفر ذات الجو للجماهير .. ادارة الهلال جماهيركم بحاجتكم او بالاصح بأمس الحاجه لكم ... فأين انتم ؟
.
غيض من فيض :
· على كثر ماحبيت كوزمين .. على كثر ماقلت وينك من زمان ياجيرتس
· ياسر اليوم كان شعلة نشاط وبالعربي برد تسبدي بالملعب .
* ولهامسون انواع الزبدهـ عليه مجامله غير طبيعيه لما قريت لقائه بالصحيفه البلجيكيه دريت انه هلاّس يقول مافي قلبي الا فريق اندرلخت وفي لقاء ثاني يقول ماحسيت بالانتماء الا مع الهلال ههههه ماعلينا اهم شي عطائه بالملعب
*عبد الرحمن بن مساعد ياجعل عيني ماتبكيك ادوخونا هلال جيرتس وهلال جيرتس وانت الاساس لبى قلبك *سامي ياليتك بس تحس باحساسنا وحنا ننطق اسمك وش اقول ووش اخلي اسمك بلحاله فخر لكل عربي - * درع الدوري .. اسيا .. كاس ولي العهد .. كاس الابطال . كاس فيصل . انتظرينا
.