..~{ لاليغا }~.. برشلونة يفوز بالديربي بـ بلنتي لايبرا و يطير لبوظبي .. و الريال بغياباته يرجع من المستايا بثلاث نقاط و إصابة .. تقديم - متابعة .. - صفحة رقم 5 - نادي الهلال السعودي - شبكة الزعيم

PUYOL Carles · #61 12/12/2009, 10:58 PM

إقتباس


	وش قاعد يسوي المجنووون . اقسم بالله اداء خيالي ماقد شفت مثله من زمان صدق لـ قالوا لك لاعب شايل فريق . كل هذا وعمره 16 سنه بس . اللي ماشاف المباراة انصحه يشوفها إعادة

اللي يقهرني فيه .. انك تشوف وجهه في الصوره .. تقول وش ذه .. شكله كخه ومن النوع الا يمشي جنب الجدار ولو تضربه على راسه بيضحك ضحكه عبيطه في وجهك

.. بس ابن اللذينه مومعقوله طريقة لعبه ..

الله يحميه من الاصابات

[ رحــال ] · #62 12/12/2009, 11:00 PM

يعطيكم العافية شباب ع التفاعل

الشوط الأول للبرشا واسبانيول
FCB 1 / ESP 0
39 Ibrahimovic "pen "

BIL 2 / ZAR 1

تو انتهى متش بلباو وفازوا وكالعادة البيبي فيس مونيان يبدّع

وشكل جارسيا مدرب سرقسطة بيُقال .. الجمهور زعلانين عليه ولاعنين خيّره

بإنتظار سهرة الليجا

ويعطيكم العافية يالمشرفين ثبّتوه

BARCELONISTA · #63 12/12/2009, 11:12 PM

إقتباس


	خساير في عينك .. مآلك لوا يـ الحبيب .. الفريق ما خسر في الدوري الا مباراة وحدة وكانت على ملعب خيتافي

الله يسلمك

خلاص ما خسر الفالنس ع آرضه ما فيش مشاكل

بس المهم انه ما فاز إلا مرتين

و الباقي تعادلات

!

إقتباس


	برشلونيستا يالغالي انا اتكلم عن فالنسيا خخخخ شكلك مضيع

و آنا آتكلم عن خيريس

؟ المهم اقرى الكلام اللي فووق

!

و الله يهنيكم بـ فيا

إقتباس


	وش قاعد يسوي المجنووون . اقسم بالله اداء خيالي ماقد شفت مثله من زمان صدق لـ قالوا لك لاعب شايل فريق . كل هذا وعمره 16 سنه بس . اللي ماشاف المباراة انصحه يشوفها إعادة

شفت آغلب المباراة ، البزر ذا له مستقبل و مثل ما قال حسون الله يحميه من الآصابات

، قسم مو مصدق آن عمره 16

!

بـ التوفيق لـ الفريق في الشوط الثاني

بآنتظار القمة

زعلوهـ · #64 13/12/2009, 01:02 AM

وش هالحظ الخايس

عطونا نص حظ برشلونه وابشرو بالبطولات

اربع اهداف تضيع سلام سلام للريال وهدف لفالنسيا

هذي المفروض نتيجة الشوط الاول

الريال مقدم مستوى بطل الى الان

الجمهور متوتر ولا ادري على وش ؟

حمير هالاسبانييين على كل شئ يحتجون

بيبي يكمل فريق ريال مدريد بي ، بغرفة العلاج

يا ناس وش هالاصابات ، عين ما صلت ع النبي

كاكا ، الرود ، ميتزيلدير ، جوتي ، والحين بيبي

العن ام الحظ اللي كذا

البنز

مصلح شغل خيالي بدفاع فالنسيا

نبي شوية حظ ونفوز

يالله بالتوفيق لنا

الزعيم بقلبي · #65 13/12/2009, 01:18 AM

الريال يسجل هدف من هيقوين وفالنسيا يعادل عن طريق فيا
ويتكرر السيناريو ويسجل الريال هيقوين ويعادل فالنسيا خواكين

ويستمر الشوط المجنون ويسجل غاراي اللي ماعرفه صراحتن

هدف موب بالصدفه ابد

و5 دقايق على النهايه

N.ROOY · #66 13/12/2009, 01:58 AM

طيب ليش فالنسيا ما يملك سلطة مدريد ..

يله هآردلك .. الفريقين قدموا مباراة حلوة استمتعنا فيها .. والله اني استحي اطلب ذا الطلب بس اللي يقدر يوفر لقطة الهدفين حقات فالنسيا اللي حسبت تسلل الشوط الاول لـ بآبلو و ماتا عشان نتأكد بس .. شيء في النفس ولا الريال يستاهل الفوز عطفا ً على مستواه

يقولون بلنتي ابرآ وآيمآكس

Valdano · #67 13/12/2009, 02:02 AM

فوز مابغى يجي لان الحظ معنّد معنا , لو الامور ماشيه في طريقها كان الريال طالع بنتيجة حلوه .
لعيبة الريال الشوط الاول كانوا ابطال خصوصا الدفاع اللي غبن لعيبة فالنسيا بالتسللات .
الشوط الثاني الريال مايحتاج اتكلم عنه الكل شاف وش سوى , ولو اني عاتب على كاسياس شوي .

على العموم مبروك لـ ابناء مدريد

قفلة برعاية :- انا المخضرم .

{ انهو الريال اللذي يساوي كريس واذا مالعب كريس يضيع الريال, ماشاء الله عليه اللي قال الجمله هذي عنده نظره فنيه ثاقبه هههههههههه . }

الأمبراطور · #68 13/12/2009, 02:09 AM

هآرد لك ..

مبروك للمدريديه ..

//

أخطآء ( الحكم ) + أخطآء الدفآع وسيزار .. سبب الخساره !

Z I D A N E · #69 13/12/2009, 02:19 AM

مالجديد ؟ فزنا على فالنسيا بالمستايا بالخمسه !
فزنا على فالنسيا ونحن متاخرين بهدفين وبـ 9 لاعبين

!
تعودنا على سوء الظروف ، الريال يسير بشكل ممتاز !
بالرغم من شبح الاصابات المخيف الذي يداهم نجوم الريال واحد تلو الاخر !
واخرهم الصخره البرتغاليه بيبي !
مبروك الفوز الرائع ، امام الجمهور القذر !
نجوم المباراه بنظري / البيول ـ تشابي ـ بنزيمه ـ فارت ـ راموس !
وقليلاً من هيجواين ، وبعضاً من لاسانا !
ثمّ هل تصدقون أنني لم اشاهد فيا ، الا عندما احتفل بهدفه !
حيثُ اني توقعته غائب للاصابه !
وصعقُت باسمه يقتحم اللائحه بالرغم اني لم اشاهده !
بركاتكم يا بيبي و البيول و جاراي

طمنونا عن بيبي

إقتباس


	قفلة برعاية :- انا المخضرم . { انهو الريال اللذي يساوي كريس واذا مالعب كريس يضيع الريال, ماشاء الله عليه اللي قال الجمله هذي عنده نظره فنيه ثاقبه هههههههههه . }

ههههههههههههههههههههههههههههههههههههههههههههههههههههههههههههههه

الله يعوضنا في بيبي { 5 } شهور

!

King Aziz · #70 13/12/2009, 02:26 AM

مباراة مجنون بين الريال

و فالنسيا
خصوصاً الشوط الثاني ...

الزبدة الريال استحق الفوز ,,
الحكم كان سيىء جداً لكلا الطرفين ,,
جمهور فالنسيا لو يزلق لاعب زاعقو

,,

لي عودة ..

تحياتي

..

زعلوهـ · #71 13/12/2009, 02:28 AM

البنز قسم يذكرني برونالدو

الريال كان يستحق الفوز من الشوط الاول

بس الحظ كان معانده

الاهدف كلها يتحملها كاسياس

بيبي خلاص الظاهر الى نهاية الموسم

مبروك مدريديه

هاردلك فالنساويه

إقتباس


	قفلة برعاية :- انا المخضرم . { انهو الريال اللذي يساوي كريس واذا مالعب كريس يضيع الريال, ماشاء الله عليه اللي قال الجمله هذي عنده نظره فنيه ثاقبه هههههههههه . }

انها الخضرمه هههههههههههههههههههههههههههههههههههههه

الولد ما يلعب

محب الذئب9 · #72 13/12/2009, 02:32 AM

مبروووك فوز برشلوونة ..

--
مبروووك للريالين هاردلك فالنساوية
الريال لعب صراحة كويس كويس

واستحقو الفوز محمد ماني متاكد 100 % بس اظنها تسلل الحالتين كوووولها

خصوصاً تسلل بابلووو .. بلنتي برشلونة صحيح

وخلك في فريقك بسس

--

برشلونة 15 مطششش بدون هزيمة

لاخر الدوري ان شاء الله

Hala Madrid · #73 13/12/2009, 02:37 AM

مبروووووووك الفوز ,
أستحقينا الفوز من بعد الدقيقه 20 لاننا سيطرنا على الكوره وهاجمنآ وشكلنا خطوره
الا نهايه المباراه , اول 20 دقيقه اعجبني الفريق فيه تحفظ وبطئ باللعب صعبه انك
تلعب سريع وانت بملعب مثل كذا وقدام فريق متحمس , امتصينا حماسهم وخليناهم يهدون
غصب عليهم , سيرنا المتش على الي نبيه وشيء يحسب لمانو والاعبين ,
الدفاع ككل الا أربيلوا كانو ممتازين , الاخير له كم متش ما اعجبني , فارت البنز
هيجواين وألونسو قدمو مباراه كبيره يستاهلون الاشاده

,
الأفضليه لألبيول بنظري كتم فيآ 90 دقيقه الا الخطآ الي جاء منه هدفهم الاول ,
على العموم الخطآ ما يعني أنه ما يستحق الافضليه ,
الاسوآ كاسياس وأربيلوا وبدرجه أقل لاس .
ألونسو ما راح يلعب المتش الجاي على ارضنا لانه اخذ الكرت الخامس .

بدون كآكآ وكريس .. درسنآ فالنسيا تدريس

..

مشاكس هلالي · #74 13/12/2009, 02:40 AM

هذا النكبه اللي انلعب علينا به ؟!خخخخخخخ , والله يا حجر فيا حجر , وين اللي مقلقنا من تعاقدنا معه انه نكبه وسبهه والاهداف من جهته اليوم هاه ههههه!!!

.

ابودحه الهلالي · #75 13/12/2009, 02:42 AM

عيب والله عيب

..
كـ العادة برشلونه إذا كان في يومه فاز وطقطق ..
وإذا ما كان في يومه الاتحاد الاسباني ما يقصر وبلنتيات الواي فاي ما تقصر برضو

..

إقتباس


	قفلة برعاية :- انا المخضرم . { انهو الريال اللذي يساوي كريس واذا مالعب كريس يضيع الريال, ماشاء الله عليه اللي قال الجمله هذي عنده نظره فنيه ثاقبه هههههههههه . }

ههههههههههههههههههههه
ما تدري انت هذي نظرة ( خضرمية

) ما تطلع الا من لسان واحد فاهم كورة

..
100% هـ الانسان منتب شايفه اليوم وراح يتخفي في ظروف غامضة

..
خابر يمكن عندها نظريات مخضرمه يقولها في رابطته