|
وظائف جديدة خلال هذه المدة العصيبة مسمياتها بالداخل انا شايل هم العاطلين .. ماودي أشوف عاطل بالسعودية .. :rc: البطالة الحين في خبر كــــــــان .. الوظائف الشاغرة متاحة للجميع .. بدون شهادات ولا خبرات أو حتى ( لغات ) إلا لغة ال( فلسفة ) وخبرة ( البربرة ) الفاضية .. والقدرة على التحدث بشكل مستمر لين مايقولك المذيع ( إسكت ) الوظائف : محللين عسكريين .. الشروط .. ( .. إستخدام كلمات مثل .. العدو الغارات .. أسرى .. هجوم .. إمدادات .. قتل .. ) شعراء ( إرفع يدك .. كنك توصف لواحد وقل ( وطنا .. ياوطنا .. والحرب دندنا .. وقل ياملكنا .. والباقي خربط ماحد يمك ) فنانين .. مطربين ( طلع شريط سريع سريع وإلحق الفرصه لاتفوتك .. وغلاف الشريط صورة علم السعودية .. وجنود .. وإردح لين ماتحوم تسبودنا .. ولاأوصيك .. بالوطن .. والملك .. كثر منها .. واللحن إسرقة ماحد جاب خبرك ) رجال دين ( الإكثار من عرض الحركة الحوثية بشكل مبالغ فيه .. وأنهم خطر قديم .. وفضحهم وكشف مؤامراتهم ) الآن فقط .. توه يطلع الخطر فجأءه !! مثل العراق أول .. مادرينا إنهم مجرمين إلا بعد غزو الكويت .. ):razz: حتى طالبان .. طلعوا مجرمين عقب ماكانوا يقصفون الطائرات الروسية بالحجارة .. ورائحة المقتول هناك مسك وعنبر .. !!؟ الغريب والعجيب .. والمظحك .. إن هالمحللين ماقد دخلوا بشي إلا وتلخبطت الامور وإنهارت .. المحللين الإقتصاديين .. شفناهم .. وصار الكل يحلل ويعرف .. وينصح .. وبالاخير إنهار السوق على راس المساكين .. وماشفنا ولا ... محلل وصارت النصايح رؤية شخصية !! ويعلن عدم مسؤوليته عن الحادث :to:.. قصدي عن النصيحة .. طيب إذا صار رأي شخصي وبسيط ليه مترزز تتفلسف علينا .!! المحللين الرياضيين .. كل واحد براسه خطة .. وتحليل يختلف عن الآخر .. الآراء مختلفة ماتلقى إثنين بنفس الرؤية .. في مباراة واحدة تلقى محلل يقول الخطاء من المدرب .. والثاني يقول من الحارس .. إثنين إتفقوا على الوسط .. وبعضهم يقولون الأرضية .. لهالدرجة كرة القدم لعبة معقدة .. وتحتاج لهالجيش من المحللين .. وليتهم يعرفون ! وبالاخير تجيهم ( تهزيئه ) ويقوون سم سم .. إنشاء الله :d ماعندك شغل ........ حلل .. وتراك بألف حل :d جدة ... الله يرفع عنها الكربة .. ولعل ماحصل هو بداية التصحيح .. طبعا الحديث كثر عن هالموضوع .. لكن بحسبة بسيطه : عدد المتوفين 108 رحمهم الله جميعاً مبلغ مليون ريال لكل متوفي .. مليون * 108 = 108 مليون ريال أضف إلى هذه المبلغ : فوق 3500 سيارة متضررة وسيتم تعوضيهم * 50 ألف متوسط = 175 مليون ريال وأكثر من 3000 منزل ومنشأءه متضرررة * 30 ألف متوسط = 90 مليون ريال 108 مليون + 175 + 90 = 373 مليون ريال سيتم دفع أكثر من نصفها من الدولة 373 مليون ريال هالمبلغ ماكان كافي لعمل تصريف لمياه أكبر مدينة بالعالم :tm: من غير مانخسر بيوتنا وسياراتنا والاهم هالضحايا الأبرياء اللى راحت واللى مايعوضهم ملايين الدنيا كلها اخوكم الصغير ابو طلال :rose: |
آبـٌوٍ طـٌلآل ,,:d مـٌآ تخبـٌرٍ لي قنـٌآة نـٌآقصهآ محلليـٌن ,,؟:d |
هههههههههههه ابوطلال الله يعافيك على الموضوع المتعدد من ناحية البطاله فنحن من يريدها الواحد يبي مكتب وبيت وسياره وملابس رزه ولايفكر وشلون يحصل عليهن لايفكر لابدراسه ولا وظيفه صغيره قد تكون كبيره في يوم من الايام على سبيل المثال هناك من لايريد ان يشتغل في سوبر ماركت اومحل ملابس او او ... ... الحوثيين مااقول الا الله ينصر جنودنا ... اهل جده كان الله في عونهم وهذا امر قد كتبه الله وقد يكون فيه من الفائده لتدارك الخطأ وقد اعتب كثير العتب من يتكلم بلسان الدين ويقول عقاب انما علم ذلك عندالله قد يكون ابتلاء لهم وقد يكون خيرا لهم ... على طاري التحليل لاتنسانن :naughty: بارك الله فيك ابوطلال ولاتحرمنا يالطربه من مواضيعك :rose: |
ولاتنسى انك كلما شطحت كلما صرت مشهور بزيادة ويزيد الطلب عليك:D اما جدة الله يرحم حالهم! مليون هل بتعوض الأرواح البريئة اللي راحت .؟ |
هلا بالنشمي :smilie47: فيه وظيفه مهمه جداً وماشي سوقها بقوه هاليومين في قسم الجمهور... شكلها سقطت سهواً : طبّل لنجمك المفضل وباقي الفريق ( بقريح ) جداً احبك وجداً اشكرك وجداً ودي اشوفك في افضل حال... دوك --> :rose: |
^ ^ كلن على همه سرى هههههههههههههههه ابوطلال .. ن تكلمت بالبطالة بتعب وعشان ماتعب مارح اتكلم :D وان تكلمنا ع الفساد وإنعدام المسؤوليه .. "بخصوص كارثة جده" وصرف المليارات على شوارع .. وفي الأخير .. الدنيا تغرق بسبب المطر محد جايب خبرنا ..عشان كذا أبسكت ..ماله داعي أحرق اعصابي .. :D |
أبو طلااال مساااء الخيرات كيف الحال .. ماعندي اعتراض على كلامك الا آخر شيء .. وراك كأنك حاسدهم :d على هالكم مليون الي ماراح تعوض ارواح اقربائهم اللي راحوا ضحية لطمع مسؤول أناني نذل هذي فقط مواساة لهم عل وعسى تمحي دمعه من الدموع المسكوبه . تدري ان مشروع الصرف الصحي لمدينه جده عشرين سنه وهو يخصم له ميزانيه خاصه من ميزانيه الدولة السنويه !! وين راحت المليارات المصروفه ؟؟ أتمنى والله أتمنى أنهم ينفذون حكم الله فيمن خانوا البلد وكل مسؤول تسبب بهالكارثه ليكوونوا عبرة لمن يعتبر وأولهم امناء امانه جدة يقصون ارقابهم واحد وراء الثاني . أحس اني استرسلت بس كلامي بقلبي الله يجزاك خير فتحت موضوع فضفضت فيه لأموت بكرا حسرة أني ماقلته :wub: أخوك اللي اصغر منك عقل الهلال :wub: لكـ مودتي :rose: |
والله ياخوي الصغير ابو طلالs121s الواحد يستغل الفرص متى ماجت مو دايم بتجيك فرصه مثل ذي الله يغفر ويرحم موتانا وموتى المسلمين اخي الصغير ابو طلال:naughty: تقبل شطفتي:d |
هلا وغلا ابوطلال :d:d:d ورحم الله من توفي في سيول جده وأنزله الله منازل الشهداء فيه وظيفه نسيتها !! تراهم شغالين على رجل وساق :d:d:d الوظيفه هي شفط تجمعات مياه الأمطار في مخارج الطريق الدائري بالرياض وخصوصا المشاهير منها 13 و15 :d:d:d http://www.rayaam.info/news_images%5...32036PMsh.jpeg |
هلا ابو طلال والعلم عند الله ان الدور جاينا في الرياض بسبب الامطار الغزيرة هذه اللحظة تسلم على الموضوع المنوع |
|
إقتباس:
فيه قناة السودان تبي محلل يفسر ماحدث من شغب في جماهير الجزائر ومصر في مباراتهم اللى راحت !! للحين يحللون فيها ويحطون ( عاجل : شغب أثناء وبعد المباراة المقامة في الخرطوم ) متأخر البث عندهم شوي :s5s: |
يا بعدهم يابو طلال مواضيعك على الجرح والله ماشاء الله تبارك الله عليك ,, مبدع يا لبى قلبك تقبل مروري سفير الشوق |
:s2::s2: عالجرح ابو طلو عفارم عليك :razz: وازيد عليها شغله الطق بالعروس ..>> حاسده الطقاقات للحين:s5s: ولكن اختلف معاك بهالنقطة إقتباس:
شدخل رجال الدين بالحركه الحوثية :s5s: ووبالنسبة للحوثيين هم كانو شأن داخلي يمني والمشاكل مع الحكومة اليمنية فماعتقد كان في داعي يتكلمون عن خطرهم بالنسبة لنا وعن طالبان ،، محد عالم الغيب وعارف ان فكر هالحركه بيتغير تحياتي |
والله موضوعك متعدد وما ادري على ايش ارد بالنسبه لمحللين الكوره كل مدرب له خطته وكل محلل له رؤيه وطبيعي الاختلاف وبالنسبه للتحليل الاقتصادي قد يكون الطبع اعمى الجميع وعلى فكره قبل الانهيار كان طالع تحليلات بالانهيار لكن ما عندك احد اما عن جده فحدث ولا حرج الحل الاول هو قتل الفساااااااااااااااااااااااااااااااااااااااااااااااااااااااااااااااااااااد وليش التعويض بالاموال تشـــــــــاو |
| الوقت المعتمد في المنتدى بتوقيت جرينتش +3.
الوقت الان » 06:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd