#1  
قديم 16/12/2009, 05:18 PM
زعيــم مميــز
تاريخ التسجيل: 10/10/2008
المكان: فى قلب الهلال
مشاركات: 3,349
@ زوجـات غير مـرغـوب فيهن.. ولاعليهن حسـوفــه @


.



الزوجه الي تحاول تبعد الزوج عن اهله... وخاصه اذا كان اهل الزوج ناس طيبين المفروض زوجها يتزوج عليها بدون تردد


الزوجه الي تسبب شرخ بين الزوج واهله .. وتعبي راس الزوج على اهله ... وتدخل بين الاخوان وتفرق بينهم .. المفروض هاذي يطلقها زوجها ماعليها حسوفه..


الزوجه الي مهمله بيتها وزوجها وعيالها ومسلمه الشغاله الخيط والمخيط ..


وهي هايته من بيت لبيت تدور الجمعات وقرقرة الحريم برايي هاذي المفروض زوجها يهددها باالزواج لعل وعسى تتعدل..


الزوجه الي تتصرف بغير مشورة زوجها وتكسر كلمته وتطلع من بيتها بدون اذنه برايي هاذي زوجه متمرده ..


الزوجه الي صوتها اعلى من صوت زوجها ..واذا قال كلمه ردت عليه بعشر ..


واذا تزاعلوا مع بعض زادت النار حطب بدل ماترخي وتهدي الوضع هاذي براي تستحق كف يطير راسها الين تهجد


الزوجه الي ماتراعي رغبة زوجها عند الفراش وساحبه عليه ومخليه ههالموضوع على حسب رغبتها هاذي برايي تستحق انه يصكها بضره تعلمها ان الله حق


المفروض تلبي نداء زوجها كلما دعاها ولاننسى حديث الرسول عليه افضل الصلاة والسلام ..وتتجمل له بااجمل اللباس والعطور وتهتم خاصه لرائحة انفاسها وشعرها وجسمها..!!


الزوجه الي تغار على زوجها بصوره غير طبيعيه ... وبغيرتها حاصرت الزوج المسكين وطفشته ...


وتسوي من الحبه قبه وتسوي سالفه من لاشيء ووصل بها الحال انها تغار حتى من الشغالات لاحول ولاقوة الا بالله..


برايي هاذي المفروض زوجها يتزوج عليها ويرتاح ... واقولها انتي اولا واخيرا تنقصك الثقه باالنفس ...!!


الزوجه الي مهمله نفسها من ناحية لبسها وشعرها ومهمله نظافتها ونظافة بيتها وعيالها ..


وماتهتم في تنظيم حياة زوجها وراحته ونومه وعمله .... وتشجعه للآفضل سواء في مجال عمله او دراسته برايي لاتستحق ان تكون زوجه له ...


الزوجه الي ماتراعي ظروف زوجها الماديه وتهلكه باالديون ولاترحمه بس هات فلوس ودني السوق ... وتهدي علانه وفلانه ومغرقه اهلها باالهدايا وكله على حساب الزوج المسكين..


والزوجه الي عندها مبدآ ونظريه انها ماترحم الزوج وتهلكه باالديون والمصاريف يعني تكسر ظهره باالديون وتحمله فوق طاقته ....


وعذرها وشهو ..؟؟ علشان مايلقى شيء يتزوج عليها .... هاذي المفروض زوجها يسرحها غير مؤسوفا عليها


الزوجه الي تعامل ام الزوج على انها اصغر بناتها ولاتحترمها اوحاطتها زي ضرتها...


وتحاسب الزوج على بره لامه .. وتتصدى لاخوات زوجها وتحط نقرها من نقرهن وتشيش زوجها عليهن ..


برايي هاذي تستحق الطلاق وباالثلاث ولو كان فيه اربع لقلت اربع
..
الزوجه الي ماتعرف تطبخ وتدير بيتها.. وزوجها المسكين صار زبون معروف عند المطاعم وبطنه كل شوي ماغصه وكله من اكل المطاعم وعذرها انها دلوعه .. ..!! وماتعرف تطبخ واهلها مدلعينها يوم كانت عندهم ماتعرف طريق المطبخ ...


برايي هاذي زوجها يحق له ان يتزوج عليها وهي ترجع لبيت اهلها خليهم ينفعونها ويغدقونها باالدلع والرفاهيه ..



مع السلامــه .... والنوايا سليمـه .....!
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:31 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube