مرحبا شباب وبنات الزعيم ...
شخباركم طيبين؟؟<<<راعي طويله
ندخل بالموضوع على طول <<< جاي تخطب؟؟
هذي بعض القصايد عن الام واتمنى انها تعجبكم بس انا عندي طلب خاااااص لكل من يقرا هذي القصيده ان يدعي لامي وجميع امهاتنا المسلمات الغاليات ويحفظهم من كل شر ياااااااارب العالمين
هذة القصيدة اهداء خاص لامي الغالية .. واللة ما انساك يا يمة ..!
والله منساك يايمية لو حملوني الهموم جبال
انسى جميع البشر ذيا واسمك يخلي الحزن ينزال
في اقصى ظروفي تجي ليا وتقول اصبر كما الابطال
وتمسح دموع عينيا والدمع في عينها سيال
ظفرك يساوي الحياه ذيا وكلمه منك تهدي الحال
الله يخليك ياميـــــــــــا ويكفيك شر الزمن لو طال
سماحك يخفف الالم بيا وانسى هموم الالم لو طال
يانذال لا تشمتو بيا هذا حال الزمن لو مال
لو مال يقرص كما الحيا ومن قرصته كم بكت رجال
وان طال حكم الدهر بيا ماشكي حالي على الانذال
وان جرح الدمع عينيا كثر الاسيه تبكي ابطال
مافيهم الي سال فيا ولا اظن اخطر لهم على بال
ماغير امي تجي ليا والدمع في عينها سيال
الله يجازي الحياه ذيا خلتني امشي سقيم الحال
ليه يابشر ظلمكم ليا ماكنت معكم انا بطال
استاهل الي جر ليا ماخاب ظني بكم يانذال
.............قصيدة في الوالدة وهي في غرفة العمليات
كل السيوف..
كل الليالي المظلمه اللي تطوف..
وما تشوف..
وكل العرق..
اللي نزف من جبين كل الطرق..
وكل الاشواك..
اللي اشتكت ضيق الافلاك..
ماتفي..
حتى ولا ماهي تجي..
عند الالم اللي بقلبي لمألمك..
امي ..يااغلى من ملك هالروح..
امي..وويني من بعد حظنك اروح..
يمه يانور في سما قلبي يلالي..
يمه يانبع منه اشرب من عرق روحك زلال..
يامي..
يااطيب قلب عايش بهمي..
ياروح تسرح في جسد روحي ودمي..
امي..
يافرح قلبي وديرتي..
ياهنا عمري وصورتي..
امي..
اباسالك..
وش فايدة عمري..
اذاالفرح مايوصلك..
امي..
لا تزعلي.. من الي يبكي لدمعك ..
لا ترحلي..
ابقي وسط دمعي بعد..
ولا تبخلي..
انتي اضحكي..
واتركي لي وقت..
اكتب فيك عن كل الحكي..
امي..
احبك حيييييييييييل..
لا ترحليييييييي..
----------------------------------------------------------------------------------------------------------------مشاركة مني لكل من فقد والدته الغالية . قرأت هذه القصيدتين في إحدى الصحف المحلية ، وأحبب أطرحها في المنتدى وهي تعبر عن ما في داخلي لهذا الكيان العظيم : وإليكم القصيدة الاولى :
يا يمية
يايمه منتهي جيتك وطالب منك الغفران *** اقبّـل قاعة اقدامك واغسلها بدمعاتي
يايمه كل مافيني ينادي لك انا ندمان *** طلبتك . . قولي سامحتك وردي لوجهي
بسماتي
انا ادري قلبك الطيب كسرته بصدمة النكران *** غلطت وغلطتي هذي تعيّـر كل غلطاتي
اشوف الشيب يايمه ترى ماجاء وانا فرحان *** وربي الي رفع ذاتك ونزل للردى
ذاتي
فقدت الراحة من بعدك فقدت الطيبة والتحنان *** بدونك راحتي غاية بيدينك هذي
راحاتي
انا بعدك ولا حاجة انا بعدك ترى عميان *** اشوف ولا اشوف الي يوريني مساراتي
انا وسيد الشقى والهم من بعدك غدينا اخوان *** يجيب هموم هالعالم ويرميها
بمتاهاتي
صدقتي يوم قلتي لي تدين اليوم بس تندان *** رميتك في بداياتي ورموني في نهاياتي
انا من شالك بايده ورماك بأسفل البركان *** نخيتيني وطلبتيني ولا حصلتي نخواتي
مثل ماهنتي بعيوني عليهم قلبي يمه هان *** رموني ومابهم فزعة وانا الدمعات
فزعاتي
يايمه لاتظنيني انا من فعلهم زعلان *** سواد فيك سويته وسوو فيني سواتي
يايمه يله ضميني ودفيني بذرى الاحضان *** انا ادري فيك مشتاقه وهمك بس ملاقاتي
يايمه حيل ضميني ابي ارتاح انا تعبان *** تعبت اهرب من ذنوبي ابي ارتاح بمسافاتي
ابي اسمع منك اي كلمة لصوتك مسمعي ولهان *** ابسمع يمه وبصوتك ابي اسكر فيها
نشواتي
اشوفك ساكته يمه ! غفيتي والا انا غلطان *** غفيتي يابعد عمري . . تعبتي
من مواساتي ؟
يايمه طالبك قومي ينادني عيونك شان *** اشوف الموت بعيونك عساها تصير هقواتي
تعالو يابشر شوفو انا محتار انا تلفان *** انا امي مدري وش فيها انا مدري
انا احاتي
شنو امي انا ماتت ! ؟ لا لا لا ترى غلطان *** انا امي ماتخليني على حزني ووناتي
انا امي قلبها طيب ولا يمكن تبكي انسان *** انا امي ماتبكيني ولا تتمنى آهاتي
يايمه صح مامتي ؟ صح الموت سوى شان *** اذا متي انا بعدك ابقضي وين ساعاتي؟
يايمه قومي يايمه وقولي الموت مهما كان *** انا جيتك وانا ناوي ابمشي فيك
جناتي
تركتيني ومتي ليه ؟ تركتيني وانا ضميان *** ولا مسموح ياوليدي ولا اخذ عنك
زعلاتي
انا جاني وانا المجني وانا المخطي وانا الندمان *** وانا ديني رميته تيه وبعثرته
ملف! اتي
وجيت من الهناء مفلس وقلبي من الضنى خسران *** تركتيني على ناري اعدد فيك
زلاتي
ولاني مرضي ربي ولاني تابع الشيطان *** انا بعدك ترى مابين نهاياتي وبداياتي
يايمه منتهي جيتك وكلي مرتجي غفران *** واحس الناس تلعني وتحذفني بمرآتي
وشفت الناس تلعني وترميني بمرآتي
.اسمعوها والله تبكي القصيدة
http://www.kuwait25.com/sha3ar-7amad-11.ram
......................................... هذة قصيدة الثانية .....................
يـمّه أجـي لـلقبر والـدمع في iiعيني
أدعـي لـك الـرب بـالغفران iiوالجنة
أزور قـبـرك وكـنك فـيه تـدعينى
والـعين لوصحت " يا أم دحيم " iiممتنه
أشـتاق أزورك ولا أدري مـن iiيناديني
لاغـبت صـدري أحـس بداخله iiحنه
مـتي ولـكن عـظيمه فـي مـياديني
تـبقين بـالبال لـو هـالنفس iiمـنجنه
يـايمه الـعز مـن هـالصغر iiكاسيني
مـن صـرتي أمـه يايمه ماجهل iiفنه
أتـذكرك يـوم فـي صغري iiتضميني
ولاصحت قلتي صياح سعود وش منه ؟
مـن يـوم مـتي وأناالحرمان iiطاويني
يـامـا تـداعـيت بـين الآه iiوالـونه
أقـسم بـربي دمـوع الـفقد iiتـبليني
غـصب عـلي إيـتناثر كـل مـا iiأكنه
يـاربي الـفقد أشـعر بـه iiويـكويني
يـارب عـفوك طـريق الموت iiماعنه
يـاقـبر جـيتك وسـاعة iiمـاتكفيني
يـاقبرها لـك بـقلبي دايـم " عـنّه ii"
يـاقبر لـوكانت الـلي فـيك iiتوحيني
هـذا مـكاني بـعز الـبرد و " الكنه ii"
--------------------------------------------------------------------
ولاتنسون ان الجنه تحت اقدام الامهات..
واتمنى ان هالقصايد اعجبتكم واتمنى ان كل واحد دخل هنا وقرا هالقصايد يسوي اللي طلبته منه وهو الدعاء..
وتقبلو تحيات اخوكم:al_king_15
قصايد عن الام.. 
الوضع العادي
