«¤¶` أنتِ الرياض + رحلتي إلى البحر الميت :: تغطية مصورة ::`¶¤» - نادي الهلال السعودي - شبكة الزعيم

الهلالي دائماً · #1 06/12/2009, 10:58 AM

السلام عليكم ورحمة الله وبركاته ,,,
حيا الله أعزائي اعضاء ورواد المجلس العام

وكل عام وانتم بخير وعافية .

وبمناسبة دمج منتدى التصوير يسعدني ان اطرح بين يديكم هذا الموضوع الفتوغرافي والاحترافي في آن واحد

متمنياً لكم رحلة سعيدة بين صوره وحلله

مع العلم أني اتقبل مدحكم بصدر رحب

الرياض ..

..

مدي جناحك تيها وانتشي طربا ... من قال إنك أخت المجد ماكذبا
مامر طيفك في الأعماق يشعلها ... إلا وجنّ دمي بالشوق واصطخبا
وإن نأيت ولو حينا على مضض ... ضج الحنين وثارت مقلتي غضبا
وراح يشعل وجداني على عتب ... فكيف أطفئ فيه اللوم والعتبا ! ؟
أدير عنك عيوني والشجون بها ... كمن يروم بساح المحنة الهربا
يحيي صباي عبير منك منسكب ... طاب العبير من العينين ما انسكبا
أنت " الرياض " جناح مد هامته ... إلى الذرى وجناح عانق الشّهبا

للشاعر / خالد الخنين .

سحاب الرياض في يوم الجمعة 17/12/1430هـ

ملامح الرياض تلوح بين السحب >> وش تحس به

كم أهواك وأشتاق إليك أيتها الرياض

وأنكشف السحاب وبدت الرياض جميلة وفانته ومغرية

:: .. رحلتي الى البحر الميت .. ::

هذا تقرير مصور عن رحلتي إلى البحر الميت في الأردن .. والتي كانت في بداية عام 2009م

وحقيقة كان الهدف من الرحلة استكشاف هذا المكان العجيب !>>شعنده كولومبس

الذي يعتبر اخفض منطقة في العالم , حيث يبلغ انخفاضه عن مستوىالبحر 1300قدم !! وكانت الخطوط السعودية هي الناقل الرسمي لنا

من الرياض إلى عمان وعلى متنها أنا وصديقي أبو عابد وحين وصولنا إلى مطار عمان انطلقنا مباشرة إلى منطقة البحر الميت والتي تبعد عن عمان قرابة 60كيلو ..

وتعتبر منطقة البحر الميت سياحية وفيها العديد من الفنادق و حجزنا كان في فندق كمبنسكي ولمدة ثلاثة أيام قضيناها على شاطئ البحر الميت ...

والبحرالميت شيءعجيب واعتبره من عجائب الدنيا الطبيعية ... وملوحته عالية إلى درجة تحس انك تسبح في زيت >>> عليك وصف إنما إيه

والإنسان يطفو عليه يعني مستحيل تغرق واللي ما يعرف يسبح يطب ويتكل على الله لان الماء يرفعك لا محالة !! إلى درجة إني يوم نزلت للبحر رفعني كني مسوي دبل كيك

وحسيت اني بدر الخراشي قدام مانشستر

طبعا لشدة الملوحة حذرونا من دخول الماء في العيون يعني اسبح وراسك فووووق عشان لا تجيب العيد

والبحر لا يوجد فيه أي كائنات حيه او ميتة

.. و يحتوي على الملح والطين اللذين تكونا تحت عوامل مناخية خاصة على مدار 2000 عام و اكتشفت فوائده منذ عشرين عاما وفيه الكثير من المعادن والمواد الطبيعية المنطقة أكثر السواح اللي فيها اوربين وتلقاهم يتمردخون في الطين 24 ساعة ..

طبعاً في الفندق ما نستخدم إلا منتجات البحر الميت من صابون وشامبو وكريمات وبصراحة جازت لي كثير وحسيت معها بالفرق >>> متأثر بالدعيات

وشريت كمية من منتجات البحر الميت من هناك على بالي مني محصلها في الرياض لكن يوم رجعت لقيت هنا ماركات حلوه متوفرة

المهم ماني مطول عليكم واتركم مع قمة المتعة

والصور الاحترافية

والمعذرة اذا كانت الدقة في الصور موب ذاك الزود لأنها من الجوال

منظر عام للفندق وتظهر فيه عمارتنا

ماك ورانا ورانا

وبقايا آثار جريمة

صورة من البلكونه

المسبح الدافي ..ويظهر جزء من مطعم الفندق

صورة يظهر فيها الخيال الحسي الكبير للمصور

منظر عام للفندق بس لا أحد يدقق

ما أجملك أيتها النخلة الشامخة

الصور تعبر عن نفسها

منظر مصور من مطعم الفندق ..

سائرين .. سائرين .. للبحر رايحين ..

الملعب المايل

>>> تلعب كوره وانت جاي على جنب

البحر لحظة الشروق او الغروب >> مضيع

اممممممممممممممممم ملح ×ملح

كراسي الانبطاح والانسداح

تم ازلة البشر

الممشى بالفندق >> ذكرني بشارع الحوامل

إزعاج قبل الفجر ! ناس مضيعه.. وجالسه تسبح

اطفأت الانوار .. وأنتهى المشوار ..

شكراً لكم

مَاهِينُورْ · #2 06/12/2009, 11:01 AM

..

وعليكم السلآم ورحمة الله وبركاته
أهلاً وسهلاً بمشرفنا ماجد
حمداً لله على سلامتك , وكل عام وأنت بخير

إقتباس


	وبمناسبة دمج منتدى التصوير يسعدني ان اطرح بين يديكم هذا الموضوع الفتوغرافي والاحترافي في آن واحد

ما شاء الله , الله يبارك بالدمج

بس لا يكون أنت الي طالب منهم يدمجونه مع المجلس ؟!
وش سرّ تأخرك بطرح الموضوع !!

..

رحلة جميلة ما شاء الله
ماتوقعت البحر الميت كذا , توقعت إن مافي حياة أبد حتى البشر مايعيشون عنده

إقتباس


	والإنسان يطفو عليه يعني مستحيل تغرق واللي ما يعرف يسبح يطب ويتكل على الله لان الماء يرفعك لا محالة !!

سبحان الله

يصلح لنا يالي مانعرف نسبح

طيّب إذا جبنا لنا وايت ماء من البحر الميت وصبّيناه بمسبح عندنا نطفو ولا مثل الماء العادي ؟

~> سؤال بريء أنتظر الإجابة

..

الله يعطيك العافية ماجد
ما شاء الله تقرير مميز أعجبتني الصور وطريقة التصوير
في تحسن بعد ذيك الصور المايلة

شكراً

R D H · #3 06/12/2009, 11:19 AM

مرحبتين أبو مقبل .. حمدلله على السلامه ..

تصدق من زمان وانا أخربط بين البحر الميت .. والأسود .. لأنهم الأثنين اسمهم فيه ( حُزن ) أو ( بؤس ) .

واثنينهم بتطلع منهم وانت ملطخ بشي .. واحد ملطخ بالملح .. والثاني ملطخ بالزفته .

فيه كلمة قلتها لي مره بأحد مواضيعي .. وعاجبتني جداً .. ومن يومها وأنا ودي أقولها لك

" لم أتوقع أن هذا الإبداع يفيض من بين يديك ويتفجر من جانبيك "

صور جميله جداً .. وأكثر شي عجبني ( اخر صوره ) يوم تقول بعدها ( وانطفت الانوار وانتهى المشوار ) .

أسألك بالله .. يوم تلتقط هالصوره كنت حاط في بالك انك بتحطها أخر صورة بالموضوع وبتحط تحتها هالعباره ؟

يعطيك العافيه أبو مقبل .. وحمدلله على السلامه .. وأجمل ما في الصور أنه ماعليها تأثير بالفوتوشوب

وكل عام وأنت بخير .. وصلتك رسالتي بالعيد ؟

دمت بأجمل حال

مطيع · #4 06/12/2009, 11:28 AM

أحرجت اصحاب الكميرات يا بومقبل

صراحة من جد اقولها احترت أي صورة انسخ

اللي يعجبك في بعض الدول انها تحول كل شيء الى سياحة وتقام حوله مشاريع سياحية

واصل يا بومقبل ولو تبي نجمع قطة ونشتري لي كميرا عشان تكسر سوقهم صح

أمـيـر · #5 06/12/2009, 11:31 AM

مآشآء الله منآظر خلآبه..

إقتباس


	وأنكشف السحاب وبدت الرياض جميلة وفانته ومغرية

^
تصوير محترف..

إقتباس


	الصور تعبر عن نفسها

^
من جد تعببر عن نفسهآ..

...

دعـآبه..

إقتباس


	رفعني كني مسوي دبل كيك وحسيت اني بدر الخراشي قدام مناشستر

^
سمّ..!؟

إي فريق هذآ..؟

أشوى إنك مآقلت تشآلسي..

<<< دُعـآبه..

...
نــآوي اقلبهآ شآت يوم شفت اللي كـآتب الموضوع مـآجد ..خخخخخخ

شوق الكويت · #6 06/12/2009, 11:49 AM

الحمدلله على السلامه ماجد

ماشاءالله ماجد صوور رووعه احس انها مو كاميرا جوال

خاصه السحب اول شي ...

حمستني ازور البحر الميت

كل صوره احلى من الثانيه ماشاءالله ابدعت بالتصوير ..يعطيك العافيه

ايه صح زين نزلت الموضوع وقت الدوامات علشان يمدينا نحجز

RO7_ALHILAL · #7 06/12/2009, 11:53 AM

اقدر احجز ؟
طيب ابي احجز عشان ارجع اعلق ض1

باااااااااك
ابو مقبل ليتك راايحن بطريق بري ماهوب جووي
عشان تمر حايل ع طريقك

طيب ماشفتووا حايل ولا مامريتوا عليه من فووق؟

والله ياخي قهرر كان مارين نشوفكم ، ع الاقل انشب لكم خاايف عليكم يالشيبان تخربون هناك

ابو مقبل مارحتووا لعبدووون؟
ولا رحتووا للجاردينز اخر الليل؟

اذا مارحتوا لهن اجل مارحتوا للأردن

واهم شي المعاارض لازم تاخذون بوه فره < تشابه عليه البقر

الحممدلله ع سلامتك وعقباال ماتروح لمايوركا سووا

هلالي من ارض اليمن · #8 06/12/2009, 11:59 AM

كأن الصور في فندق موفنبيك البحر الميت

اعترف انك كاش يا ماجد وما تريد تكسر بخاطر الطفارى مثلي

<== القلب للطفارى

حمدالله على السلامة

ورحلة موفقه

ويبدو ان حسك الشعري كان واضحا على حسك الفوتغرافي .. الشعر والفوتغراف يتفقان أن اثنينهم بالمجلس العام

عودا حميدا

يمدحون الفندق بالمساء والسهرة

الكلاسيكي · #9 06/12/2009, 12:06 PM

وعليكم السلام ورحمة الله وبركاته

هلا وغلا ماجدونا .. الحمد لله ع السلامه ..

حيا الله محترف التصوير , يزيد الغريبي قبل الاحترافي

وتقول طالع انتداب ماتخاف الله

وانت رايح تتمشى وتتسكع ع البحر الميت ..
يجب التبرع بقيمت الانتداب , لمشرف مرابط <<

ابو مقبل , لو دارين بتنزل تصويرك كان دمجنا من قبل

بس فيه لقطه الصراحه خطيره اشك انك مصورها انت

المره الجايه لاتنسانا من رحلتك .. بس لاتصور

ابو مقبل , ابدعت بالتغطيه المصوره ..
لاعدمناك .. وتقبل احترامي ..

ABNalzaeem · #10 06/12/2009, 12:33 PM

ابو مقبل تيلم على الرحلة >>> تصدق كني معكم

بس انا جبت دبل كني المفرج فالنصر

،،،

بس عن جد ماكنت اتوقع انو السياحه عند المدعو بالبحر الميت هيك

عقبال ما تروح انت والمدام وخلك من أبو عابد

ريكيلمي · #11 06/12/2009, 01:09 PM

مساء الخير يا كبتن

أول شي الحمد لله على سلامتك يا كولومبوس ما شاء الله عليك يابو مقبل 2009 كله سفريات

التصوير الصراحة خرافة خرافة لأبعد درجة ما شاء الله تبارك الله .. هنا عرفت الحكمة ليش دمجوا التصوير مع المجلس العام

( أديب و مصور ) ما شاء الله تبارك الله

خلاص عاد لا تصدق عمرك رفعت لك بما فيه الكفاية

عندي كم ملاحظة

إقتباس


	منظر عام للفندق وتظهر فيه عمارتنا

سؤال يطرح نفسه : العمارة عمارة أبوك يوم تقول عمارتنا ؟

هل جايكم مطر او مثل شاليهات السعودية يرشها الهندي باللي ؟

السؤال الأخير : سمعت ان المنطقة خسف الله بأهلها .. السؤال : ما حكم السياحة في أماكن عذب الله أهلها ؟

ترى عادي اذا ما ودك تجاوب

أخيراً كل الشكر على الموضوع الرائع كروعتك دائماً

بريماكس · #12 06/12/2009, 01:14 PM

وعليكم السلام ورحمة الله وبركاته ..

هلا وغلا ماجد ..

الحمدلله على السلامه ياماجد

ايه الغيبه وراها شئ ههههههههههه
==========================
جيت

الله يحييك ويبقيك يالغالي .. وانت بخير صحه وعافيه ان شاء الله

إقتباس


	منظر عام للفندق وتظهر فيه عمارتنا

حلوه عمارتنا ياماجد بكم شارينه

إقتباس


	الملعب المايل >>> تلعب كوره وانت جاي على جنب

لووووووووووووووو ووووووووووووووووووول

استمتعت بقرائتي لموضوعك ياماجد والحمدلله على سلامتك مره ثانيه

نسيت اسالك صح .. وش الكميراء ؟؟؟

==> ترى ماشافك وانت تقول كميراء الجوال

الله يعافيك ... ولاتحرمنا من كل جديد

+

-> باريوو

MaRoUaNe · #13 06/12/2009, 01:21 PM

وعليكم السلام ورحمة الله وبركاته

والله حركات ياماجد ..

إقتباس


	الصور تعبر عن نفسها

ليتهم من اول دامجين منتدى التصوير الفوتغرافي عشان نشوف إبداعاتك المدفونه

إقتباس


	أكثر السواح اللي فيها اوربين وتلقاهم يتمردخون في الطين 24 ساعة ..

اجل أكيد تمردخت معهم

I B R A H E M · #14 06/12/2009, 01:46 PM

أبو مقبل

يا أيها الشاعر العربي الأصيل

وش معنى فانته اللي أنت كاتبها

و بدت الرياض جميلة و مغرية وفانته

و بعدين يوم إنك رايح أول 2009وشوله توك تفطن تحطه

الكذب حرام

(الحمد لله على السلامة)

تقبل مروري اللطيف

the king yasser · #15 06/12/2009, 02:12 PM

صور احترافيه زين انهم دمجوا قسم التصوير هنا عشان نشوف المواهب الي مثل حضره جنابك <<

ماشاء الله رحله حلوه وماتوقعت الاهتمام الاكثر من رائع عند البحر ميت

عـ العموم يعطيك الف عافيه اخوي ماجد