|
أضمرتُ له خيراً .. فأعلن لي شراً [ حقيقيّة ] . عمتم مساءً قصتي حقيقية و رجالها حقيقيون ؛ لكنني سأختصر قدر الإمكان الأحد : صاحبكم موظف في أحد الوزارات وعندي صديقٌ في العمل غريب في كل شيء غريب في تفكيره , غريب في مشاعره , غريب في مخاطرته .. << الزبدة إنه مهبول وقع في مشكلة في العمل فأردت له النصح لتصحيح الحال فدعوته مساءً وذهبت أنا وإياه إلى مقهى في شارع التحلية في الرياض..<< أنا وهو عزابية فأنواع الفضاوة فبدأت ألتمس طريقاً ممهداً للدخول إلى ما أريد فدلفت إلى أعماقه بعمقي مقاصدي وكلماتي فثارت ثائرته وقال لي بالعامية : ماهو شغلك أنا بسوي ألي أبي , وأنت سو اللي تبي حاولت أن أكون لطيفاً فقلت له كلاماً عن أمير المؤمنين عمر بن الخطاب رضي الله عنه وقبل أن أنهي ماقاله عمر قاطعني بحدة قائلاً : يا أخي عمر رجال وأنا رجال , فصدمت و آثرت الصمت حينها , وأن أغلق الموضوع فأمتنا الموضوع وانصرفنـا يوم الأربعاء : رنّ تيلفون رقم هاتفي في المكتب فرفعت السماعة وإذا به المدير فقال لي : عبدالعزيز أبيك شوي تعال ..!! ذهبت إلى المدير فقال لي بعد أن تناولنا القهوة والشاي : أنت تعرف ياعبدالعزيز أن عملنا قائم على الشفافية و المصارحة وعلاقتنا مع بعضنا أخوية .. لاحظ عليك بعض زملائك ( فقال لي نفس الكلام الذي قلته أنا لصاحبي في المقهى ) فعلمت أن سعداً - وهو اسم الذي كان معي في المقهى - قد ذهب إلى المدير وقال له اتهاماً كاذباً فقلت للمدير : سعد اللي أخبرك ..؟ فقال : مو مهم سعد وإلا غيره .!! فسكت .. خرجت من الدوام وأنا مهموم مخنوق وذهبت إلى د.كيف القريب من نادي الشباب فتناولت جوالي وقلت أبيات من الشعر أرسلتها لإثنين أحدهما كان المدير . الأبيات هي : قَدّمْتُ يَوْمَاً للفَتَىْ ::: نَصِيحَتَاً عَلَىْ عَجَلْ فَإِذَا بِوِجْهَةِ نَاْظِرٍ ::: مَدْسُوْسَةٌ فِيْهَاْ العِلَلْ فَأَبَى انْقِيَاْدَاً عِنْدَمَا :: أَبْعَدْتُ عَنْهُ المُحْتَمَلْ حَدَّثْتُهُ بِكَلامِ صَحْبٍ :: حَفِظُوا شَرِيْعَتَنَا الأُوَلْ فَإِذَا بِهِ يَأْبَىْ هُنَا ::: عَنْ رَأْيِهِ أَنْ يَنْتَقِلْ فَتَرَكْتُ عِنْدَ صُدُوْدِهِ :: وَبَعَدْتُ عَنْهُ إِلِى أَجَلْ فَإِذَا بِهِ يَأْتِيْ الأَمِيْرَ :: بِشَكْوَةٍ فِيْهَا العِلَلْ فَغَدَىْ المُسِيئ نَاصِحاً :: وَالنّاصِحُ صَارْ الهَمَلْ فَاسْتَفْهَمَ الشّهْمُ الأَمِيْـ :: ـرُ وَأَتَىْ يُسَوِّي ذَاْ العِلَلْ فَإِذَاْ بِذَاكَ النّاْصِحُ ::: يَسْتَعْجِبُ الخَطْبَ الجَلَلْ !! كَيْفَ اسْتَطَاْعَ السَّيئ :: أَنْ يَقْلُبَ الأَمْرَ الأَصَلْ كَيْفَ اسْتَطَاْعَ السّيئ :: أَنْ يَرْمِ ذَاكَ المُبْتَجَلْ سُبْحَاْنَ مَنْ قَلَبَ الأُمُوْرْ :: فَصَاْرَ مَنْ نَشْكُ البَطَلْ فلم يرد المدير , وهو يظن أني أنا المخطئ والحقيقةُ عكس ذلك . أما ثاني من أرسلت إليهم فهو أحد أساتذتي الكرام الذي لا غنى لي عن رأيه , فشرحت له الوضع وقال لي لابد أن تخبر المدير عن الحقيقة , وتخبر زملائك أيضاً . فقلت : لا , قال : ولمَ ؟ , فقلت : أشياء كثيرةٌ في نفسي سأصوغها لك في أبيات فقلت له : هَيْ الكَرَامَاتُ مَنْ يَدْفَعْنَنَا جَزَعَاً :: إِلِىْ السّيَاطِ فَتُدْمِيْ ظَهْرَنَاْ الطّاْهِرْ وَتَمْنَعُنَاْ البُكَاءَ جَزَاْءَ سَوْطٍ ::: تَلَهّبَ فَوْقَ أَظْهُرِنَاْ وَكَاْبَرْ كَرَاْمَاتٍ أَبَيْنَ نُزُوْلَ رَأْيٍ :: تَمَخّضَ فِي جَوَانِحِنَاْ وَخَاْمَرْ * عبرت بالامير في أبياتي الأولى فتكون مناسباً للفظ . * حتى الآن الكل بما فيهم المدير يظنوني أنا المخطئ ؛ إلا سعد ( صاحبي في المقهى ) ومع ذلك لم أنبس ببنت شفه ؛ بسبب أن والده أحد الذين أثروا في حياتي الخاصة , فسكت تقديراً للعشرة ووفاءً للأيام التي عشتها مع وآلده . * هذه الأحداث واقعية , وقد كتمتها في نفسي حتى أعيتني وكلت مني نفسي , فلم أجد بعد الله إلا إياكم لأطرحها بين أيديكم , وأستفيد منكم أيها الأحبة المكارم / فمـا رأيكم ؟! خارج النص سيناتور هلالي .. قد يكون غريباً أو غير مفهوم , السيناتور هو : عضو مجلس الشيوخ الأميركي ( الكونجريس ) وهم الذين يرسمون سياسات الولايات المتحدة الأمريكية ولا يكون الرئيس الأمريكي إلا سيناتوراً ..<< تراي ما ني سهل احم احم :s2: * أعتذر عن الإزعاج , ودمتم سعداء . ..سيناتور هلالي.. |
اسمحلي عزيزي ان ارد عليك بنقآط.. :: اولآ: صح لسانك شاعرنا .. :s2: ثانياً ..:شف ياخوي اللي ساكت عن الحق شيطان اخرس .. شف تبي الصدق انت الغلطان.. بتقولي غلطآآن بإيش .. انا اقولك مديرك مسكين مايعرف وش اللي صاير يعني تحاسبه ع شي مافهمهـ.. انت فهمه اللي صاير وإّذا انكر كذا يكون الغلطان .. لي أن اللي جاه واحد وقال كلمتهـ .. والرجال صدق بس ماجاه الثاني وقال كلمته .. عشان يعرف الصح من الغلط.. لاتقول أبياتي وصلتلهـ لان قليل من يفهم المعنى .. :.: ثالثا::cry: خويك هذا .. انسان دنئ وتعرف الزمن اللي حنا عايشين فيه صار اللي ينصح كانه يفضح .. رابعـاً:فلهـا وربك يحلهـا .. :to::s2: خامسـاً: عط الرجال كف ورح للمدير قله الرجال عطاني كف ..~ > عيآآل الابتدائي ..:razz: الله يعينك.. وياما صارت لي مثل قصتك.. مانقول إلا حسبي الله ونعم الوكيل.. اخوك/ عـــــــــــــــــــــــــــــــ م ــــــــــر :rose: |
والله ما أدري وش أقولك ياولد خالتي .. لكــن : ماعليك اصبر ودائماً الحق يرجع لأصحابه ، والله بيعطيك على قد نيتك يوم انك نصحته ،، وأهم شيء إن سعد ( صاحبك ) يدري إنك مب على خطـأ وإنه هو الغلطان !! بصراحة تأملت في الأبيات كثيراً وكثيراً ، من الواضح أنها خرجت من القلب .. وأعجبيت بالبيت الذي يقول : فعدى المسيئ ناصحاً .. والناصح صار الهمل وأحب أقولك : لاتستغرب كل شيء بهالوقت معكووووس ~ جميلة هي الجرأة التي تمتلكها يوم أن قمت بإرسال الأبيات إلى مديرك في العمل .. *** أخيراً : لا أملك لك إلا الدعـآء ، فمن كل قلبي : أتمنى لك التوفيق والسداد وبإذن الله بتصلح الاحوآل ، والله يحقق لك كل ماتتمنى وفوقه ~ الله يعينك وبإذن الله تجد حل للمشكلة بأسرع وقت وتعود المياة إلى مجاريها بالتوفيق لك يا عبدالعزيز ولك مني خالص الحب والدعـآء تحيتي وتقديري !! |
موقف صعب انك تكون ظالم وانت مظلوم .. ., على حسب الكلام والموقف اللي انقال .. في مواقف تنقلب ضدك كذا وممكن تعديها ولا تكبرها لانها ماتستاهل .. وفي مواقف لا .. ., اكثر شي شدني بالموضوع الابيات .. اهنيك على ملكتك الشعريه ماشا الله .. ., يعطيك العافيه |
من رأئي انك ماتسكت عن حقك لومهما يصيرخصوصا فهالزمن اللي كثير ماتنقلب فيه الموازين وينظلم صاحب الحق ويتم طول الزمن ماحد درى عنه الابرحمة من ربي حتى لوكان والده له حق عليك ولك عشرة معه هذا مايجزي انك تسكت عن حقك انت ترد سوء عن نفسك وسمعه لاأكثر ولااقل امام زملائك وبالأخص مديرك هواللي غلط معك وانت ماظريته باطل وابوه مااعتقد له دخل باللي يصير بينكم مادام ان الحق معك *******</B> وبالنسبة لأبياتك جميلة وعالجرح وفيها معاني من قلب بس للاسف مديرك اللي مااستوعبها وتم على فكرته ******* تقبل مروري:rose: |
بص يا خوويه :yes: واضح انك حبيب وطيب وصافيه نيتك ورجال فيك نخوه ..,, لكن بعض العرب مايقدر هالشي فــ يبيله ترااب ملا وجهه <<انفعلت :ranting: ولو ابوه تعزه وتقدره صدق لاتسكت عن حقك روح قله عن الي سواه ولده وما اتوقع انه يبي يضرك بالعكس عشان يوقف ولده عند حده وما يتمادى >>يمكن فاهمه غلط اي دونت نو وبالنسبه للأبيات ((( صــح لسانك ))) ولو المدير ما فهمها ولا اقتنع فــ,,, أسمحلي اقول عنوه هطف وما يفهم & الله يكثر من امثالك في ربوع بلادي :s5s: |
هلا عزيزي صراحه قهر والله العظيم خويك سعد صراحه ماله داعي مايستحي على وجهه انا اقول واعد المدير بمقهى طال عمرك وعطه السالفه من الى وان شاء الله تنحل المشكله وان شاء الله ماحنا مخلينك من الدعاء والله يرجع لك حقك وادع الله لانك مظلوم والله يستجيب دعاء المظلوم.... الله يرجع لك حقك بابو سليمان ... |
. . , إقتباس:
إقتباس:
:smilie47::ba1: تفـآءل فبالتفآؤل تحصل على ماتريد بإذن الله .. وإن شاء الله ستعود الأنهار إلى مجاريها // في هذا الزمن أصبح الكآذب يُصدّق , والصآدق يكذّب ؛ إلا ما رحم ربي والغريب وجود بعض الأشخاص من يسمع من طرفٍ وآحد ويبني عليها .. عبدالعزيز :smilie47: شكراً لك على ما كتبته , وعلى ما حبرته من جمال الشعر ورونقه لآعدمنــاك ..~ دمت بود ,, أحمد , . . |
هلا والله بالسيناتور ..:smilie47: موقفك ذكرني بموقف مشابه صار لي مع مديري بسبب غلطة احد الاشخاص .. والمشكلة بعد ما اخذت محاظرة من المدير وطلعت لقيت الشخص هذا وقال لي ترى انا الغلطان .. قلت له انا متاكد انك انت الغلطان بس المدير ما يدري انه انت ورحت وتركته .. واللي اجبرني على السكوت وقتها وما اقول الحقيقة للمدير هو ان الشخص هذا له افضال علي .. / بالنسبة لك يالغالي غلطتك انك حطيت النصيحة في غير محلها .. وعند شخص ما يستحقها .. ونتج عنها هالتصرف الحقير .. :s5s: شف يالغالي موقفك صعب جدا واللي يصعبها اذا ما كان عندك دليل يدعم موقفك .. رغم اني حاس بصعوبة موقفك لكن نصيحة اذا كان سكوتك رح يأثر على سمعتك المفروض انك ما تسكت .. :yes: الله يعينك اخوي ويشرح صدرك وييسر امرك .. :rose: يعطيك ربي الف عافية ,, :smilie47: |
إقتباس:
... إقتباس:
... صح لسانك :yes: احييك على ابداعك وكيفيه وصف الحال في أبيات معبره :smilie47: أما عن المشكله إقتباس:
كيف هو صديقك ويقول كلام باطل من خلف ظهرك ؟ إذا كنت تعتبره صديق فهو ما يوافيك الشعور بفعلته هاذي تأسف له انك جربت وجيت تنصحه خله يحس بالذنب الي سواه إقتباس:
قالها المدير العمل قائم على الشفافيه والصدق فاصدق معاه وقله الصدز :yes: لا تقول بعدين انكب خويي مهوب خويك والوالد على العين والراس لكن هذا ما يخليك تسكت عن حقك أنا اقول استخر ربك وتقدم |
أممممم.. والله ودي أرد عليكم وأناقشكم بس عيوني ما أفتحها من النوم..وعندي دوااااام بكره.. بس لي عودة بإذن الله.. شكرا لكم.. ..سيناتور هلالي.. |
سيناتور هلالي<<اسمك صعب وبقوه^_* بس حركات طلع معناه حليوه الموهم يا سعادت الباشا <بحكم ان معنى اسمك قوي لازم انبجلك شوف من وجهة نظري دامها طاحت براسك مالك وانا اختك الا حلن واحد الي هو تروح للانسان الحقير المدعو صديقك وتقوله جزاك الله خير ع الكلام الي قلته عني وحسبي الله ونعم الوكيل عليك ماابغى منك شي كل الي بغيته نصحك واخرتها تسويها فيني وحرام فيك اسم رجال انت للحيوانات اقرب<<<عاد ممكن يذبحك مدري عنه^^ وسراحه مشاءالله عليك شاعر خطير وفصيح بالتوفيق لك يالطيب تحياتي |
اهلاً وسهلاً بك سيناتور .. اولاً وقبل ان اقول رأي بمشكلتك , يطيب لي ان شيد بقلمك , وبشاعريتك .. اما عن ماحدث لك انصحك بأن تخبر مديرك حقيقة الامر . مادام الامور قائمه على الشفافيه والوضوح .. اضافه الى ذلك حتى لا تكون ضحيه صمت , فيكون السيد سعد يحملك اخطاءه بشكل دائم :) اتمنى لك التوفيق .. وبانتظار جديد قلمك .. وتقبلي فائق احترامي وتقديري .. دمت بخير |
يا هلا وغلا بالسمي .. :rose::wub: أعتقد أن هناك من يسمع من طرف ولا يسمع من الآخر .. فتظل مخطا ً في نظره .. لا أود الزيادة .. لعل هاجسي القادم يتحدث عن شيء من هذا القبيل .. هَيْ الكَرَامَاتُ مَنْ يَدْفَعْنَنَا جَزَعَاً :: إِلِىْ السّيَاطِ فَتُدْمِيْ ظَهْرَنَاْ الطّاْهِرْ وَتَمْنَعُنَاْ البُكَاءَ جَزَاْءَ سَوْطٍ ::: تَلَهّبَ فَوْقَ أَظْهُرِنَاْ وَكَاْبَرْ كَرَاْمَاتٍ أَبَيْنَ نُزُوْلَ رَأْيٍ :: تَمَخّضَ فِي جَوَانِحِنَاْ وَخَاْمَرْ كن عظيما ً ..! الله يسعدك يارب .. تحيتي لك .. |
مادري الصراحة هل النوم مأثر فيني ولا وش السالفة بس اسمحلي اشوفك مكبر الموضوع صح انه يقهر لكن يعني شخص في هالدناءة خلاص مهما كان اقطعها معاه وريح بالك وانتهى الموضوع مايحتاج زود كلام وحتى المدير مهما كلمته ماراح يقتنع لين يشوف على خويك شي بعينه ويأكد غير كذا ماتوقع راح يفيد في تحياتي ودمت بود وبكل شي كويس:rose::d |
| الوقت المعتمد في المنتدى بتوقيت جرينتش +3.
الوقت الان » 01:16 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd