مرحباااا..

...

هذاا تخيمنااا بعنيزه طبعاا..مو بالريااض..

عند نقرة الجن..اذا فيه احد يعرفهاا..

..نقرة الجن.. معرووفه انها منطقه للشبااب بس حنا خيمنا جنبهاا..

كناا مساافرين عند اهلي هنااك ..

فاقترحنا عليهم اننا نخيم حنا يااشلة البهجه والسروور << امحق..

على فكره تراا هذا التخييم ثاني ايام العيد ..


ياالله على اجواائهاا..==<< عنيزه..

وربي شي يفتح النفس..




نبدااا..احم احم....المكرفون لو سمحتوا...




هذي خيمتنا حقتنا قسم قسم..




هذي من الدااخل..





هذي حقت العياال ..مب مرتبين ابد ابد << خلينا سااكتين احسن..





حتى الموااعين مدلعه..




حتى المطبخ له خيمه ..




كرة طائره وجبناها هنا..



............................



شفتوا السيااره هذي..

شفتوا التغبيره زين..

هذا الله يسلمكم..ولد خالي جاي من الشرقيه
ودايركت للمخيم..

اناا شفت السيااره وانهبلت قلت يااعووومررري يااولد خاالتي
ليه كذا سيارتك وسخه..وخلااااااااص قررت انظفها
قلت حراام ضيف وجاي عندنا وتعبان واكيد وده ينظفها
خلني اسوي شي حلو بحياتي ..وقمت وشديت الهمه ونااديت شلتي المووقره
وقلت ياله بناات ولد خالكم جا
ولازم ننظف سيارته الوسخه..جبت مناديل وابي امسحها
بس تكلمت بنت خالتي وقالت ليه نمسحها كذا بنتعب
اقول بس خلينا نشخبط عليها عشاان يستاانس
وانا معهاا يالله قداام..وافسر كموومي واكتب واكتب واعبر..

شووفووا هذي الصوورتين بس البااقي ..ممنوع اصوورهاا << فيها اساامينا







خلصنا مهمة الشخبطه ورحنا ننام وانا ببالي افكر..اقوول

يااسعده ولد خالتي يوم يشووف سيارته مشخمطه بيستاانس هع..

يقول يااحليلهن بنات خالاتي مزينين وراسمين على السيااره


..سمعنا صووووووووووت قسم بالله تقوولوون ذا

احد ساارق حلاله..

معصب وحالته حااله,ويهااوش ويناافخ..

..×من اللي مشخبط يااجعل اللي منب قاايله.

تدروون ان هذي داافع فيها فلووس ومزينهاا من كم شهر

واخر شي يجي احد يشخبط عليهااا×..

×..مالت عليك..اشكرنا اقول ولا تناافخ..

تراا تعبناا وحنا نكتب بهالبرد..

اشكرنا يااقاسي القلب.×.

عاد بالنهاايه طلع معصب وراح يزينها من جديد..

والله من زينها يووم انه حاط هالتغبيره ..






رحله من غير كبسه مش كويسه..




ترا هذي طبخة العياال..



عااد هذي اخر ليله لناا..
وقلنا يالله هالمره شوي..



....................


اجل عمركم سمعتوا وشفتوا
ناس مخيمين ومعهم اوورق..

عنيزاويين ومعهم اوورق << مااتركب والله مااتركب..

عاد تحسبوننا استعملناه وربي اشكالنا تقولون ذولي جايبيلهم كائن غريب

كذا مبهتين اجل اورق ببر..ولا بعد لا ضغطنا زر قال ..{صووو صي صاااا..}

وين حنا قاعدين تناادي عصافير انت..







قاال ايش قااال

جبت ذيب يحرسكم..



هذاا بالله تجيبه لنااا..

صار لناا فلم رعب بالمخيم..




استغفر الله كاان ودي قبل لا نرووح ارتكب عملية قتل بذا الذيب..

خلى دمووعي تنزل اربع اربع يووم قرب عندي..

عاد تخيلوا المنظر..بنات داخل الخيمه ويدخل عليهم ذيب..

اترك لكم مجاال التخيل..<< يااشيخه..


..............


وفي النهاايه حبيت اختم رحلتناا..

بووحده شفتهااا تمشي وتمشي..وترتقب البعيد والمستقبل..

ياااعوووومري عليهااا..

تكاافح من اجل البقااء..لقد انهكها الزمن وبقيت تبحث عن اكل لها ولـ وراعينها


كانت قد لا مست طرف اصبعي..وانا اللي اقووم مفزووعه وادهسها برجلي

وقبل ان ادهسها..تكلمت ابنة خالتي وقالت دعيها تكد على وراعينها

انظري كيف هي تعرج وتترنح يمنا ويسارا.

فقلت..وفي عيني دمعه والاخرى سووف تسبقها بدقيقه..

نعم نعم انهاا قعرة مجده سوووف لن ادهسهاا ابدا..

وتعبيرا عن حبي لهااا..

صوورتهاااا لكي نااخذ عبره وعظه هع..





اجل حناا وش نقوول يووم نداافع عن الببسي..ليه يرتفع وليه مارتفع..

خلوووه ينطق فيذااا..وخلوه يرتفع لحد ماايقول بااء..


تراه هو نفسه مندهش من نفسه..











وفي الختاام ..

اعذرووني لاني مااكثرت الصوور..

لاني كنت انتفض من البرد والقشعريره اللتي صاابتني..

هو فيه صوور بس بعضهااا طاالعين الحريم والبزارين..



ولناا لقااء مع رحله كاادت ان تودي بحيااتي..


سي يوووووووو..

حياااااااااااك هلاليه رحله موفقه والحمدلله ع السلامه

إقتباس الرسالة الأصلية كتبت بواسطة هلاليه إيطاليه ذاا تخيمنااا بعنيزه طبعاا..مو بالريااض..

ليش عنيزه قلب احمر والرياض ازرق ...الرياض<<بزران دوت كوم

إقتباس الرسالة الأصلية كتبت بواسطة هلاليه إيطاليه عند نقرة الجن

والله يا عليكم اسامي يا هالسعوديين تروع انتو نقره ومكه محبس الجن

إقتباس الرسالة الأصلية كتبت بواسطة هلاليه إيطاليه

ابغى اعرف حاجه وش سر التخييم وشابوره تسالي(قراميش)

إقتباس الرسالة الأصلية كتبت بواسطة هلاليه إيطاليه يااعووومررري يااولد خاالتي

إقتباس الرسالة الأصلية كتبت بواسطة هلاليه إيطاليه عنيزاويين ومعهم اوورق << مااتركب والله مااتركب..

قووووووووووووووووويه خربوا اهل عنييزه اليوم اورق وبكرا تتن

إقتباس الرسالة الأصلية كتبت بواسطة هلاليه إيطاليه

يا لبى بو عبدالله بس يوم قلتي ذيب مدري وش جاني قلت ابو هالعنيزاويين اورق وسامي وش ناوين عليه

إقتباس الرسالة الأصلية كتبت بواسطة هلاليه إيطاليه

خخخخخخخخخخخخخخخخخ قسم بالله مخك فاصل ياعمري عليه منصدم ماتوقع انه بها الغلاة


تحياتي

هلا ايطاليه
رحلة سعيده والف حمدلله على السلامه
اما الشخبطة شي ثاني
مدري ليه البنات ما يخلون العيال ياخذون راحتهم بأملاكمهم
لو انا محله والله اخليكم تزينون التغبيره مثل ما خربتوها
انا سيارتي ابن امه اي بزر ياكل فيها أي شي
يا ويل ويلهم أخلي أهاليهم يلمعونها داخليا وخارجيا هع
شكرا جزيلا لك

للي غجبني صوه الببسي ههههههههههههههه

الحمد الله على السلامـه

ولبى هالطلعـآإت ، البرريـه ، اهم شي الونآإسـه

وان شاء الله مخططين على طلعه حلوه ،

يعطيك العافيـه ، وبالتوفيـق .

يوماااااااااااااااا برررررررر

طيب يومك رحتي ورا ماعزمتيي


ياوييييييييلييي ع التخييييييييييييم ودي اخيييييييييم طوول هالشتوويه

لاجا الصيف رجعت لبيتنااا





يوماااااااااااا وش ذاااا يخوووووووووووووف

من هالمجرررم اللي جاايبه

.......

نخييمكم راايق ياختيييييي

وكول شي يجنن بموضوعك الا الحيوان اللي فيه

هلااالية وش جابتس فيذا
اخبرتس مسنترة بالصيد ماتعدينهم ابد

*****
لا والله منتب هينة طلعتي كشتات وصور وسنع
الاتعالي وين صورة البدوي اللي اشرتيله وطلع موب
اخوتس يوم كنتي فوق الطعس تسان جبتي صورته
رزيتيه مع هالصور-<<<ماانعطى علم

******

إقتباس عند نقرة الجن اذا فيه احد يعرفها

بسم الله الرحمن الرحيم
قل اعوذ برب الفلق
من اولها جن
هذي على اسمهالويحلفون علي ويطلقون ويزوجون
من شان اروحلها والله ماطبيتها<<<أفا ياذا الموووهمة

إقتباس اناشفت السيارة وانهبلت قلت ياعوووومرررري ياولد خالتي

قــــــــــــــــــــــــوية

إقتباس معصب وحالته حاله وينافخ ويهاووش

أفااااا هذا وانتي قايلتن له ياعمري يامن اللي مانيب قايله




بذمتك هاذي وشهي
تبققت عيوني وانا ادور به شي اعرفه حبة رزه ولا
قطعة لحمه ولاحبة فاصوليا عجزت القى به شي معروف
هي علشان العيال اللي طابخينها لعبين بأمها وحايسينها
بالحوق ومخفين معالمها
ولاأكلتن عندكم مانعرفها
مع اني مااذكر ان العنيزاويين عندهم طبخات غريبة<<دعابة

إقتباس عنيزاويين ومعهم اوررق<<<ماتركب ماتركب

وليش ياعمري العنيزاوين منزلين من السماء<<بدت هوشات القصمان
عاد صاحين انتم يوم تشيلون اورق
وبمكان هالجن
ماخفتوا يطلعون عليكم ويناقزون بكم

***



بسم الله
يممممممممممممممممماه
وش ذا العيون اللي مولعة
بالله نايمين وهذا عندكم لاويقاله حارس بعد<<امحق من حارس
متأكدين جايبينه معكم ولا طالع لكم من مكان المخيم
عادالصدزهذا ذيب ولاكلب<<<محسوبتس ماتفرق بين العنز والبقرة

******
هلاااالية والله ماشاء الله تبارك الله
كشتتكم شكلها فللللللللله
بس لوانتم سالمين من ابوعيون
****
يالله عقبال ماتجيبين لنا صوركشتاتكم الثانية
عاد انانشبة ماتخلص لاحقتس هنا وبالصيد
ماهناش فكة مني
بس ان شاء الله اني خفيفة بموضوعتس
ماثقلت دوتس يالنشيطة
ماننحرمش من طلتك يالغلا

أقسم بالله البنات يقهرون .. ما تصدق تسوي تغبيره للسيارة وتدخل السيارة في وسط البيت الا ترجع تلقاها مشخمطه من أولها لين آخرها
يصير الواحد يخاف يوقف جوا بيتهم أنا أبي أعرف ليه تحبون تشخمطون على السيارة؟
والله مسكين ولد خالتك تلقينه مستانس بالتغبيره وخربتوها عليه ..
ودي أعرف بس وشششش دخخخخخلكم؟؟؟؟؟؟؟
على العموم طلعتكم حلوة << معصب
الصدق ماشاء الله طلعه متكامله .. يازين ذا الطلعات اللي مع أهلك وأقربائك .. تحس بالفله صدق
خاصة لا صارت الطلعة في إمراح وطبخ تحلى أكثر ..
يازين صورة الذيب ههههههه هيبة ..



حرام عليك الحين ذولي مب مرتبين؟

ما شفتي شي شكلك

مشكووورة وبالتوفيييييييق.

هع .. طلعه خرافيه .. .!!

اهم شي الأكل ذذ

والببسي

ههههههههههههههههههههههههههههههه

مسكين هو انهبل ..


شكراً

..
..
..
..
..

ما شاء الله طلعة ممتعه

حسيت اني قاعد اتابع فيلم اكشن

عوآآآآفي اخت هلالية ايطالية

حــــجــــز << يسمع بالعالم اللي تقول حجز

على العموم موضوع حليو ومدري متى يفك الحجز والله اعلم اني بشطح ولا انتم شايفين رقعه وجهي لاني بنام ،،،


مشكوره وسلمت اناملك اللي صطرت هالموضوع