** اطردووووه .. وبإذن الله الدوري هلالي <<>> يالى ( قلبكـ ) يابو فيصل ..
 

السلام عليكم

اخواني الزعماء

بعد ان هدأت النفوس .. هارد لنا التعادل (بطعم) الخسارة

ولكن احبتي ابي كل محب لهذا الكيان العظيم انه يسأل نفسه سؤال

تتوقعون اللعبيه راضين عن التعادل؟ تتوقعون نفسيتهم عقب المباراة مو متأثره مثلنا واكثر؟؟

ابطالنا ماقصروا .. لعبو بروح وتكتيك عالي .. لكن خذلهم بعض اللاعبين بنزول في مستواهم ..

ناخذهم من اول الفريق ..

ابو عبدالعزيز .. ماشاء الله تبارك الله .. حضور طاغي على المستوى الفني والذهني حفظه الله لنا :smilie47:

الكوري .. ماقصر طوال المباراة ولكن وضح عليه الارهاق ونقص اللياقه في غلطه واحده وهي ضربة الجزاء وعدم التغطيه الصحيحه لفلافيو

اسامه .. فترة التوقف واضح تاثيرها عليه .. ولكن ماننسى دوره في الدفاع طوال 92 دقيقه

المرشدي .. ماقصر ولكن يعاب عليه البطء .. والتشتت الذهني .. والارتباك في تخليص الكور السهله ..

الزوري .. هذا اللاعب لديه امكانيات وقوة بدنيه .. ولكن يعاب عليه ايضا البطء والشروود الذهني واللعب بقدميه في اكثر الاوقات بدون التفكير ولا رفع رأسه ..

رادوي .. اشهد بالله هو الوحيد اللي شايل المحور امس بالحاله ...

الغنام ... لاعب جيد ولكن يعاب عليه البطء والارتباك وعدم المعرفه بكيفية تامين تسليم الكره لزملاءه .. والهدف الاول اكبر دليل ناهيك عن اخطاء الباص.. وعندي له بديل جاهز في اخر الموضوع تعرفونه

الشلهوب .. من مباراة الاتفاق وهو بعيد عن الابداع .. ولكن الهدف يشفع له ..

نيفز .. يا اخوان هذا اللاعب رائع ومبدع .. بصراحة مساء امس كان مبدع .. في التمركز والتمرير والفاولات .. مستواه في تطور .. ادعموه تكفون .. يحتاج الى التشجيع .. هذه النوعيه من اللاعبين تحتاج الى الدعم المعنوي كي يبدع

ويلي ... اسف ويلي مساء الامس كنت ابعد مايكون عما عرفناك ... هروبك كثير من الكره .. هل لاستفزازات زيد المولد دور ؟

ياسر ... يكفي انك اشغلت اربع مدافعين.. واقول لكل من انتقدك .. هل لديك الاستطاعه لتجاوز مدافع واحد في كل مرة تستلم الكره ؟؟ ياسر محاصر من اربع مدافعين والمرحوم ... الى الامام يابوسعيد..


الفريدي .. ليتك تفك نفسك من البرود .. ياخوي انت والقول ..مالقيت تحطها الى في الوسط ؟؟ تكفى لديك المهارة والثقافه .. بس خلك حماسي اكثر ... وسدد من قلب ..

الدوسري .. الوقت لم يسعفك ..

عزيز .. واضح ارتباكك .. وعاذرينك.. اللي سواه فيك قريتس .. مو سهل


نجي للي ابيكم تطردونه..

يا اخوان

اعطني حظاً وارمني في البحر ..

البلطان يقول كنا اقرب للفوز !!

هذا البلطان يقوله وهو ماعنده طوال المباراة الى اربع هجمات على ابو عبدالعزيز ..

هجمة السعران .. الهدف الاول .. ضربة الجزاء .. والهجمة الميته انفرادة الشمراني

واحنا نقول لعيبتنا ما سوو شئ ؟ وكنا بعيدين عن الفوز .. والمستوى هابط ؟؟؟؟

سبحان الله

امس لو كل هجمة حقيقية (ركزوا على حقيقية مو كل الهجمات) تسجلت كان طلعنا بنتيجة 6 اهداف

تعالو اثبت لكم انا كنا اقرب ..

تسديدة ياسر .. فاول نيفيز بالقائم .. تسديدة الشلهوب من فوق القائم .. فاول نيفز من جنب القائم .. تسديدة رادوي بيد الحارس ثم القائم .. انفرادة الفريدي

والقائمة تطول .. اذا نحن كنا الاقرب للفوز ..

اطردو سوء الحظ ... واستلمو الدوري من الان بأيديكم ..


اللاعب اللي من المفترض يلعب مكان الغنام بجانب رادوي .. هو المقاتل .. عمر الغامدي

لاعب جاهز نفسيا وبدنيا .. ولديه حب للشعار ومقاتل .. هو من كنا بحاجته امس .. صدقوني لاعب عاشق

ومثل هالمبارايات تحتاج الى لاعب له روح قتاليه وعشق للشعار ... وهذا هو عمر الغامدي بوجهة نظري:smilie47:


ابو فيصل


http://media.alhilal.com/200906/hila...-0Shabab-2.gif

قتلني ضحكك .. وفرحك

والله العظيم تمنيت امس الفوز ولو باي طريقه من اجل فرحتك .. التي قتلت بأيدينا:cry:

يعلم الله كم كنت مسرورا بفرحك انت والقائد الاداري الفذ عبدالله بن مساعد

ولكن نحن من اضعناها... نحن من تركنا لهم المجال للتسجيل .. تكفى رص على اذاني اللعيبه في اقرب تمرين :s2:

والا الهلال ليس من مستوى نادي الشباب

فنحن نفوقهم قوة ونجوم ومدرب قدير..

يكفيكم اشادة البلطان والفرحة التي تتطاير من عينيه في كل تصريح ...


هذا هو الهلال .. زعيم القرن
..............................

اسال الله ان يرحم اخونا على الحربي...
وان يرحم اخواننا في الحد الجنوبي ...


اخوكم

MATREX _15

موضوع جميل ويستحق النقل من التقييم

واصل على الكتابة الجيدة يالغالي ..

شاكر ومقدر اخوي حمد نقلك للموضوع ..

وايضا .. كلماتك المعبره ..

تحياتي ,,,,

المشكلة نبي مهاجم تعبنا نجامل القناص

أفضل حل عيسى المحياني .. جربوه وشوفوا

وش الفايدة جايبينه كذا بس !!!

كلامك سليم لكن الى متى نجامل ياسر على حساب الغير؟

أتمنى وصلت وجهة النظر .. تقبل مروري

الموضوع ممتاز و تشكر عليه و أختلف معك فيما يخص ياسر, أبو سعيد في كل مباراة يراقب من المدافعين في المواسم الماضيه ومع ذلك يسجل و يغربلهم لكن في هذا الموسم هو بعيد كل البعد عن مستواه و يلعب بلا روح, مشكلتنا أننا نبحث له عن عذر أن كان سبب عدم ظهوره لأنه مراقب ماهو الحل في رأيكم هل يجلس في الأحتياط أو يجلس بين المدافعين اللذين يراقبونه؟ أريد جواب من هلالي يعشق الهلال فقط..و شكرا

الف شكر وبارك الله فيك



يعطيك العافية ,,,

معلييييييييييييش اخوي كلامك متناقض تقول ان ولي والشلهوب ما ابدعو والله انهم ادو اكثر من ياسر الي تمدحة وتجامله على حساب النادي وش تقولي ممسكينه اربعة والله ما شفناهم ياخوي تاركين اماكنهم ورايحين عند ياسر !!!!
انت كنك تقول لياسر انت اديت وخلك علا مستواك لانهم ممسكينك ولا تسجل ابد!!!
وانا اقول مثل ما انت عطيت الفرصة لياسر وهو اسوء من السيئ ياخي عط فرصة لغيره المحياني والصويلح والعنبر

الله يعطيك العافيه ومشكور على الموضوع


وعن الحظ معنا الى الابد

يسلموووووو على هيك موااااضيع


...

سلمت أناملك
ولا تحرمنا من مواضيعك الهادفة والقيمة
عواااافي أخوي
تقبل مروري

الشلهووب حرررام علييك ابدعوا وهو ويلي ..
اما ياااسر يا نااس تعبنا نجااامل ..

سلمت أناملك
ولا تحرمنا من مواضيعك الهادفة والقيمة
عواااافي أخوي
تقبل مروري

تياقو إبداع
الشلهوب يكفي هدفه الرائع
ابوفيصل وش نقول فيه بس وبحبه للزعيم وجماهيره...........؟
لا حول ولا قوة إلا بالله

موضوع في قمة الروعة
يعطيك العافية واصل كتابة المواضيع الهادفه