تضحيه - نادي الهلال السعودي - شبكة الزعيم

algohmani · #1 25/12/2009, 05:21 AM

فكري بغيري ..
يضيع عمري ولاعمرك يضيع
أخاف تضيق بي دنياي
ولانقدر نكون أقراب
لايهمك خافقي يزعل
وخاطري ينكسر
وكل أحلامي تهدم
ماتهم .. إنتي أهم
عيشي دنياك بسعادة
إنسي اسمي
انسي اني كنت حاجه
لو رحلتي
بكون في الدنيا ولا حاجه
لاتقوليلي بضحي
بنتظر لين احتضر
لاتضحي ..
شوفي نفسك
واتركيني للأسى
أبكي حسرة ..
ولولا خوفي من الحساب
ونار ربي والعذاب
والله إني لانتحر
إنتظار الوصل طوٍِِل
ماهو ذنبي
ولاهو كيفي
آه لو تمشي بكيفي
كانت خذتك
لأرض غير الأرض هذي
تسكني فيها بقصر
ودروبك حرير
ومن حولك خدم
وكلنا لامن طلبتي
نقول لك : سم مولاتي
إنتي حلم
وانا ماعمري حلمت
وشفت حلمي واقعي
ماهو كل هذا تشاؤم
لكن أنا من وطت رجلي الحياة
وأنا في حاله تعيسه
حظي الملعون ماعنده تفاهم
لجل هذا ..
قلتلك غيري تشوفي
لأن ماتسمح ظروفي
بس بأول يوم في شهر العسل
لاكشف عن وجهك عريسك غمضي
وتخيلي وجهي مكانه
ابتسمي ..
وافتحي عينك واضحكي
ولاسأل وش فيك
قولي مبسوطه حبيبي
وأنا في نفس توقيت التخيل
بغمض اعيوني
وأتخيلك
وأتأملك
وأبكي
ولاسألني هاجسي وش فيك
بقول أنا مت والله يرحمني
ولا ماودك تعزيني

وليد القحطاني · #2 25/12/2009, 06:14 AM

صح لسانك يالغالي ,,
وصباحك عسل

abo_nasser · #3 25/12/2009, 06:53 AM

اي تضحيه..؟؟
وانت ما عمرك اعطيت
اي مشاعر..؟؟
وانت ما تحس فيها
والله اني من فراقك ما بكيت
من زينها دنياك حتى ابكي عليها..؟؟

<--طرت له من اول ما قرا العنوان..

ـــــــــــــــــــــــــــــــــــــــــــــــــــــــــــ

هلا وغلا..

حياك الله ..واسعد الله صباحك

افتتاح يوم جديد بقراءة كلمات جميله فيها من الرومانسيه ما الله بها عليم..

إقتباس


	لاكشف عن وجهك عريسك غمضي وتخيلي وجهي مكانه ابتسمي .. وافتحي عينك واضحكي ولاسأل وش فيك قولي مبسوطه حبيبي وأنا في نفس توقيت التخيل بغمض اعيوني وأتخيلك وأتأملك وأبكي ولاسألني هاجسي وش فيك بقول أنا مت والله يرحمني ولا ماودك تعزيني

ابدعت

..في هذا المقطع سلاسه واحساس كبير لم اراه في بقية الخاطره

ياليت تتحفنا دايم بكتاباتك في المجلس بشكل متواصل
يعطيك العافيه خيوو..

سلاااااااااااااااااااااااااااااااااام

حنو الهلآليه~ · #4 25/12/2009, 07:03 AM

صبآحك ورد

إقتباس


	لاكشف عن وجهك عريسك غمضي وتخيلي وجهي مكانه ابتسمي .. وافتحي عينك واضحكي ولاسأل وش فيك قولي مبسوطه حبيبي وأنا في نفس توقيت التخيل بغمض اعيوني وأتخيلك وأتأملك وأبكي ولاسألني هاجسي وش فيك بقول أنا مت والله يرحمني ولا ماودك تعزيني

دخلت معآ‘هم جوٍِ

كلمآت عذبه ورآئعه روقت جوي ع الصبآح

يعطيك ربي ألف ألف عآ‘فيه

الشيهـانه · #5 25/12/2009, 07:31 AM

صباح الشعروالابداع

إقتباس


	فكري بغيري يضيع عمري ولاعمرك يضيع أخاف تضيق بي دنياي ولانقدر نكون أقراب لايهمك خافقي يزعل وخاطري ينكسر وكل أحلامي تهدم ماتهم .. إنتي أهم عيشي دنياك بسعادة

تضحية نــــــــــادرة ممزوجة بعتاب بمواجهة قسوة زمن

*****

ابياتك جميـــــــلة تنبض رقة واحاسيس وشاعرية عذبة
يعطيكـ الف عافية

بطلة · #6 26/12/2009, 01:06 AM

تاريخ التسجيل: 01/05/2006
المكان: خيمه ناطحة سحاب

مشاركات: 10,966

*********************
فكري بغيري ..
يضيع عمري ولاعمرك يضيع
أخاف تضيق بي دنياي
ولانقدر نكون أقراب
لايهمك خافقي يزعل
وخاطري ينكسر
وكل أحلامي تهدم
ماتهم .. إنتي أهم
عيشي دنياك بسعادة
إنسي اسمي
انسي اني كنت حاجه

بـهـا البساطة تقولها عيشي دنياك بسعادة

يابحر ضايع فيك الشط والمرسى
علمتني وشلون أحب ,, علمني كيف أنسى

*********************
حظي الملعون ماعنده تفاهم

*********************
لجل هذا ..
قلتلك غيري تشوفي
لأن ماتسمح ظروفي

لو تحبك تتحمل ظروفك

*********************
لاكشف عن وجهك عريسك غمضي
وتخيلي وجهي مكانه
ابتسمي ..
وافتحي عينك واضحكي
ولاسأل وش فيك
قولي مبسوطه حبيبي
وأنا في نفس توقيت التخيل
بغمض اعيوني
وأتخيلك
وأتأملك
وأبكي

صعب الموقف

*********************
رووووووووعه الكلمات ماشاء الله

أول ماقرأت الأبيات تذكرت الراس الكبيرMM

قلنا مصور مبدع جات عقد ونزلت صور, قلنا أديب جيت إنت وكتب شعر

عظم الله أجرك ياماجدونا

خخخخخخخـ امزح

شكر لك
بطلة

هلاليه محترفه · #7 26/12/2009, 04:57 AM

صح السانك ابيات جميله

إقتباس


	بس بأول يوم في شهر العسل لاكشف عن وجهك عريسك غمضي وتخيلي وجهي مكانه ابتسمي .. وافتحي عينك واضحكي ولاسأل وش فيك قولي مبسوطه حبيبي وأنا في نفس توقيت التخيل بغمض اعيوني وأتخيلك وأتأملك وأبكي ولاسألني هاجسي وش فيك بقول أنا مت والله يرحمني ولا ماودك تعزيني

مقطع جداً مؤلم !! ..

عوافي اخوي ..

حتى ظلالي هلالي · #8 26/12/2009, 07:07 AM

ياشين الـــ ح ـــب بس

صدق من قال الحب عذاب

ابي اشوف بحياتي حب من غير فراق
او حتى عتاب ولوم وتضحيهـ
هذي هي مشاعر الحب ايهـ .. لكن النتيجهـ وحدهـ = دموع وضيقة صدر

ابي اشوف حب كلهـ فرح وسعادهـ

تتوقعون فيهـ ..؟!

^

هذي الانسانهـ خارج الفورما من يوم الاربعاء

لذالكـ لا احد يدقق واجد ..

القحماني

أطلق مدرسهـ لغهـ عربيهـ بالدونيا

الله يصلحكـ هي نازلهـ امس
بس وش الي قردني وخلاني اقراها الحين

وانا خلقهـ شسمهـ

نصبّح بدموع ..! شينهـ

ما اقول الا
صح لسانكـ

واسمح لي احفظها عندي بعد اذنكـ

الكلاسيكي · #9 26/12/2009, 07:36 AM

اهلاً وسهلاً بك ابو عبدالله ..

ماشاء الله .. بوح جميل .. رآقت لي حروفك ..
ورآق لي همسك .. وطرحك .. وعذوبة حرفك ..

ألف شكر لك ولقلمك النقي كنقاء قلبك ..
وتقبل ودي واحترامي ..
دمت بخير

مَاهِينُورْ · #10 26/12/2009, 10:05 AM

راائعة وفي نفس الوقت كلمات مؤلمة جداً!
\
/
الله يعطيك العافية أبو عبد الله

عقـل الهلال · #11 26/12/2009, 12:06 PM

بس بأول يوم في شهر العسل
لاكشف عن وجهك عريسك غمضي
وتخيلي وجهي مكانه
ابتسمي ..
وافتحي عينك واضحكي
ولاسأل وش فيك
قولي مبسوطه حبيبي
وأنا في نفس توقيت التخيل
بغمض اعيوني
وأتخيلك
وأتأملك
وأبكي

مسكين والله رحمته

نبض المعاني باحساس شاعر

القحماني احساسك احسستنا به

لكـ مودتي

صقر فيصل · #12 26/12/2009, 12:44 PM

جميلة هذه التضحية
وجميل حب الخير للآخر ولو لم يكتب الله النجاح والتوفيق في العلاقة

صح لسانك أخي
ودمتَ في رعاية المولى

leader ksa · #13 26/12/2009, 07:16 PM

القحماني

أنت مؤلم .. أنت جاني

سامحني ماقدرت اعبر اول مرة اوصل للرد واكتب وامسح اكثر من مرة

تحياتي

algohmani · #14 26/12/2009, 09:12 PM

شكرا لكم جميعاً على ماسطرتم من كلمات أشعرتني بالخجل .. قرأت كل حرف كتب هنا ولي عوده لتقدير كل قلم سجل تواجده باقات ورود وإن لم تكفي لتقديركم لكم جميعاً

الضحى · #15 26/12/2009, 11:57 PM

لامست فيها الصدق

ممزوج بالألم ..ارجو المعذرة هذه ليست تضحية !!

هذا تخاذل كيف تفرط في من ملكت قلبها وملكت قلبك هكذا بكل سهولة ؟؟

لايضيع حق وورائه مطالب ..