السلام عليكم
حياكم الله جميعا ...
كلا باسمه .....
اول شيء هاردلكم التعادل المر صراحه
وانا اعتبرها هزيمه كهلالي وفوز كبير كشبابي وخاصه اننا تقدمنا بهدفين وللمره العاشره يجي الهدف باخر الدقايق
يعني صراحه انا اعتبرها خطا 100% من الدفاع صراحه الدعيع ما قصر ابدع وكفى ووفى يعني التشتيت في الدفاع موجود بحد ما .....والى الان التغطيه الدفاعيه لك عليه بصراحه يهني الهدف الاول جاء عن طريق هجمه مرتدة كان سبب الارتداد انقطاع الكره من الوسط الهلالي وعلى ما يبدولي انه الغنام لاعب المحور الهلالي وابدع الدعيع في تخليصها لكن يجي كماتشو وبدون رقابه عاليه عليه ......
الهدف الثاني اللي كنت اتمناه جاي من البلنتي على طول لاني انغبنت وتحسفت على الصده ويجي للمره الثانيه كماتشو ويدخل من بين عشره مع المعلوميه انه ما كان صاف على خط الجزاء كان جاي مجلعد من ورا بدون رقابه لان الكل كان متوقعها هدف ويجيب الهدف الثاني ....
لكن صدق الداهيه يوم قال ان الخطورة في الشباب تكمن في كماتشو .... والكلام هذا ما جاء عبث ....
وقفات :
لي يونج .....
الى الان ما شفت اي رفعه صح, الى الان ما شفنا النزعه الهجوميه ... لكن ما كنت اتمنى البلنتي منك .... لكن ما اقول الا غلطة الشاطر بعشرة ...
احمد الفريدي ....
اثبتت بصراحه انك الورقه الرابحه الاعظم في الهلال .... صراحه ابدعت اليوم لكن لو كملت خيرك وميلت رجلك زياده كان الحين الثلاث نقاط بالجيب .... لكن خيره بغيره ..... لكن صدق من قال انك الفيلسوف الصغير
عبدالعزيز الدوسري ...
بصراحه اليوم وجودك مثل عدمه ونتمنى منك بالايام الجايه الافضل باذن الله ...
جريتس ....
كبير والله .... لكن ما توقعته منك الثلاث تبديلات مره وحده كنت اتمنى دخول الفريدي من الدقيقه 60 <<<<او حوله
وتعجبني فيك الثقه .... لكن كنت اتمنى دخول الصويلح بدلا من الدوسري ....
ياسر ...
صدق من قال انك كاسر صراحه اليوم شيء ثاني مبدع يبو سعيد ....
رادوي ...
والله انك مقاتل بمعنى الكلمه ... كفيت ووفيت ....
تياقو نيفيز
راقص السامبا ..... صراحه اثبتت وجودك بالفعل لا بالكلام ..... تستحق افضل لاعب بالمباراة بلا منازع ......
اشكرك من اعماق قلبي ....
هذا ما لدي ويبقى ان كل الكلام وجهة نظر لا اقل ولا اكثر
نتقبل منكم اخوتي النقد البناء على الكلام او الاسلوب .....
ومنكم نستفيد ....
وتقبلو تحياتي
ودمتم بود ....
فقاعات هلاليه .... 
الوضع العادي
