انا يا سمو الامير .. أطالب بمهاجم أجنبي - صفحة رقم 2 - نادي الهلال السعودي - شبكة الزعيم

الموهوب · #1 13/12/2009, 05:10 PM

صراحة .. بعد مباراة الهلال والاتحاد الخماسية ...
توقعت .. بل تأكدت بيني وبين نفسي ان المطالبات بالمهاجم الأجنبي ستختفي ..

وستظهر قصة جديدة غير المهاجم .. من الجمهور اللي اسميه جمهور " ما يطلبه المستمعون "...

لكن اللي قاعد اشوفه .. وماني مصدقه ...

لا زالت مطالبات الجماهير بمهاجم أجنبي مستمرة .. وكأن أولئك يعيشون على ظهر كوكب آخر !!
أو كأنهم يشجعون هلالا غير ذاك الهلال الذي احرز 33 هدفا ... 16 هدف تم احرازها في الشوط الاول و 17 هدفا في الشوط الثاني !!!

ايقنت الان .. ان هؤلاء القوم .. لن يسكتوا عن هذا الموضوع مهما حدث ...
اذا أداء الهلال مع نهاية الدور الاول من الدوري غير كاف

والله لن يقنعهم حتى لو احرز الهلال الخمس بطولات هذا الموسم .. وليس الخمس اهداف في الاتحاد!!

هؤلاء القوم .. إما انهم

1- مندسين ويريدون زعزعة الفريق .. أو
2- مجانين .. أو
3- متزمتين ومعاندين ولا يستمعون الا لأنفسهم ... أو
4- ما يفهمون كورة ... ويدعون انهم يفهمون كورة !

عشان كذا

انا من هنا أطالب الامير عبدالرحمن بن مساعد بإحضار مهاجم اجنبي .. حتى لو يكون معتزل ... ويا حبذا يكون افريقي يروّع .. وما يعرف وش معنى ابتسامة ... وياليت يكون شرس بعد ..

ونضيفه مع المحترفين اللي عندنا ويصير عندنا خمسة محترفين ...

لكن هذا المهاجم ما نسجله في لجنة الاحتراف ..

اقترح نخليه يتمشى في النادي ..
ويحضر المباريات مع الجماهير ويصور مع هالنوع من الجماهير ونعطيه راتب ..
ومهيب بعيدة هالجماهير يصوتون له وهو مايلعب .... وممكن نستخدم هالمهاجم عشان يتفاهم مع الجماهير اللي تزودها اكثر من اللازم في الانتقاد اللي مايفيد ...

المهم نجيب هاللاعب وبس ... عشان نفتك صراحة ...

ترى يا اخوان الاصرار على نقد معين .. على الرغم من وجود الكثير من المؤشرات اللي تثبت خطأ النقد .. يعتبر حماقة ...
وأي حماقة ؟؟؟
حماقة خالف تعرف ...

لو استمرينا على هذه النقطة في النقد .. صدقوني ما راح نطور فريقنا ... بالنقد الهادف الحقيقي ..

يوجد في الهلال بعض الاخطاء غير موضوع المهاجم ...

عندنا مشاكل اخرى ما زالت صغيرة وبحاجة الى النظر فيها ...

مثل
مشكلة الظهير الايمن .. ترى الكوري مهوب قاعد لكم طول العمر ... وترى عقده على ما اعتقد اعارة !
نحتاج حلول جذرية وليست مؤقتة ..

ما عندنا ياجماعة بديل حقيقي للدعيع ...

عندنا مشكلة راح نعاني منها لو أصيب الزوري مثلا ..

خلاص .. ماعاد فيه نقد الا المهاجم الاجنبي ؟؟؟

ترى والله انا ملينا وزهقنامن كثر تكرار مثل هالنوع من المواضيع ...

ياخي الاتحاد .. والنصر والاهلي والاتفاق والشباب ....... وكل الفرق تقريبا ..
عندهم مهاجم اجنبي ؟؟

رح شجع واحد منهم وخل نرتاح من ذا الاسطوانة الفارغة ... اللي قاعدة تنعاد بإسم النقد .. وحرية الراي ...؟

بالشمع الأزرق

* مباراة القادسية القادمة .. مهمة جدا لاتقل اهمية عن مباراة الاتحاد .. لانه هي الحلقة التي ستربط سلسلة لفوز المتكررة ..
* خاض الهلال اختبار الدور الاول .. واجتازه بنجاح وحقق نسبة 92% بسبب التعادلين مع النصر والشباب
* الدور الثاني .. لابد ان يكون جديد وليكن هدفنا .. الوصول الى النقطة 50 بدون اي هزيمة ...
* الشباب هو الملاحق الحقيقي حاليا للهلال .. ولكن ما يميز الشباب انه من الممكن ان يتلقى الخسارة من الوحدة او الفتح او الحزم او الاتفاق ... وهذا الشيء غير موجود في الملاحق القديم الاتحاد ..
* مشكلة ياسر القحطاني الوحيدة .. هو ان ياسر في السابق كان يعتبر اي فرصة تصل اليه هي الفرصة الوحيدة ويجب التعامل معها بجدية جدا ... الان ياسر نوعا ما ... يتعامل مع الفرص بنوع من التراخي على اعتبار ان الفرص الاخرى قادمة واذا ضاعت هذي الجاي اكثر ... ولكن يظل ياسر اللاعب الذي لايمكن لعاقل ان يضعه الا في الاساسي ..
* سامي الجابر .. يقوم بدور الطبيب النفسي بالاضافة الى ادارة الفريق .. فهو يتعامل مع كل التصاريح بحذر .. شديد ويعرف ما يقول ..
* بعد خمسة الهلال في الاتحاد ... الهلال قادر على تحقيق خمسة من نوع اخر ... وهي خماسية الموسم والخمس بطولات .. بطولة الامير فيصل وبطولة الدوري وولي العهد وبطولة خادم الحرمين وبطولة ابطال اسيا ..
ما اشوف انها صعبة على الهلال ولا اشوف انها معجزة لو تحققت ..
لان الهلال قادر على ذلك ... لوأراد ...