اسألكم بلله ... احد يروح معي تكفون ..؟؟ - نادي الهلال السعودي - شبكة الزعيم

ماجد الدوخي · #1 12/12/2009, 08:29 AM

بلا نصر .. بلا وجع قلب

لا احد يجي لو سمحتو يقول مباراة النصر اليوم مهمه ..
لا مباراة اليوم ولا غيرها .. مع ذا الفريق
ولا احد تكفون يبارك لي الليله .. بفوزنا بمشيئة الله عليهم ..
لأنه عادي واقل من عادي .. اي نتيجه معهم .. فوز .. تعادل .. خسارة
خلاص ملينا .. وتعبنا .. وهم عشان يبينون انهم مهمين يتحدون كل مباراة ...
ويحطون روسهم بروسنا يعني شوفونا ..
يااخوان .. يا زعمـــاء ..
عشان ابين لكم ان مباراة اليوم ماهي مهمه ...
احد يروح معي ... للحلاق ... اليوم الساعة ... 7:40 المساء ...
وياليت ادارة النادي تلعب اليوم معهم .. فريق كرة الطائره
ويريحون لعيبة القدم ..

●|| Ŧσṕ · #2 12/12/2009, 08:45 AM

ههههههههههههههههههه

بس ... لا يوديك الغرور بعيد

ترى فوزنا اللي رااح بالخماسية

كله على بعضه ثلاث نقاط

تحيآتي

وجد الزعيم20 · #3 12/12/2009, 08:53 AM

إلا الغرور
ياخوفي ننهزم اليوم
/
تكفون ياأخوان جمهور الزعيم ماتعود على كذا
أرجوكم لانتشمت ولانغتر

كبريائي صمت · #4 12/12/2009, 08:55 AM

ماذا حل بك استاذي

لاتستهين بأحد فالقوي الله ... ولا غيره قوي

لاتاخذك العزه بالاثم

فالنصر يستجمع قواه لهذه المباراه

نتمنى ان تكون فهمت الدرس

ZAEEMKOM · #5 12/12/2009, 08:57 AM

انا ودي احلق بعد ..

وش رايك نتخاوى...؟؟

بس بعد المباراة ...

تحياتي..

بكل تقدير هلالي · #6 12/12/2009, 09:03 AM

هههههههههههههههه

مهما يكون لازم احترم الخصم

لا ما ابغى اروح

ماجد الدوخي · #7 12/12/2009, 09:39 AM

تكفون ...
لا احد يفهم غلط ..
الي ابغى اوصله لكم ان النصر لم يعد منافس
مثله مثل باقي الفرق التي تستأسد امام الزعيم
وفوزهم او تعادلهم معنا بطولة بالنسبة لهم ..
فالمفروض .. ما .. نعطيهم اكبر من حجمهم ..
ومن فريقه الزعيم .. لا بد ان يثق .. ولا يخاف ..
ويغتر ايضاً ..
للجميع تحياتي

أبوفيصل511 · #8 12/12/2009, 09:49 AM

بتووووفيق اليووم لنادي القرن ...............

تايفون الهلال · #9 12/12/2009, 10:17 AM

إقتباس

الرسالة الأصلية كتبت بواسطة لاعب محور


	تكفون ... لا احد يفهم غلط .. الي ابغى اوصله لكم ان النصر لم يعد منافس مثله مثل باقي الفرق التي تستأسد امام الزعيم وفوزهم او تعادلهم معنا بطولة بالنسبة لهم .. فالمفروض .. ما .. نعطيهم اكبر من حجمهم .. ومن فريقه الزعيم .. لا بد ان يثق .. ولا يخاف .. ويغتر ايضاً .. للجميع تحياتي

اي غلط ياحبيبي لا لا لا خذ راحتك على الاخر وكلامك لايتغير
هذي الكوره شي طبيعي ناس تنافس وناس تتمنى تسوي شي ولاقدروا
ورده فعلك طبيعيه ياخي ومافيها اي تصنع ولك حق بكل الي قلته

على فكره وين تحلق اخوي

ابراهيمفيتش · #10 12/12/2009, 11:02 AM

بتووووفيق اليووم لنادي القرن صحيح مباراه اولمبي لكن لازم نفوز او نتعادل عشان نضمن التأهل