عاجل : صرف راتبين لموظفي الدولة العسكريين والمدنيين المتقاعدين ( والتفــاصيل بالداخل + المصدر ) - نادي الهلال السعودي - شبكة الزعيم

ابو طـــــلال · #1 23/12/2009, 11:22 PM

الخبر :

صدور أمر خادم الحرمين الشريفين بصرف راتبين بكامل البدلات على أن تشمل إحتساب العلاوه السنوية للعام الجديد 1431 هـ وكذلك علاوة بدل غلاء المعيشة بنسبة 15% لعموم موظفي الدولة العسكريين والمدنيين والمتقاعدين

( 14:09 ) ( جوال الإقتصادية )

^^

هي المصدر مالي دخل

أنا اقول إن شاء الله يتأكد هاالخبر .. والراتب الجاي خير برهان

بس أنا من رأئي والراي لكم

إنكم تتناقلون هالخبر حتى لو كان مهوب صحيح علشان يصير صحيح .. تخبرون الإشاعة صايرة مثل الحلم كل ماتكلمت فيها صارت وانتم أبخص

أخوكم الصغير ابو طلال

algohmani · #2 23/12/2009, 11:33 PM

إقتباس


	تخبرون الإشاعة صايرة مثل الحلم كل ماتكلمت فيها صارت وانتم أبخص

مادام الأمر كذا أجل سمعت بيعينون كل خريجي اللغة العربية وبالذات اللي لهم خمس سنوات من يوم تخرجو ..

alzaeem -4- ever · #3 23/12/2009, 11:34 PM

جوال القآدسية نفى الخبر جملة وتفصيلاً

بنت عبد الله & · #4 23/12/2009, 11:39 PM

وانت ماشاءالله مسنتر عند الأخبار كل خبر جديد اول بأول يوصل

ذكرتني بجدتي اربع وعشرين ساعه ماسكه هالرادو على اذاعة القرآن الكريم ومقربته عند أذانها وتوصلنا الأخبار وأحكام وأوقات برنامج نور على الدرب

اما عن الرواتب ياخوفتي انها أشاعه طيب الطلاب اللي يدرسون بعد عطوهم ؟

ياليت تخبرني

الشيهـانه · #5 23/12/2009, 11:42 PM

دوم
الموظفين يدورون زيادة رواتب

والطلاب يدورون الاجازات

ويالله هلماجرا اشاعات كل ابوشهر

صدق انكم تعساء ايها الشعب السعودي الكادح

<<<مع تحيات اختكم الفرنساوية

عقـل الهلال · #6 23/12/2009, 11:51 PM

طيب هاللحين موظفين القطاع الخاص مالهم رب ؟؟؟

حنا ما حننا حاسدين المدنيين والعسكريين بس برضووه عطونا لو نص هالكلام اللي يصير .
خصوصا ............. << بلآش بلآش بسسكت وأكل من ترابك ياوطن (( كيف الحال مشاغب ))

يالله انا نشرت هالخير وعساهم يعطوننا الحلاوة ههههههههههههههه

هـــ الشماسيةـــلالي · #7 24/12/2009, 12:02 AM

والله يابوطلال تستاهل إحياء ذكرى طيب الذكر ( أحمد خريش ) بإنبراشة تؤدي بكـ المهالكـ , ولكن يمنعني وقار الشيخ على معرفكـ ومقامكـ

000

هلالي--911-- · #8 24/12/2009, 12:07 AM

جوال الإقتصادية نفى الخبر.

leader ksa · #9 24/12/2009, 01:46 AM

الشائعة واصلة المغرب ولا راح اصدق هالمرة عشان يمكن تصدق >> مسوي ذيب عالبشرية

مانقول غير ان شاء الله واذا صدق راح ازيد نشاطي 15% علاوة للشبكة >> تكفى ارحمنا

ام متعب التميمي · #10 24/12/2009, 01:53 AM

خخخخخخخخخ زين علمتني خلني اسحب من زوجي فلوس<<<ترى اذا تهاوشنا انت السبب انت واشاعاتك^_*

ابو طلال فالجنه يزيدون الرواتب ان شاءالله

من فين يزيدونها والميزانيه ماحولك احد

تحياتي

خاس لعقل الهلال<<شكلك تشتغل في بنك شغلت مخي صح مايمديك تغبي علي

قرقاص · #11 24/12/2009, 03:07 AM

هلا ابوطلال

هالأشاعة كل سنه نسمعها بس قبل العيد

جوال الأقتصادية نفوا الخبر يعني يافرحة ماتمت

وبعدين السبب في نشرها ان الرسايل بلاش هالشهر والعالم شغاله تدور شي ترسله نكاية في الأتصالات السعودية

عقـل الهلال · #12 24/12/2009, 03:18 AM

إقتباس


	توضيح من جوال "الاقتصادية" (ساعتين) يؤكد جوال "الاقتصادية" أنه لا علاقة له بالرسالة المنسوبة إليه والتي تم تناقلها اليوم عبر الرسائل النصية ويزعم من روجها أنه قد صدر أمر خادم الحرمين الشريفين بصرف راتبين مشمولة بالعلاوة السنوية للعام الجديد 1431هـ مع علاوة ...

أبــو طــلال <<

حسااافه راحت علينا الحلاوة ,, وياويلنا من التهزيء بكرا

زوجة أبو متعـب خاااس << عسى بس ماتعبتي مررة وانتي مشغله مخك حسااافه كانك بذلتي مجهود هههههههههههاي لو انا اشتغل افبنك ماحصلتيني متبطح بالمنتدى 25 ساعه << مزود ساعه من كثر الفضاوة