|
من هنا المطالبة بإعانة للبطالة::::: السلام عليكم ورحمة الله وبركاته كلنا نعرف كثر البطالة عندنا سوى كان ذكور او اناث والبيت الواحد يكون فيه اقل شي ثلاثة او اربعه عاطلين متسدحين بالبيت لاشغلة ولا مشغلة مهو بكيفهم اكيد مافي وظائف تلبي طموحاتهم كاشباب سعوديين يفكرون بمستقبلهم والواحد يتعدى عمره 30 سنة ماتوظف وحتى لو يبي يتوظف بعد العمر مراح يقدر يجمع نفسه عشان يتزوج او يشتري له سيارة لطالما حلم به او سكن يفكر به وتكثر المشاكل بسبب البطالة والأمثلة كثيرة مايحتاج اقوله الكل عرفة واذا مافي وظائف على الأقل يصرفون اعانة بطالة 10000 ريال كل 6 شهور او20000 كل سنة طالما الواحد عاطل تتم بدراسة واضحة ومن هنا نطالب خادم الحرمين الشريفين وولي عهده والنائب الثاني من ماعهدنه منهم بمرعاه ظروف المواطنين بأقرار الطلب ... بانتظار ردودكم وأرئكم |
انا ارفض المطالبه .. لما يجي واحد طول ايام الدراسه يتسدح في الفصل ويغيب وينوم ويتخرج بنسبه 60 مايستاهل إلا انه يساعد الشغاله في البيت .. ومن هذا المبدا ارفض الأعانه لو كانت مبلغ زهيد .. |
أنا مع الاعانة وبقوة خصوصا للشباب لان الشباب حاجتهم لهالمصروف اكثرمن البنات من وجهة نظري مع اني بنت بس من واقعي اشوف البنات دايم مكفولات مايقاسن ابدابحاجة الشباب الحين اذا جت وظيفة للشباب طالبين 30 والمتقدمين 500 ذولا بالله الباقين وين يروحون شباب بكامل نشاطهم وقوتهم كذا يحطمون اكيد بيفكرو ن بالمشاكل والجرائم يشغلون انفسهم وهالمشاكل اللي نشوفها بكثرة من تالي خصوصا حوادث السرقة والقتل والمخدرات وغير من الجرائم الا من افرازات البطالة لو تم صرف راتب شهري ولوبسيط لهؤلاء العاطلين اكيد ماراح يوقفون عنده وماراح يعتمدون عليه كليا بس بيصير لهم مفتاح ودافع يدخلون فيه شوي شوي مجال الاعمال الحرة وبيقدرون يكونون انفسهم للزواج وغيره من انفسهم ,,, وجهة نظر بنيتهامن واقع اللي اشوف سواء بالصحف اليومية اوبالتقارير التلفزيونيةعن العاطلين وقصصهم وظروفهم اللي يواجهونها:cry: ,,, تقبل مروري:rose: |
إقتباس:
و الله انا من المؤيدين لك و بقووووووه .............اذا الشعب ما استفاد منو اللي راح يستفيد ؟؟؟؟؟؟؟؟؟؟ الشطاره و التقدير مالها دخل بهذا الموضوع .........اللي متخرج بنسبه كويسه و توظف ......نعمه من الله ليش يحسد غيره العاطل على شويه 10000 كل سته شهور يفتح فيها مشروع او ياخذ دورات بدل التسدح بالبيت ............. المتوظف راح يكون مستقر ماديا و نفسيا اكثر من العاطل اللي راح ياخذ 10000 كل سته شهور لانو ممكن انها تخلص بيوم واحد ..........يسدد ايجار و كهرباء و يصلح سيارته اللي خربانه من سته شهور و يسدد ديون و المتوظف متاكد انو يوم 25 راح يستلم راتب و الشباب هم كنز الدوله اللي اذا ما استفادوا منه راح يدمر نفسيا و يصير ماله فايده و النفس اذا ما انشغلت بالطاعه راح تنشغل بالمعصيه الهدف هو اخراج شعب سليم فكريا و معنويا و اظن الماده لها دور فاعل في هذي المسأله و الله حرام 16 سنه دراسه و بعدين كم سنه عبال ما يجي التعين و يمكن ما يجي :cry: |
| الوقت المعتمد في المنتدى بتوقيت جرينتش +3.
الوقت الان » 04:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd