دوق فليت اسمح لي أرد بالنيابة عنك
غريبة كل هالاحتجاجات والحساسية المبالغ فيها من البنات
البنت الواثقة من نفسها المفروض تكون عندها روح رياضية .. واللي تشوف أن عندها نقص المفروض تستفيد من الموضوع وتوفّي هالنقص قبل ما تتزوج ويتعذب زوجها
صحيح فيه مبالغة .. بس هذا مزح لا أكثر والبهارات حلوة تكون في الموضوع
أشوف أن رد مواصل أعجب البنات وريحهن
بس إذا كانن بينتظرن متى أزواجهن يسوون مثل ما قال مواصل .. فلا يلومنّ أنفسهن لا تزوجوا عليهنّ
الواحدة تسوي اللي عليها وتسوي واجبها حتى لو زوجها مقصر ..!!
وعلى العموم أطمنكم .. ما راح تلقون مثل الشاب السعودي يدلعكن ويسعدكن ويتغاضى عن عيوبكن وعن ركبكن السود خخخخخخ

إقتباس الرسالة الأصلية كتبت بواسطة مواصل من عام 1413هـ لو تخيل أيه ( إنسان سعودي - ذكر ) إنه بنت وتقدم لخطبته رجال

يوم جيت أتخيل .. واصلت وواصلت وواصلت في الخيال وما ردني غير مستشفى الولادة خخخخخخخ
وبعدها قلت الحمد لله والله أننا في نعمة ما يعلم بها إلا الله وأننا المفروض نركز في الجانب الإيجابي في المرأة ونتغاضى عن السلبيات ..
المفترض أننا نعاملها مثل ما نحب انها تعاملنا

إقتباس وزواده على حكم الشغل البنت لاكانت متعودة ببيت أهلها من صغرها على الخدم واجب عليه يحضرلها خادمة ..!!

امااااااااااااااااااااانه ,,

ورا ماقلت لي يالخيانه قبل لااقول شروطي


بالنسبه للموضوع ,, بالله احمدو ربكم مارح تحصلون مثلنا ,, وان رحتواا بعيد ,,


مصيركم لنا ,,

< -- جالسه تتخيل شكلها وهي تتطامر تقول مهرج
وين عآيشين فيه ان شاء الله .. موضوع اعتبره مسلي فقط
بالنسبه للسعوديات وانهم كسولات ترىآ مو زين التعميم <-- تعلمكم انها ذربه
بعدين الاسلام ماقال اخذ المراءه عبده عندك قال ان لها حقوق وواجبات
وعليها حقوق وواجبآت بس ننتظر الزوج الياباني وكيف يعامل زوجته
آريقآتو غوزآيمس ع الموضوع الظريف هيدآ

المشاغب ..

أقسم بالله إنك مجنوووون على تخيلاتك هذي ..!!

أجل وداك خيالك مستشفى الولادة ..ّّ! وأنا أقول إني شفت واحد يشبهك هناااااك..<< تخيلها صدق عاد تروح هناك ..احم أحس ودي أصير دكتور عشانك إنت وأشكالك هههههههههه..

ياحبيل قلبك والله..

..سيناتور هلالي..

أختي الشيهـانه
والله مظلومين اثاريهم ياعمري هالشباب السعوديين يوم ماقدامهم
الا هالسعوديات العجازات الشريرات الشينات ياخذونهن

بالعكس أنا ما قلت مظلومين ولكن يمكن مُبتلين بسبب ذنوب ارتكبوها..!!

عقـل الهلال
يقول الفتيات الصينيات عليهم أحترام للزوج غريب عجيب يقول تخيل يا عقـل يقول تخيل بالموول يشترون جزم تكرم تجي تلبسه الجزمه وحركات .

يا سلام يا سلام يا عقل الهلال.
متى الواحد بس يشوف المناظر الحضارية هذه في المملكة
عندنا ما في إلا منافخ بين الأزواج والفشيلة قدام الناس وفي الأسواق

أختي لـــولي**
بس الشكوى لله مانقول غير
اللي تبي الأجرماغيره بس تاخذ سعودي

الشباب السعودي شباب مُعترف برومانسيته وثقافته العالية
عمرك ما شفتي مداخلاتهم مع المذيعات اللبنانيات في القنوات الفضائية

أختي السنيورة
اول شي " لو سان " و " سيان ماو " اسامي كوريه موب يابانيه < مسكت على ذي
يعني فيه فرق كبير بين اليابانية والكورييه فرجاء مرتن اخرى تأكد

والله ما أدري، الظاهر أثر المسلسل الكوري اللي يحكي عن طباخات في قصر ملكي مدري ايش اسمه نسيته

أختي Miss.nora
و القصة مبالغ فيها جـــدا و خصوصا في حكاية النــوم أجل أحد ينام من الفجــر للعشــاء ؟؟؟

غريبة..
إنتِ من واقع احتكاكك بالفتيات السعوديات ما حصل وسمعتي هذا الشيء..؟؟

بصراحة قصة مشوقة ومعبره رغم المبالغة

9 خادمات آسيويات..
5 خادمات أفريقيات..
4 سائقين..
وثلاثة طباخين..
وزوجة واحدة..!!

والله اهنيها عرفت تربيه ناس مايجون الا بالعين الحمرا

ذهبت الزوجة اليابانية "سيان" إلى جارتها السعودية وطرقت باب مسكنهم كي تتعرف على هذه الفتاة السعودية التي تسكن في هذا البيت وفتحت الخادمة لها الباب فانحنت "سيان" في تهذيب شديد ظناً منها أن الخادمة الماثلة أمامها هي الفتاة السعودية صاحبة الدار ولكن الخادمة أشارت بأنها ليست ربة المنزل..!!
فدخلت الفتاة اليابانية "سيان" إلى الصالة ووجدت امرأة أُخرى سلمت عليها باحترام شديد ولكنها أيضاً قالت بأنها خادمة وعليها أن تدخل عبر الصالة كي تجد ربة المنزل؛ مشت "سيان" المسكينة إلى نهاية الصالة ووجدت كذلك امرأة حيتها باحترام فاكتشفت أنها خادمة كذلك ووجهتها بالدخول إلى المجلس وبعد أن دخلت المجلس وجدت في نهايته فتاة سعودية "وجهها منفوخ مثل الكورة ولا تعرف وجهها من قفاها من أثر النوم" *..!!

وصراحه حسيت ان بيتها تحفه وكل يوم تتفرج على غرفه والباقي تريح من الدوران والفرفره في هالبيت مو فاضيه له هو ووجهه

مشكور اخوي على الطرح

ودي لك...

اهلين بكم ياشباب بلدي

مدري ليه حنا يالبنات والشباب نحب نقارن
واتوقع هذا الي دمرالشعب
عدم وجود الثقه بالنفس وعدم الثقه بـ شريك الحياه

العيب مو بالجنسيه سعوديه او سعودي او ياباني او ايطالي
الخلل بالشخص نفسه والمجتمع المحيط به
فـ ص سعودي ولكن ينحط ع الجرح يبرى وتتمناه اي زوجه
وبالمقابل س سعودي ولكن غثيث والي بتاخذه امه داعيه عليها

بعدين ليه تبحثون عن شخص كامل
هل انتم تعتبرون انفسكم وصلتوا لـ للكمال....من جميع النواحي .....!!

ودي اكتب بس بعض الردود اجبرتني ارد عليها ونستني الي بقول

إقتباس الرسالة الأصلية كتبت بواسطة عقـل الهلال تصدق دوق فيلد أخوي بالصين مقرر يتزوج صينيه << صينية والا طوفريه يقول الفتيات الصينيات عليهم أحترام للزوج غريب عجيب يقول تخيل يا عقـل يقول تخيل بالموول يشترون جزم تكرم تجي تلبسه الجزمه وحركات . إييييه مالت علينا بس يقولون ليه السعودي ماهو رومانسي

تتوقع هالفتاه الصينيه بتحترم زوجها وهو مابادلها الاحترام .
وبتلبسه الجزمه وهو مالبسها الجزمه قبل (اكرمكم الله )...........!!
صدقني مافي شخص يعطي بدون لاياخذ

إقتباس الرسالة الأصلية كتبت بواسطة Blue Sun هلا والله بدوق فيلد .. قصة رائعة جدا وتبين مدى تعاسة الشباب السعودي .. وبعدين ياخي الشرق اسيويات عندهم احترام عجيب جدا للزوج .. ليت اللي عندنا يتعلمون شوي .. يعطيك ربي الف عافية ,,

بصرف النظر عن كوني بنت ومو دفاع عن بنات جيلي لان كل بنت تختلف عن الثانيه
بس الي اشوفه ان اغلب الحريم عندنا يقدرون ويقدسون الرجال بشكل عجيب
وبالمقابل الرجال مهمش دورها كـ شريكه ومقتصر دورها على الطبخ والتربيه والخ
واذا تبي احترام احترم زوجتك وصدقني بتحطك فوق راسها
بس لاتطلبون شي وانتم ماتقدمونه

إقتباس الرسالة الأصلية كتبت بواسطة دوق فليد أنا عارف أنك تقول هذا الكلام من ورا قلبك لأننا يا السعوديين ناس تاخذنا الحمية وطال الزمان أو قصر مصيرنا ننبلش ونتزوج سعودية

جعلك ماتبلش ان شاء الله
وش حادك على السعوديه
الي يسمعكم يقول ماشاء الله كاملين والكامل وجهه وجامعين الوسامه والاخلاق والطيبه والاحترام والخ
خلنا ساكتين اصرف
كلمه (ابلش ) قويه بحقنا
ودعوه من قلبي انك تتمنى تاخذ سعوديه وماتحصل

إقتباس الرسالة الأصلية كتبت بواسطة دوق فليد أنا حاولت أتخيل هذه الأشياء في سعودية ولكن ما ضبط الخيال معي..!! تعرف احنا مو مُهيئين لخيال جامح مثل كذا وبراحة أنصح بعدم طلب الأزوج الجدد تطبيق الحركات لأن العواقب قد تكون وخيمة. يعني لا تطلب منها تهف عليك بالريش لأنه ممكن بدل ما تهف عليك بالريش ونت نايم تخمد أنفاسك بالمخدة. أما بالنسبة للجمال فموجود ولكن المشكلة في الخدمة والكرف فالغرض الأساسي في الزواج هو الكنس والطبخ والغسيل وللأسف هذه مهارات تفتقدها فتيات موديل 2010

انت متاكد انك تتكلم عن مواصفات زوجتك مو خدامتك
الله يصلحك اجل الغرض الاساسي الكنس والغسيل
مدري فهمي خطا لـ كلامك او لا
عموما الله يرزقك غير سعوديه تسعدك


\

/
الله يرزقنا الشخص الي يقدرنا ومايكون فكره مثلكم لانها مصيبه والله
ويرزقكم الزوجه الاجنبيه الي تتمنونها

قصه مثييره والله . رغم الـ جو الي بهاا ,,
هع ..هع ..
..
كل الشكر لك ..

إقتباس وقلتلها انا اعايش بمجتمع فيه رجال اعيش معاهم حلو الواحد يفهمهم أكثر ..!! يعني مـــا في هالدنيا رجال الاهالزوج وش هالتفكير عليك قالت لامو زين وماادري ايش وأذ اعرستي اقريه ..!! كلن وتفكيره ناس غريبه ..!!

خخخخ ، والله لو تقرين بيدينك وبرجولك مآتفهمينهم

اللي محيرنِي ، ليش المرأَه دائماً تُحاسَب على التقصِير والرجُل لا !
التقصِير إذا كان من طَرف ، ينعكِس على الطرَف الثاني ، يعني كلهم مشتركين . .
وشبابِنا وبناتِنا فيهم الخير والبركَه

خخخخخخخخخخخخخخخخخخخخ مدري تخيلت شكل سعوديه تهف على رجلها بريشه تآلي هالليل، والله هالمزاج بعد
عهد الملك قرقوُش ض1 ! والله مابقَى غير تتنفس عنه طويل العمر !

إقتباس الواحدة تسوي اللي عليها وتسوي واجبها حتى لو زوجها مقصر ..!!

والواحد بعد يسوي اللي عليه حتى لو قصّرت زوجته
المرأة رقيقه و تمرّ بظروف نفسيه تتعبها ، فلازم مراعاتها

إقتباس الشباب السعودي شباب مُعترف برومانسيته وثقافته العالية

ياكبرهااااااااااااااااا خخخخخخخخخخخخخخخخخخخخخخخخخخ
مصدرك ؟

أختي دوم هلاليه
الله يسلمك ويعافيك أختي

أختي الضحى
لا يعني إعجابنا باليابانيات أننا نتخلى عن الفتيات السعوديات
فمهما كان إحنا ناس عندنا وطنية.

الغالي الـمـشـاغـب "الرد 24"
ليه هل تشعر إن القصة غير حقيقية..

الغالي هلالي ثنياني
الواحد لو زوجته تهف عليه وقت النوم بالمهفة راح يصير ياباني غصباً عنه.

أخوي Blue Sun
هذا هو القصد يا الغالي أن الموضوع فيه دروس نتمنى من الفتيات السعوديات تطبيقها وما أدري ليه يزعلن

أختي i am here
الله يهديك أختي؛ الواحد يتزوج في هذا الزمن وحده تعينه على تكاليف الحياة ولا وحده تجيب أجله..؟؟
احنا لاقينها من الأسهم ولا من الحكومة ولا من البلدية ولا من محمد نامي ولا من بيبسي كولا عشان تنضاف إلى هذه الهموم وحدة تفقع مرارة الشاب السعودي المغلوب على أمره..!!

ياحولـــــــــي هقت عليهــا

الغالي مواصل من عام 1413هـ
الكثير من الزوجات ينصدمون بأزواجهم إما :
إنهم يشربون ( لأن الخمر صار طبيعي الآن ) - يتعاطون.

اسمح لي في البداية أقول لك أن مثل هذا لا يحمل أساساً وقبل أي شيء مقومات كلمة "رجل" وعلى أهل الفتاة البحث عن خلفية المُتقدم للزواج وليس التخلص من أبنتهم وإعطائها لكل من هب ودب
وكل كلامي السابق لا يعني أن الشباب ملائكة أو لا يوجد بهم أي عيوب ولكن المشاكل التي يُعانيها مجتمعنا كبيرة.
قد لا توجد إحصائيات ولكن متأكد بأننا أكثر شعب في العالم استقداماً للخادمات.
قد يكون هذا الأمر مُبرراً أيام الطفرة ولكن أيام "الطفرانيين" غير مقبول
الأمراض النفسية في الأجيال الجديدة سببها انعدام الاستقرار الأسري وانظر إلى انتشار المصحات النفسية..

أختي ام متعب التميمي
افضل رد من الشباب وبالموضوع كله
بالنسبه للي يتميلحون يا جعل تجيكم مره قشرا تعلمكم السنع صح

أنا ما أقدر أؤكد ولكن يمكن يعني مواصل كتب كلامه وأم العيال جنبه
والخائف والمُضطر في حكم الشرع لا حرج عليه

أخي سيناتور هلالي
لكن والله مافيه زي بنات السعودية ..اتركوا عنكم الهياط بس وكلن يشوف نعمة الله عليه..

وهذا الكلام على العين والراس وما في أفضل من الفتاة السعودية فبلادي وإن جارت علي عزيزة ×× وأهلي وإن ضنوا على كرام

أختي بطلة
في كتاب انصحك فيه وللكل اسمه :
(الرجل من المريخ والمرأة من الزهرة) ماتتصورون قد ايه هالكتاب مفيييييييييد

أختي بطلة؛ ما في كتاب "الرجل من السعودية والمرأة من اليابان"..!!

أخوي bazbozy
الله يسلمك ويعافيك يا رب

أخوي يابدايات المحبه
اخس عليك ايش فيك في البداية تشجعت ثم(ن) هونت..!!

أخوي 6l8 elm7ya
ويسلمك يا الغالي

أخوي JOK3R
والشكر لك على وجودك

أختي شمـ v.i.p ـوخ
يوم تقولين "الله يرزق كل واحد على قد نيته" أحس أنك تدعين علي

أختي فنون هلاليه بجنون
مثل ما قلت الشغالات سبب في مشاكل اجتماعية
أمهاتنا وجداتنا كانوا يخلفون مثل الأرانب وفي البيت الواحد عشرة جثث وأفواه جوعى ومع ذلك كن يقمن بدورهن على أكمل وجه وبدون خادمات
عشان كذا أجسامهن كانت رشيقة مثل ديمي مور عكس الأجيال الجديدة اللواتي عبارة عن براميل متحركة
وطبعاً أنا ما أحب التعميم فيوجد في بناتنا الخير ولكن يعني أقصد بكلامي أعلاه عن البراميل 99.99% فقط من فتياتنا