ألف شكر لجمهور الرياض + المباراة الجاية صارت أهم + خلوا عنكم النقد اللي ما له داعي .. بسم الله الرحمن الرحيم .. في البداية أحب إني أشكر كل الجمهور اللي حضر و ساند الزعيم في مباراة الشباب صراحة بيضوا الوجه .. و أتمنى إني أشوف الملعب في المباراة الجاية أزرق كامل .. لأن المباراة الجاية صارت أهم بعد ما تعادلنا مع الشباب .. بإذن الله النقاط ال3 تكون من نصيبنا .. تخيلوا اللاعبين يدخلون و يشوفون المدرجات فل .. ما راح يخلونهم يطلعون زعلانين للمرة الثانية .. أما بالنسبة للتعادل أمام الشباب .. أنا أشوف الكل زعلان .. النتيجة ما كانت سيئة .. بالعكس كانت جيدة .. اللي مزعل الجمهور إن حنا كنا متقدمين 2 - 0 و بعدين تعادلنا .. صحيح قهر .. لكن قدر الله و ما شاء فعل .. و أهداف الشباب ما كانت من هجمة منظمة .. كلها كانت بأخطاء و سوء تركيز من لاعبينا .. عالعموم المباراة انتهت و أهم شي قدام الشباب و الاتحاد إن حنا ما نخسر .. و بالنسبة للنقطة الثالثة اللي هي كل شوي أشوف واحد ينتقد اللاعب الفلاني .. لا .. لا .. هذا أكبر خطأ .. لازم نوقف معهم .. و الكلام هذا مو وقته .. عندنا مباراة صارت ألحين أهم من الشباب بسبب التعادل اللي صار .. المهم .. بالتوفيق للفريق في المباراة الجاية .. و إن شاء الله النقاط ال3 .. بإذن الله .. و آسف على الإطالة .. |
يعطيك العافيـه على الطرح والحمد الله على كل حآإل / بالتوفيق لـ الزعيم امام الاتحآإد |
يعطيك العافيـه على الطرح والحمد الله على كل حآإل / بالتوفيق لـ الزعيم امام الاتحآإد |
لكل هلالي حضر مباراة الشباب بيض الله وجهك ماقصرت على العين والراس والله انكم رجال من اكبركم الى اصغركم كفيتوووو ووفيتوووو لا عدمناكم وان شاء الله الزعيم يهديكم الى البطولات |
الرقم الصعب :ba: الجمهور بصراحه ماقصر كفى و وفى .. ياليت كـل مباراة كذا وخاصة مباراة الإتحاد الله يعطيكم الف عآآفيه والقآدم احلى بإذن الله :rose::rose:.. |
الله يعطيك العافيه ع الطرح الراقي وبأذن الله المباراة القادمه من نصيب الزعيم........... |
بالتوفيــق للهلآل فيـ المبآرآه القآدمه وآعتذر عن الحظور .. مسآفر يوم الثلآثآء .. ضروف حتمت علــي فرآق ملعب الملـــز .. الزعمآء مآرآح يقصرون .. بالتوفيق |
كلامك عين العقل ياخوي ابوفيصل انا مادري ليش الجمهور امس كان زعلان يعني ماخسرنا المباره والحمد الله على كل شي وان شاء الله نعوض امام الاتحاد يعطيك العافيه |
بصراحـــــة زعلانين لأننا ضيعنا فوز كان متناول يدينا آآآآهـ يالقهر هاردلك الزعيم إن شاء الله المباراة الجاية حاضرين |
لازم نزعل ياخي ضيعنا فوز بيدينا والله قهر بس انشالله التعويض قدام الاتحاد |
انا حضرت المباراة وكان جمبي واحد من الزعماااااء يقولي جااي من القصيم لعيوووون الزعيم وراجع بعد المباراة وغيره من سكااان الرياض جالسين بالمقاهي والله قهرررررررررررررررررررررر لكن لعيوووووووووون الزعيم راح نحضر لو ينزل ثلج |
الحمد الله على كل حال شكرا اخوي |
الوقت المعتمد في المنتدى بتوقيت جرينتش +3.
الوقت الان » 04:03 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd