|
الـمـشـاغـب ينضم للجيش السعودي ويحصل على رتبة مناضل شهيد أول ..! بسم الله الرحمن الرحيم صبّحكم الله بالرضا والعافية :smilie47: قبل قراءة الموضوع أتمنى أن تتقبلوه بنفس طيبة كما كتبته بنفس طيبة وبدون فهم خاطئ للموضوع .. وشكراً :ga: مدخل رومانسي : قال لي المحبوبُ لما زرته ُ من ببابي؟ قلتُ بالبابِ أنا قال لي أخطأتَ تعريف الهوى حينما فرّقت فيما بيننا ومضى عامٌ فلما جئته ُ أطرُقُ البابَ عليهِ مُوهنا قال لي من أنت؟ قلت افتح فما ثَمّ إلا أنتَ بالباب هنا قال لي أحسنتَ تعريف الهوى وعرفتَ الحبّ فادخل يا أنا :smilie47::smilie47::smilie47: القصة : منذ نعومة أظفاري وأنا شخص هادئ مسالم كسول وصاحب مبدأ .. ما عمري دخلت في مشكلة مع أحد حتى لو أخذ حقي :) أذكر مرة من المرات كنا نلعب كورة بالمدرسة وكنت الحارس فجاء فيني هدف سهل .. جاني كابتن الفريق وعطاني كف طيحني على وجهي .. :( أخوي الصغير عصب وتهاوش مع الكابتن لين خلاه يصيح :laugh:.. ويوم خلصت من التفرج على هوشتهم رحت أبلغ عليهم المدير :smilie47: نعم .. تقدرون تضيفون على صفاتي اللي فوق صفة ( النذل ) :s2: مرّت السنين وتخرجت من الثانوية بنسبة تفشّل رغم مذاكرتي الجادة .. كل هذا بسبب زميلي جابر اللي كان يجبرني أكتب الإجابات على ورقة الامتحان بدون اسم .. ولما أخلّص ياخذ ورقتي ويحط اسمه ويعطيني ورقته الفاضية ولا يسعفني الوقت حتى أكتب كل الإجابات :( وعلى العكس مني .. نجح أخوي هاشم بتقدير امتياز ودخل جامعة الطب .. وأنا قعدت في البيت مثلي مثل أي درج فيه :( كان كل هذا له تأثير كبير في معاملة أهلي لي .. ودائماً يقارنون بيني وبين أخوي الناجح رغم أني أذكى منه بشهادة الجميع :( طلبت مرة من أمي تخطب لي بنت الجيران لكنها رفضت لأني عاطل .. فكّرت أشتغل لكن كل الوظايف بمكتب العمل رواتبها قليلة وما تلبي طموحي.. فكّرت أشتغل في تهريب المخدرات أو السلاح لكن للأسف هالمهنة غير معترف فيها في بلدنا ولا راح يزوّجوني ..! يئست من الزواج وقلت خلنا الحين نمشيها مثل الناس وبعدين يحلها الله :s2: وفعلاً حلّها الله سبحانه :smilie47: في صباح يوم جميل لقيت جريدة الوطن على الكنبة .. ولقيت الخبر الجميل بالبنط العريض : ( الحوثيون يعتدون على حدود المملكة ) :ga: ركضت بشدة لماما وبابا وأنا بطير من الفرح : أنا : يمممه يبه أبشركم الحوثيين بيحتلون المملكة .. شوفوا الجريدة :smilie47: أخذ أبوي الجريدة وشافها ثم رفسني في بطني وقال : يالأثول هالجريدة لها أسبوع توك تشوف الأخبار؟ :mad: قلت وأنا أتلوّى من الألم : طيب وإذا لها أسبوع؟ يعني لازم تقضي على مستقبلي الرجولي بهالرفسة؟ :( قال : يا اللي ما تستحي ترى أمك موجودة وبعدين أنا رفستك في بطنك لا تقعد تتبلاني وتتعذر بي اذا ما طلعت رجال ..! :s2: جريت أذيال الهزيمة وانسحبت لغرفتي محطّم الكبرياء :( دخلت الانترنت وبحثت عن أخبار الحوثيين حتى أستغل هذا الخبر السار أحسن استغلال وأرفع راس أهلي قدام منال بنت الجيران s9s:smilie47: قررت الانخراط في السلك العسكري كمتطوع للدفاع عن أرض هذا الوطن الغالي اللي يا ما أكلنا من ترابه لين ما قلنا بس :smilie47: أخبرت أمي وأبوي بقراري الاستراتيجي والمهم واللي راح يقرر مصيري في هالحياة :smilie47: وافقوا بشدّة وشدّوا من أزري حيث أن المتطوعين في حرب الخليج حصلوا على رواتب مدى الحياة رغم أن أغلبهم ما أطلق ولا رصاصة ..! رحت للجيش السعودي وقدمت بياناتي والصور المطلوبة .. تمت الإجراءات بكل سلاسة فيما عدا الكشف الطبي حيث أني رفضت نزع ملابسي في البداية ولكن بعد إلحاح لم أستطع مقاومة نداء الوطن :s2::smilie47: تم تسجيل اسمي وقالوا لي رح بيتكم وإن احتجناك راح نناديك :rose: رجعت إلى البيت ومعي صورة مكبرة باللباس العسكري ومكتوب عليها : " المناضل الشهيد سلطان أبوشغب " :smilie47::s2: فرحوا بي أهلي وكبرت في عيونهم .. حتى منال صارت تدق على بيتنا كل شوي تبي مرة ملح ومرة توابل ومرة أبوجوانح :s2: حسيت بيتنا بقالة :s5s: وأهل منال جاو بيتنا وطلبوا يدّي من أهلي s9s بس أنا قلت عطوني فرصة أفكر s9s:smilie47: حسيت وقتها بطعم الحياة :smilie47: حتى أخوي هاشم صار يغار مني بعد ما سحبوا عليه العالم سيفون :s5s: صار الكل يتقرب لي ويطلب ودي .. حتى صرت في الحارة مثل الملك على غابة حمير :s2::smilie47: أعجبتني العيشة حتى أني أنام وأصحى وأنا لابس البدلة ومعلق عليها نجمتين من ( قص وألصق ) :s2: إلى أن جاء ذلك اليوم وتم استدعائي للذود عن حياض هذا الوطن المعطاء :( حاولت أسحب عليهم وأتعذّر لهم أني صاحب مبدأ وأحب السلم وضد العنف والكراهية .. لكن لا حياة لمن تنادي وهددوني بالمحاكمة العسكرية :( علّمت أهلي وودعوني ووصاني أبوي أن أحط رجلي أول ما يحمى الوطيس لأن الوطن على قولته هم الأسرة فالأقارب فالأصدقاء وهكذا أما هالوطن وش نبي به إذا متنا؟ :) << راح أبوي في خرايط أمها مع الحكومة :s2: المم أني ذهبت للقتال مكرهاً كاتباً وصيّتي وحاملاً كفني :(:smilie47: وصلت للجيش وعطوني سلاح حقيقي بعد ما درّبوني عليه .. في البداية كان الوضع آمن ولا فيه أي اشتباكات بين الجانبين .. وهذا اللي ريّحني ..! بدأت أتعرف على الجنود وبشكة الضباط وكنا نسولف سوالف ودّية :smilie47: في ( خضمّ ) هالسوالف سألوني عن اسمي الكامل .. قلت سلطان أبوشغب .. قالوا .. كمّل .. قلت سلطان مساعد مصطفى بن لؤي بن كمال أبوشغب ..! قالوا .. لا اسمك اللي بعد أبوشغب؟ يعني وش ترجع له؟ :) فهمت قصدهم خصوصاً أنهم من قبائل معروفة ولها صيت .. فـ خفت أن أقول لهم أن آخر اسمي هو أبوشغب فيحتقروني ولعاد يسولفون معي مثل كذا ..! فاضطريت أكذب عليهم وأقول لهم أني أرجع لقبيلة " السلموني " المشهورة ..! ما خلصت الكلمة إلا وهم يصدحون بكلمة " ونعم " وقام بعض السلمونيين بضمي والترحيب بي بينهم :s5s: شفت بعض الجنود اللي كانوا معنا انسحبوا بهدوء .. وبعدها صار الكل يتحدث عن مفاخر قبيلته وعن غزوهم للقبايل الأخرى وقتلهم وأخذ حلالهم .. وكنت وقتها أتبسم بهدوء خايف ينتبهون أني منب فاهم ولا حاجة :s5s: زاد الكلام وصار البعض يقدح في قبيلة الآخر ويكذبه ويذكره بغزوات قبيلته ضد قبيلة الآخر .. وفجأة جاء سؤال من واحد من قبيلة السلمونيين وجهه لي يقول : علمهم يا سلطان وش سووا أجدادك من ال أبوشغب ومن السلمونيين :yes::smilie47: بصراحة سؤال ما كان في محله لأني خايف أتكلم ويهاوشني أحد منهم :( بعد الحاح من السلمونيين الله لا يجزاهم خير توكلت على الله وحاولت أقول حل وسط .. قلت : حنا جدنا أبوشغب كان من ضمن المجاهدين في فلسطين وشارك في حرب 48 .. وآبائي شاركوا في حروب 67 و73 واستشهدوا :smilie47: توقعت أن أثير اعجابهم .. لكن بدا عليهم عدم الرضا وقالوا بأن هذا ما هو دليل الشجاعة ..! وسألوني عن غزوات أجدادي ضد القبائل الأخرى .. قلت : أجدادي كانوا مسالمين لا ياخذون حق أحد ولا يقتلون أحد بدون سبب .. ولا يعتدون على البيوت الآمنة ويسرقون إبلها وغنمها ..! ضحك كل الحاضرين حتى أبناء عمي ( المزعومين ) ضحكوا من كلامي واعتقدوها مزحة جميلة ..! ضحكت أنا بعد عشان ما يزعل مني أحد أو أدخل في مشاكل .. واستاذنت منهم على وعد بأن ( أنكّت ) لهم مرة أخرى ..! :) في اليوم التالي تم استدعاءنا للمشاركة في الصفوف الأمامية .. بدأت المواجهة ورأيت الرصاص والدم والقتل على الطبيعة ..! تيبست أقدامي وما قدرت أحركها .. قمت أناظر يميني ويساري وأشوف الجنود يموتون وآخر كلامهم ( ابن سلمون ) أو مثله .. كنت أتمنى أشوفهم وآخر كلامهم الشهادتين والله المستعان ..! وأنا أتفكر في اللي حولي وصلتني رصاصة واخترقت جسمي وبعدها سقطت مضرحاً بدمائي !! فتحت عيوني وشفت أمي وأبوي ومنال بثياب بيضاء .. فرحت أن الله تقبلني شهيد وأدخلني الجنة مع من أحب :smilie47: لكن يوم شفت هاشم أخوي موجود بينهم .. عرفت أني منب في الجنة :s2: سألتهم ويني فيه؟ وقالوا لي الحمد لله على السلامة يالمناضل أنت في المستشفى العسكري :smilie47: حمدت الله على السلامة .. وتظاهرت بأني أبغى أقوم من السرير حتى أكمل المسيرة في الدفاع عن الوطن لزوم التميلح قدام منال :s2::smilie47: حلفوا علي أن أبقى بالمستشفى إلى أن أتعافي فوافقت بكل سرور :razz: بعدها بأسبوع خرجت من المستشفى وتم استقبالي في الحارة استقبال الشهداء الأبطال :smilie47: وحتى أكمل لكم جمالية الخاتمة أبشركم أن جابر حكموا عليه بـ 20 سنة سجن بتهمة تهريب المخدرات :s3s: وتيتا تيتا خلصت الحتيتا :ga: ( الموضوع اهداء لمجهول الهوية وجميع من شرفني بطلبه كتابة موضوع .. القصة كتبت بشكل سريع بدون تفكير أو مراجعة أو تعديل .. فإن كان فيها مشكلة في حبكها احبكوها أنتم ) :s4s: |
هلا بسلطان والله منزل موضوع وكالعاده مواضيع مبهمه يحاكي فيها طرف اخر لا ادري ان كان يشرب مثلنا ام ماذا في نقطه وحده عجبتني في الموضوع الا وهي القبليه الموجوده هذا بحط لك نجمه على راسك لانك ذكرتها ولكن للاسف مهما تسوي ما راح تحل المشكله لان واصله للروس الكبيره تشــــــــــاو |
بآلنسبـٌة لآسـٌلوٍب سـٌرٍدك للقـٌصة رٍآآآآآئع كعـٌآدتك ,,:smilie47::yes: لكـٌن وٍش آلمقـٌصد مـٌن آلقصـٌه كلـٌهآ .. آللـٌه آعـٌلم ,,:smilie47::d قرٍيتهـٌآ آكثـٌرٍ مـٌن مرٍهـ وٍحـٌآوٍلت آفهـٌم بـٌس مـٌآش ,,:smilie47::d |
ياخي انت حكيم صراحة عليك اسلوب رائع.... ومستحيل يطلع الا من واحد ذكي جداً فاهمك ياسلطان وفاهم اللي تبي تقوله... وماقلت الا الصدق الله يصبحك بالرضا والخير.. طرح جميل ياجميل |
وصبّحك بالنور والإطمئنان والسعادة .. إقتباس:
بس ما أدري فين !! ،،، القصّة تنفع تتصوّر في بوليوود ، أكيد لأنها حلوة ،، يعطيك العافية ،، :rose: .. |
لكن يوم شفت هاشم أخوي موجود بينهم .. عرفت أني منب في الجنة ههههههههههههه ههههههههههه بس واظح من كلامك انك تقسط الجيش مايعرفون يتصرفون وكانهم مجبورين يخشون الجيش |
.. أهلاً المشاغب صباح النور والسرور :rose: قصّة جميلة استمتعت بقراءتها , الحمد لله على سلامتك ذكرتني بأحد الغالين هُناك :smilie47::cry: يا ربّ احفظه ورده إلى زوجته وأبنائه سالماً :smilie47: .. شكراً سلطان ما شاء الله مبدّع بكتابة القصص في الفترة الأخيرة :rose::razz: .. |
., أهلن المشاغب عضو مميز ولطالما تابعت مشاركاتك اولا باول .. اسلوبك في الروايه اسلوب يشد القارئ ليكمل بقية القصه :yes: تناولت في هذه الرائعه عدة قضايا ومشاكل يعاني منها السلك العسكري وقد غفلت عنها حكومتنا الرشيده :) أولآ : ارسال وتجنيد إناس لايفقهون شيئا في الحرب الى الجبهه الجنوبيه لم يستعلمون السلاح الا بعض مرات ولا ندري هل هي صائبه ام خائبه هذه المرات القليله :) والاوضح من خلال رؤيتي ومتابعتي بعض الاخبار انها بائت بالفشل بل هذا الشيء أفقدنا الكثير من الاخوان والازواج والخوال والعمام ليتم الكثير من الاطفال :cry: والدليل على عدم الخبره ان في الايام الماضيه قام طيار سعودي بتفجير ونسف موقع تجنيد سعودي وكان يحوي على العديد من الانفس :cry: وبسبب خطا احد متبلدي الاحساس بأعطاءه احداثيه خاطئه ماذنب اطفال هؤلا التي ذهبت ارواحهم بلا هدف يذكر ماذنب اطفالهم أن يحملو مسمى أيتام !! وهذا ما أمكني التحدث عنه بالنسبه لتجنيد وارسال معدومي الخبره :) ., اما بالنسبه لنعرات القبليه والـ"مهايط" بالانساب والاجداد ومافعلو فهذه مشكله لايعاني منها السلك العسكري فقط بل ثلاثة ارباع الشعب السعودي للأسف وهذه مصيبه لان ارواح وأموال ذهبت بسبب مهايط قبايل كلكم طبعا رأيتم ماحدث قبل عام او عامين عندما بثت القنوات الشعبيه مزاين لقبيلة ***** وتبعا لذالك بدؤ القبائل بدفع اموااال طائله ليثبتو للقبيله الاخرى انهم اكثر منهم مالا واجل نسباا ولكن لم يتركو الجهله هكذاا بل قام الامير مشعل بن عبدالعزيز بتحذير مشائخ وامراء القبائل بعدم تكرار هذا الخطاء الفادح الذي كان سيؤدي الى تفكك الكثير من القبائل واقامة المشاكل وافتعالها :yes: وعلى هذا اقف مره اخرى واشكر سيدي الامير مشعل بن عبدالعزيز على ردعهم وايقافهم :ba1: وهذا ما أمكني التحدث عنه والتي أثارته عندي قصتك :) واشكرك مرة اخرى (:rose:) وفي انتظار جديدك وتناولك القضايا الاجتماعيه بشكل فكاهي سلس :razz: سيآآ ., |
باآإأآك تشخيص للواقع بأسلوب قصصي ممتع أقرب للسخرية .. أسجل اعجابي الكبير بقلمك يا سلطان .. قلمك علامة فارقة في المجلس :smilie47: كل الشكر يا حبي |
أهلين أخوي سلطان .. صباح الخير أسلوبك رائع و ممتاز ماشاء الله عليك .. القصة تحمل الشي الكثير وأمور في غاية الجرأة ... لافض فوك ياسلطان .. :rose::smilie47: |
حجججججججججججججز وحقققققققققققققز وباخذ مكاني عشان ارد بالصفحه الاولى :$ ض1 ق1 نووو كووومنت سلطاان < اجل وشوله حااجز؟ قصـه بطله صرااحه على انها فيها سخريه وكذا ، لكن بواقعهاا تحززن !! سلطان خايف اقول فهمت واقعد اتفلسف زي موضوعك هذاك وتجي تقولي ما اقصد شي بس ابيه شتشته :s2: بس صدقني اني فهمت ووضعنا مزري صراحه :s2: سلطاان الله يحفظك ويخليك لنا :wub: |
بيـض الله وجـهك :D استـمتـعت بـ قراءة الموضـوع :) يعطيك العـافـية :) |
. اكيد راح تظهر في هذه القصة حكمتك المعهودة s121s بس بروح لموضوع أبو طلال وارجع :razz: ********* عدنا ... خيبة الناس السبت والأحد وخيبتنا مامرت على أحد .. كل مالنا نزداد تعرية أمام أنفسنا وأمام العالم واخزياااااااااااااااهـ بس :ranting: وإيه يا منال الكل يبحث عن رضاك ورضاك صعب المنال .!!!!!!!! الله يغير من هالحال الردي لما هو أفضل وعاجلاً غير آجل . كعادتك سلطانوفيتش المتعة ترافق اطروحاتك وبأسلوب السهل الممتنع الله لا يضرك :rose: |
شباب فيه رتبة اسمها عقيد أوّل ؟! :d <<<< جدّ :yes::s2: .............. سلطان الله يصلحك بس ! :cry: الحال ذا ما ينشكى إلا لـ الله .. موضوعك دسم , وخليط بين عدة قضايا يعطيك العافية :smilie47: بالتوفيق :rose: |
ههههههههههههههههههههههههه لي عوووووووووووووووده ----- <FONT face="Times New Roman"><FONT size=3><B><?xml:namespace prefix = o ns = "urn:schemas-microsoft-comhttp://vb.alhilal.com/ /><o:p></o:p>...ht><FONT face=هلا وغلا سلطان ,, والله حكيم ماشاء الله عليك جبتها عالجرح s60s <o:p></o:p> <o:p></o:p> = لكن يوم شفت هاشم أخوي موجود بينهم .. عرفت أني منب في الجنة :s2: <?xml:namespace prefix = v ns = "urn:schemas-microsoft-com:vml" /><v:shapetype id=_x0000_t75 stroked="f" filled="f" path="m@4@5l@4@11@9@11@9@5xe" o:preferrelative="t" o:spt="75" coordsize="21600,21600"><v:stroke joinstyle="miter"></v:stroke><v:formulas><v:f eqn="if lineDrawn pixelLineWidth 0"></v:f><v:f eqn="sum @0 1 0"></v:f><v:f eqn="sum 0 0 @1"></v:f><v:f eqn="prod @2 1 2"></v:f><v:f eqn="prod @3 21600 pixelWidth"></v:f><v:f eqn="prod @3 21600 pixelHeight"></v:f><v:f eqn="sum @0 0 1"></v:f><v:f eqn="prod @6 1 2"></v:f><v:f eqn="prod @7 21600 pixelWidth"></v:f><v:f eqn="sum @8 21600 0"></v:f><v:f eqn="prod @7 21600 pixelHeight"></v:f><v:f eqn="sum @10 21600 0"></v:f></v:formulas><v:path o:connecttype="rect" gradientshapeok="t" o:extrusionok="f"></v:path><o:lock aspectratio="t" v:ext="edit"></o:lock></v:shapetype><o:p></o:p> <o:p></o:p> ههههههههههههههههههههههههههههههههههههههههههههههههههه<o:p></o:p> <o:p></o:p> = القبايل : سواء كمقارنة بين قبيلة وقبيلة أو بين قبلي وحضري نفس الموال :s5s: للأسف الكبير قبل الصغير تلاقيه يتفلسف وفرحان بااسم قبيلته <o:p></o:p> ولو تشوف اش سوى بحياته ماحولك أحد :ap: <o:p></o:p> وكثير ماخذين الموضوع بحساسية وتوصل للزواج والعلاقات <o:p></o:p> والله في بنات وصلوا لسن الزواج والأهل يرفضوا العرسان ليه ؟؟<o:p></o:p> لانه مو من قبيلتها من قبيلة ثانية تفكير سطحي :s3s: <o:p>ناس يهمها الاخلاق وناس أهم شيء عندهم اسم القبيلة ,, </o:p> <o:p><o:p></o:p></o:p> واللي يقهر بعض الأهالي متعلمين وواعين ووقت مايجي الجد تلاقي اللي تعلموه طار بالهواء<o:p></o:p> متعلمين ووقت الجد متملعنين :razz: <o:p></o:p> <o:p></o:p>= الجيش الله يرحم كل ميت ويشفي المصابين ,, <o:p></o:p> الظاهر المواطن روحه مالها قيمه : بالجيش وبأحداث جدة وغيرها ,, <o:p></o:p> بس نفسي أعرف وقت الكشف الطبي ليه يفسخونهم :rh: اش مستفيدين ؟؟ عيب هههههه <o:p></o:p> = حركات التميلح من منال :s2: تصير من البنت نفسها تتميلح وتتصلق ,, أو بعض الأهل مايقصرون يتميلحون ويلصقون لصقه تقول غراء امريكي :razz: تلاقي كل من توظف لصقوا فيه بس لو إنه لسى يدرس مااحد يعطيه وجهه :surprised: شكر لك بطلة |
| الوقت المعتمد في المنتدى بتوقيت جرينتش +3.
الوقت الان » 07:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd