" أيكر كاسياس تلقى الإهانات من جمهور المستايآ وكآسياس يرد عليهم + فيديو للهوشه " - نادي الهلال السعودي - شبكة الزعيم

Hala Madrid · #1 14/12/2009, 02:19 AM

" أيكر كاسياس تلقى الإهانات من جمهور المستايآ "

أثناء أجراء الاحماءات قبل انطلاق مباراه ريآل مدريد وفالنسيآ تعرض أيكر كاسياس
لشتائم واهانات من جمهور فالنسيا في المستايا , الاهانات لم تتوقف عند هذا الحد
بل استمرت طوال الشوط الثاني للمباراه ,

في البدايه قام صبي في العاشره من عمره بالتحدث مع ايكر طالباً منه قميصه بعد ان
تنتهي المباراه حيث قال الطفل " أيكر عيد ميلاد سعيد , هل أستطيع الحصول على قميصك
بعد نهايه المباراه ؟ "
حيث أبدى الطفل اعجابه بحارس الفريق الضيف .

أثناء التسخين كاسياس تفاجآ بعد أن انهالت عليه الشتائم من الجمهور وصيحآت
الاستهجان , العديد من المشجعين كانو خلف المرمى ووجهو له الشتائم وهذه
بعض منهآ " نذل , مهرج , متخلف عقلياً , غجري

"
بعدهآ اتجه كاسياس الا الجماهير وقال لهم " عليكم قبل التحدث إلي الحصول على
المزيد من التعليم , لقد فعلت ذلك قبل عشر سنوات

.
يعني تراكم مبزره

هذه الشتائم أثرت على اداء كاسياس داخل المباراه حيث تسبب بدخول هدفين
في مرماه .

AS

الفيديو بدآخل المصدر

بعد التعديل :

7

7
شيك الحين , نسيت المصدر

ღking madridღ · #2 14/12/2009, 02:37 AM

وين المصدر ؟؟

يعطيك العافيه خيوو

< بدخل بدور الفيديو ههههه

TOTTI_ALzaeem · #3 14/12/2009, 03:06 AM

اهااااااااااااااااااااااا

وانا أقول وش فيه دخل عليه اهداف سهله
اجل من الجماهير اثرت عليه الله لا يوفقهم

اهم شي اخذ الثلاث نقاط من ارضهم ورجع مدريد

عوآآآآفي

San Madrid · #4 14/12/2009, 03:10 AM

هـلا والله بـولد رابطتـنا

!
كاسيـاس هجـدهـم بـالرد

! ,, بس يـمكن عشاآآ كذا ما كان باالمستـوى امسس

كـان يفكـر بالمضـاربه بعد المبـاراة

تـرى الفيديـو مو موجود بـالرابطه

FLETCHER · #5 14/12/2009, 03:59 AM

بس واضح ان الاهانات جابت نتيجه
بغض النظر عن النتيجه لكن مثل هـ الاهداف ما تدخل على كاسياس

النسرالهلالي · #6 14/12/2009, 04:00 AM

ممكن هذا اللي أثر على مستواه !!

المفروض يتجاهلهم .. وقالوها من قبل ( الحقران يقطع المصران )

يوم راح لهم عرفوا ان الشتم والسب جاب مفعوله في كاسياس عشان كذا طول المباراة أستقعدوا له ودخل فيه هدفيين بايخه!

لاهنت يابطل ومبروك لـ الملكي

Valdano · #7 14/12/2009, 04:55 AM

جمهور قذر لابو من جمعهم

, اجل كاسياس غجري هههههههههههه حلوه .

اتمنى من كاسياس ماعاد يتأثر بـ أمور تافهه زي هذي ,

يعطيك العافية يا أبو شنان .

تشلساوي2050 · #8 14/12/2009, 05:48 AM

المهم الريااال
فااااو
بالتوفيق للريال

رساوي برساوي · #9 14/12/2009, 07:08 AM

هالغجري ذا

الا على طاري غجري .. وش معناتها ؟؟

ஜ ₣ ฮ เ ṥ λ Ŀ ஜ · #10 14/12/2009, 07:45 AM

من احد اسـباب انخفـاض مستـوى كـاسياس هـ المبـاراة الجمـهور << صـرف يـا مصـرف

كـاسيـاس خبـرته كبـيرهـ جـداً مفـروض تـصير عـنده منـاعه مـن مثل هـ الجمـاهير !

عوافي زيـد

MiLAN LoVeR · #11 14/12/2009, 08:19 AM

خخخخخخخخخخ اجل هم الي أثرو عليه

اما رد ايكر عليهم

شكراً زيد

ahmad919 · #12 14/12/2009, 09:17 AM

ً

خخخخخخخخخخخخخخخخخخخخخخخخخخخخخخخ
عليه شكل و هو يهاوش هالجحلط

المفروض مطنشهم .. ولاكأن فيه سملق وراه يصارخون

بس عادي متعود المستايا متعوده

جمهور آل قذر

بس وش يبي بسالفة قبل عشر سنوات ..؟؟ وش قصده يعني

أنه يوم كان ورع كان يهايط على الحراس زي كذا

ولا وش ؟؟

عوافي زيد

~~

بكل تقدير هلالي · #13 14/12/2009, 09:17 AM

هههههههههههههههههههههه

الاساءة من اي جمهور تحدث

أسيــ الزعيم ــر · #14 14/12/2009, 10:52 AM

ما قالوا شي غلط <

شيء عادي و طبيعي تصير من الجماهير .. لكن هالمرة كبرت برد كاسياس عليهم .. ياما شفنا أشياء اكبر من نذل و مهرج و لا تكبرت إلا في بعض الحالات مثل حالة دروجبا مع جمهور بيرنلي الموسم اللي راح

لاهنت يا زيد

KROUSME · #15 14/12/2009, 11:42 AM

مع اني برشلوني

لكن كاسياس ما يستاهل ..