أمس .. لا البارحة .. أقصد اليوم.. + شباب وصبايا - نادي الهلال السعودي - شبكة الزعيم

dal3_uae · #1 15/12/2009, 08:11 PM

السلام عليكم ورحمة الله وبركاته ..

كالعاده البدايات صعبة .. لكن المقدمات للموضوع اصعب ..

المهم بخبركم شي .. اقصد أشياااااااااااااااااء ..

في يوم من الايام وليس بالبعيد طبعااا .. هذه الايام ..

حلمت حلم .. اول مرة أحلمه بحياتي >> كم حاء في الجملة

لا صدق والله ..

أمس .. لا البارحه .. أقصد اليوم

>> اختارو انتو اللي يريحكم

حلمت اني طالعه مع أمي .. ورايحه لمحل فساتين .. وانا ماماتي

قاعدين نختار فستان حقي انا ..

وكنت ادور بين الفساتين الفستان اللي يعيبني ..

وفجأة طحت على فستان لونه أبيض

وعيبني واااااااااايد .. وطبعااا اخترته ..

ولبسته ويا على قياسي .. وجان اشتريه ..
وبعدها رحنا لمحل النعول الله يعزكم .. وكنت ابا اختار نعال حق الفستان .. وجان يرن المنبه واقوم ..

قمت مستانسه .. ما ادري ليش .. ؟؟

الحينه ابا منكم .. تفسير الحلم ..

حد يقولي زواج .. >>>>>>>> ما يدرون اني متزوجه

وحد يقولي الجنة >>>>>> آااااااامين يا رب

وحد يقولي مب زين .. الكفن الابيض يعتبر .. >>>>>> يمه اخاااف

الحين عطوني الكلام النهائي .. لحلمي .. وعسى خيره ان شاء الله

::

يقولون اذا الحلم زين .. عادي قوله .. واذا الحلم مب زين تعوذ من ابليس وتفل على يسارك 3 مرات ..
وقوم صلي ركعتين لله تعالى

مرات احلم احلام .. مثلااا مثلاااا .. اقولكم مثلااااااااا ..

انه حد كان يربع ورايه .. وفجأة يوم انش ( اقوم ) ..
اشوف اني معرقه واتنفس كأني راكضة ركض >>

::

على قولة اختيه .. يوم اتشوفنا نرمس عن الاحلام .. اتقوللنا انتو كيف تحلمون ؟؟
انا ما اعرف احلم ..

\

\

\

الحين بطلب منكم طلب ..

شو الحلم اللي حلمته واتحقق معاك ..؟؟

وكنت ابا ارمس عن القمة الخليجية ..

وما تبعهااا من قرارات .. من الناحية السياسية .. والاقتصادية
وبخاصة العلملة الخليجية .. وعدم رد رئيس الوزراء الكويتي لأسئلة الصحفيين ..
والتأخر اللي صار في الجلسة الختامية .. ومحاولة اعادة الامارات للعملة النقدية ..
وتغيير الرئيس العام لمجلس التعاون و ....... و........ و.........
لكني ما بغيت اخرب موضوع الاحلام ..

>> خليتي شي اصلاا ما قلتيه

وبس يعطيكم العاااااااااااااااااااااافيه

وشاركونا في أحلامكم .. السعيده ان شاء الله

ونوم العوافي .. روحو ارقدو وتعالو كتبو احلامكم .. >>جان ارقد ع الكيبورد

بريماكس · #2 15/12/2009, 08:15 PM

متابعه وش شعورك وانا ارد الأول هههههههههههههههههههه

بررب مباراة الهلال

ỳάṡṣẻя · #3 15/12/2009, 08:36 PM

..
..
..
..

بين الشوطين والهلال كان ضاغط الشوط كامل
+
هدف القادسية مدري وش يبي

>>>>>> خربت الموضوع

ولكم اخت دلع

الصراحة ما لي بتفسير الاحلام لكن شكل الكفن يناديك >>> يا ثقل دمك والمزح

وبالنسبة لي ما اتذكر اني حلمت حلم واتحقق لي >>> كلها احلام اكشن

عوآآآآفي على الموضوع

متآبعه بصمت · #4 15/12/2009, 08:49 PM

^
^
بريماكس

شعوري شعور أي مواطن سعودي يشوف اليابان وهو ماكل تبن

يا ربعي تصبّروا واحتسبوا .. فالجنة إن شاء الله

ــــــــــــــــــــــــــــــــــــ

دلع يو أي إي

تدرين انك فله ؟

اسمعي الفستان الأبيض كان حلوو ؟؟ .. تنصحيني أشتري مثله ؟ < علي تفكير ابن كلب

بالله بأرسلك مقاساتي وفصلي الفستان عندكم بأشوف من أحسن خياطينكم ولاّ خياطينا

الجد عاد مانيب يم الأحلام حاليا

هذاك أول قبل لا أعرس عرس الخيبة كنت كل ما أشوف حلم أروح أفسره يقالي بأتزوج إيطالي من كثر النظرة التفاؤلية اللي كنت عايشه عليها

فالنهاية انكبت وكليت تبببببببن

بس أبشرك افتكيت بدري بدري بدري

وجاري البحث عن إيطالي صدقي

لأني ناويه آخذه وأهج لجزر الواق واق

يقولون فيها وظايف زينه

بس ما أدري إذا فيه وظايف للتربية الخاصة ؟

وإذا ما فيه يمدحوووون مهنة (الشحاذه) بس بذووووق

ـــــــــــــــــــــــــــ

أتمنى لكِ أحلام سعيدة يا أُختي ويا حبيبتي ويا رَيحانة قَلبي

الشيهـانه · #5 15/12/2009, 09:26 PM

دلع لحظة شوي بس بروح اتصل على مفسر أحلام بفسر حلمتس وارجع

^
^
^
^
^
^
^
^
^
^
^
دلع يقولتس اذا فستان ابيض وجزم يعني زواج قريب جدا
والعبرة بالجزم اذا انتس تتقوسينهابالحلم يعني ترددين في الموافقةعلى الزوج<<<<موكأني الفت حلم جديد

^
^
^
واذا متزوجة
^
^
^
^
^
^
^
يقول عفوا لا أود تفسيره

لأانه شكله خطيييييييييييير

,,,,,,,

مايجيتس الخطر ان شاء الله

هلاو مرحبا بدلوعة الامارات

عاد تدرين انا بصراحة
واللهي اغلب حلومي تتحقق

ويأانها بعض الايام تخووووف بعد

بس عساي ماحلمبكم قولوا امين

,,,,
والله من كثرها ماادري وش احصي منها

أقصد اللي تحققت بس تخيلي

بس المشكلة الاشياء اللي ابيها
ماتطيع تجي بالحلم

بس مشغولة احلم بخلق الله
وكأني ملزومتنبهم واخبارهم واحققها لهم اناوحلومي

,,,,,,

الاعلى طاري القمة وش صار
وافقتوا تنظمون للعملة
ولا للحين معـــاندين وتتغلون

,,,,

مشكوررة يادلع

والله
ان موضوعتس حلوووو

خصوصا حلمتس شي صراحة

تسلمين يالغلاماننحرمش منك

زعيم يعشق الزعيم · #6 15/12/2009, 09:59 PM

كنت راح اقول انك ان شاء الله بتتزوجين

بس يوم عرفت انك متزوجة.. قلت خل تفسير الحلوم لأهله

.
.

اما عن احلامي ..... انا أحلامي سواليف وحوسه

احيانا احلم حلم طويل..... اقوم احاول اتذكر الحلم ماأقدر

ماأتذكره الا اذا جيت انام مره ثانيه

اما الحلم اللي حلمته وتحقق.... فلا تعليق

عوافي دلع..

واحلام سعيده

the king yasser · #7 15/12/2009, 10:10 PM

الظاهر والعلم عند الله انك بتموتين قريب

<<<< سقها الله لا يهينك

ان شاء الله يتحقق الحلم بشي زين ومايكون العكس ان شاء الله

^ العنود ^ · #8 15/12/2009, 10:17 PM

لحد يفسر الحلم ,,

لان الحلم يقع على مايفسر قولوا خير ان شاء الله وخلاص ,,,

انا قريب حلمت اني اخذ عمره واشتري من واحد قران واهديه حق اخوي ,,

طبعا دقيت على الشيخ وقال تفسيره بتعرفونه قريب

زعيم الكل 14 · #9 15/12/2009, 10:17 PM

..

اماا الاحلام شي ثاني ..

العن حلم بالدنيا يجيي واحد يلحق بيذبحك وانت تمشي بشويش

<<<< كيف الاكشن

..

ام متعب التميمي · #10 15/12/2009, 11:28 PM

إقتباس

الرسالة الأصلية كتبت بواسطة dal3_uae


	يقولون اذا الحلم زين .. عادي قوله .. واذا الحلم مب زين تعوذ من ابليس وتفل على يسارك 3 مرات .. وقوم صلي ركعتين لله تعالى

اسمها انفث موب اتفل نعنبوا بليستس كان على اتفل فكتفي اليسار اغلس من كثر التفال

اشوى انها نفث بس

عاد تدرين انا قبل اتزوج عمري ماحلمت

ومن تزوجت كلها حلوم تروع الله يكافينا الشر

دلووووووع

معناة حلمك ان قلبك ابيض وخلي عنك تفسير الاحلام واتكلي ع ربك

ماعندنا الا وحوش تفاسيرهم تخوووف

تحياتي

marsal · #11 15/12/2009, 11:41 PM

إقتباس

الرسالة الأصلية كتبت بواسطة dal3_uae


	وكنت ابا ارمس عن القمة الخليجية .. وما تبعهااا من قرارات .. من الناحية السياسية .. والاقتصادية وبخاصة العلملة الخليجية .. وعدم رد رئيس الوزراء الكويتي لأسئلة الصحفيين .. والتأخر اللي صار في الجلسة الختامية .. ومحاولة اعادة الامارات للعملة النقدية .. وتغيير الرئيس العام لمجلس التعاون و ....... و........ و......... لكني ما بغيت اخرب موضوع الاحلام .. >> خليتي شي اصلاا ما قلتيه وبس يعطيكم العاااااااااااااااااااااافيه

بخصوص العملة الخليجية كلام في كلام كالمعتاد ولن تتحقق و لن تتوحد ..

بخصوص رئيس الوزراء الكويتي فهو تعبان والبرد ضاغط على جسمه و الكلام بالعافية يقدر يخرج من لسانه لهذا لا يلام في عدم الرغبة في الكلام ...

اما الامارات فهي تحاول ان تغطي على خسارته الكبيرة و لا تريد ان يكشف سره المالي لان العملة الموحده تعني الكشف عن احتياطك المالي و معرفة حجم العملة الخليجية ودبي سوف تنتكس ماليا مهما حاولوا ان يغيروا الحقائق وحتى الوليد بن طلال غير تصريحه و بدل من الدفاع الى الهجوم على سياسة دبي المالية

اما تغير الرئيس العام فيوم لك ويوم على جارك و الدور على البحرين وهذا من حقه ..وجايكم الدور بعدها

ولو زدتي لزدنا

وسن الهلالية · #12 15/12/2009, 11:52 PM

صراحة انا مالي في الاحلام صراحة"
"
"
"
"
" أما بالنسبة لاحلامي نصها عن الهلال واني اروح النادي واشوف اعلام الهلال
>>>>>>>>>>>>>>>كله من التسدح في المنتدى

اما النص الثاني فهو مقسم شوي اكشن والباقي احلم اني اتزوج

رنـــــد · #13 16/12/2009, 12:01 AM

.’

أهلين دلع

أي احلآم الله يهديتس مافيه أحلآم كلها جاثوم

واذا حلمت حلمت عن اشياء تخوف وش هالرعب

<- من الأفلآم الي تتابعينها

إقتباس


	العن حلم بالدنيا يجيي واحد يلحق بيذبحك وانت تمشي بشويش

انت تحس بالي احسه

والمشكله يخلص الحلم وماانمسك اخاف على الفاضي

شكراً دلع والله يعطيتس خير هالحلم ويكفيتس شره

هالرد برعاية يآلبى حآيل

بيبآي

.’

عقـل الهلال · #14 16/12/2009, 03:40 AM

أهلين دلع

كان فيه موضوع للأخت الضحى ليتك قريته قبل تفكرين تنزلين موضوعك وفيه حلمك.

تفسير حلمك ان شاء الله أنك راح تحملين أو أنك حامله اللحين بولد حلوو و راح ينور حياتك .

أما عني أنا فا ادعي ربك انه ما اشوفك بالحلم لا أنتي ولا من يعز عليك

أنا ما أحلم واجد بس كنت قديماً أشوف أحلام أن فلان توفى اقوم أقول للوالده الله يحفظها لي تقول يا وليدي الله يستر وفعلاً يتوفى فلان عن قريب أو بنفس اليوم

عوافي

لكـِ مودتي

الـمـشـاغـب · #15 16/12/2009, 06:44 AM

زمان.. يوم كنت ليّن العود وفي عز البراءة

كنت أحلم أحلام وحوش يطاردوني

المشكلة أن هالوحوش مسوين معي مسلسل

يعني يجوني نفس الممثلين ونفس طريقة التخويف والمطاردة في كذا حلم

دايم يطردوني وأنا أحط رجلي وأهرب منهم .. والقهر كل ما بعدت عنهم وأروح مكان مخفي .. ألقاهم في وجهي

كانوا مسببين لي قلق وعيا مسلسلهم يخلص

لين جاء اليوم اللي تابوا مني ولعاد شفتهم

في هذاك الحلم كانوا يطاردوني كالعادة .. وأذكر أني طلعت الدرج بأروح السطح وهم وراي ..
فجأة .........!!!!!!
فجأة وقفت وأنا مقهور وأقول في نفسي إلى متى وهم يطاردوني عيال الكلب؟

عصبت ونزلت من الدرج .. هم بس شافوني .. وقفوا ثم نزلوا يركضون من الخوف خخخخخخخخخ

قسماً عظماً ما أمزح .. هذا الحلم صحيح وهو الوحيد اللي ما نسيته لأني يوم صحيت حسيت أني قوي

ومعاد شفتهم .. بس جاو غيرهم

بالنسبة للأحلام الثانية ..
أكثر شي أكرهه .. أني أكون بطل الحلم وأقردن بطلة الحلم كم دقيقة .. ويوم أخلص من المفاوضات بعد تعب وجهد .. يجي أحد ويصحيني من النوم ههههههههههه

قسم بالله أقوم وأنا منغبن

شكراً دلع .. وإن شاء الله حلمك خير