شبكة المرمى تشتكي طول غياب يا ياسر - نادي الهلال السعودي - شبكة الزعيم

Thiago Al-Harbi · #1 22/12/2009, 08:31 AM

بسم الله الرحمن الرحيم

السلآآم عليكم ورحمة الله وبركاته

*******************************************

أدري ابلشتكم كل شوي موضوع ... بس ماعليه استحملوني ..!!

بعد مباراة نجران ... والفريق في رحلته من الملعب الى المطار ... اذا بجوال ياسر القحطاني يدق :

تررررن .... ترن ..!!!

ياسر : رقم غريب .!! ... ماني براد .!!

شوي ويرجع يرن جواله ..(مرة .... واثنين ... وثلاثة) ...لين ما رد ياسر ...

ياسر : هلا ....!!

المتصل : شلونكـ حبيبي ؟!!

ياسر (باحراج وتعجب) : الحمد لله .. بخير ... مين معاي ؟!!

المتصل : والله مشتاقلكـ .. مر عمري كله حبيبي وأنا اتخيلكـ ؟!!

ياسر : سلآآآمآآآآت ... مين معاي ياهووه ؟!!

المتصل : بعدكـ ملاني جروح ... وفكرة تجي وتروح .. ماتقولي وين أروح .. لو احتاجلكـ ؟!!

ياسر : ترى مزاجي مو رايق ... اخلص وقلي من أنت ؟!!

المتصل : ياهوه ماعرفتني ... لك حول الشهر حاقرني .. وفوق كذا حتى صوتي ماميزته ..!!

ياسر (بدأ يشكـ) : طيب ممكن تقلي بالأول انت من عشان نقدر نتفاهم ؟!!

المتصل : بقرب لكـ أكثر ... آخر مررة قابلتني يوم مباراة الاتفاق ... ومن بعدها انتظر منكـ زيارة لكن للأسف .

ياسر (كأنه عرف) : والله الأمر مو بيدي ... روحي اسألي جيريتس ... هو اللي طلب مني هالشيء ...

المتصل : ياهووه ياياسر ... علينا هالحركات ... طيب بذمتكـ ... انت مو مشتاقلي ؟!!

ياسر : والله مشتاقلكـ حيل ... وأكثر من شوقكـ لي ... لكن زي ماقلت لكـ الأمر مو بيدي ... بعدين انتي الله يهديكـ قمتي تتغلين علي ... وكل ماقابلتك كلمتي حظي العاثر عشان يحول بيني وبينكـ ..!!

المتصل : ياسر ... اللي فات مآآت ... وأهم شيء اني تأكدت إني على بالك ... بس ابي منكـ وعد قبل ماسكر الخط ..!!

ياسر : آآمريني يالغالية ...

المتصل : ابيك تزورني يوم الخميس بعد صلاة العصر ..!!

ياسر : يؤ يؤ يؤ ... مو كأنه بدري العصر ... وش يوديني مع ذيك الشموس ؟؟!!

المتصل : يآآسر .. بدينا بالحجج ... ابي منكـ وعد ..!!

ياسر : خلآآص خلآآص .... والله انكـ نشبه ... إن شاء الله ربي يكتب اللي فيه الخير .. بس لاتزعلين اذا زودتها معاكـ ..!!

المتصل : لايهمكـ ياغالي ... معاك من الهاتريكـ وفووق ... بس انت اوصلني وبتشوف كيف بصير كريمة معآآكـ ..!!

ياسر : يلا نشووفكـ على خير ..!!

المتصل : تلقى خير

طووط طووط طووط ..!!

*******************************************

هالإتصال من نسج الخيال .... وأكيد انكم كلكم عرفتوا مين المتصل اللي اخترعته ..!!

واللي ماعرفه أقوول :

المتصل هيا : (الشبكة) ..

والله كلنا اشتقنا لأهدافكـ ياقنـــآآآص ... بس مادامكـ وعدتها ... نحن بانتظاركـ ..!!

لكم تحياتي .!!

الزعيم( سعد ) · #2 22/12/2009, 08:35 AM

يعطيك العافيه وبحول الله ياسر راجع وبقوه

الاصيل أصيل وياسر معدنه اصيل

Carizma · #3 22/12/2009, 08:37 AM

ههههههههههههههههه

بالتوفيــق لـ ابو سعيـد

ابـوعزوز · #4 22/12/2009, 08:37 AM

ههههههههههههههه راح بالي يكلللم مره هههه يعطيك العافيه

مدمي القلوب · #5 22/12/2009, 08:39 AM

بإذن آلله يرجع لنآ يآسر زمآن .. يآسر 2006 ..

يعطيك آلف عآفيه آخوي .

Hamad906 · #6 22/12/2009, 08:43 AM

وستحتفـل الشبكـه من أقـداام يـااسـر بإذن الله .. وبقـدومـه من جـديـد ..

يـااســر ..

ستضــل الكــااســر الآســـر .. لقلـوب محبيكـ ..

شكـرااً على طرحكـ .. ونسج خيــاالكـ ..

تـــــ هلالي ـــــرج · #7 22/12/2009, 08:44 AM

الله يعطيك العافيه و أن شاء الله ياسر راجع و بقوه بإذن الله لأن الذهب لا يصدأ

سلطان ابن الزعيم · #8 22/12/2009, 08:45 AM

والله معليش اسمحلي سااااااااااااااااااااااااااامج هالموضوع

غروس · #9 22/12/2009, 08:46 AM

الله ير جك سحبتنا على وجيهنا كنا نحسبها يكلم بنت بس ياالله بس نعش ونا كل غيرها
إن شاء الله إن شاء الله ياسر راح يفرحنا يوم الخميس بحول الله وقوته وانتظرووووالقناص على الموعد مع هز الشباك ولا تقولو ماقلته وإن شاء الله ياسر ماراح يخيب ظني فيه بإذن الله
وتقبلوا تحياتي

القنــــ309ـــاص · #10 22/12/2009, 09:09 AM

حـــلـــــو
والله تصلح تكتب افلام هندية
ـــــــــــ

الله يعطيك العافية
وبالتوفيق لياسر وللزعيم ،،

saad_20 · #11 22/12/2009, 09:17 AM

الله يوفقك يـآأإ ياسر
يا ناس لا تضغطوون عليه زياده
توه راجع من وفات عمه الله يرحمه
وحالته حاله

والله يوفقك يا ابو سعيد

شــاهــيــن · #12 22/12/2009, 09:41 AM

والله معليش اسمحلي سااااااااااااااااااااااااااامج بقوه هالموضوع

manss · #13 22/12/2009, 09:42 AM

من الحب ماقتل
ومن الكره ماقتل
ومن السذاجة ماقتل ايضا ياكاتب الموضوع

sam6العبدلي · #14 22/12/2009, 09:42 AM

مشكور أخوي بس أتمنى نبتعد عن التمويه في المواضيع الواحد يكتب اللي في باله من خلال الموضوع

hilaly 2000 · #15 22/12/2009, 09:47 AM

موضوع مادري وش يبي مع احترامي لكاتب الموضوع ..
كان فيه اكثر من طريقة تقدر بها توصل فكرتك للجمهور وليس بهذا الاسلوب !!

احترامي وتحياتي للجميع ..