محطـه الشباب .. ونقطـه الوصول للإتحــاد !! - نادي الهلال السعودي - شبكة الزعيم

لو يسالوني عنك · #1 04/12/2009, 07:20 PM

اول شي الحمد لله على كل حال ..
نقطه اخذناها .. مفترض انها تكون ثلاثه .. لولا اهتمام اكبر من اللاعبين وثبات في مستواهم في بدايه الشوط ..
الهلال امس كان في يومه .. ولكن اللاعبين سجلو هدفين بشوط واحد وبنص ساعة .. خلت اللاعبين يجيهم برود على طريقه .. خلاص انهينا الشوط واللي علينا ..

ممكن كان هدف الشلهوب ضدنا بدال ماهو لنا .. وهالشي ممكن اللي خلى اللاعبين يتهاونون في اللعب ..

قبل المباره كنت اقول .. ان نقطه قوه الشباب في الهجوم هي شهيل ضد الزوري .. ( الظهير الايسر ) ..
لان الزوري اذا راح قدام يرجع يتسحب كانه توه قاضي من مباره بحارتهم وراجع لبيتهم .. بطئ في الرجوع بشكل مو طبيعـي .. بعد مادخل شهيل كنت اقول للعيال هذا وقت نامي .. يدخل نامي ويطلع الزوري والكوري يروح ظهير ايسر .. قوتنا امس بالظهير الايمن وضعفنا بالظهير الايسر .. وقوه الشباب امس بالظهير الايسر ..
بما ان العمق من الاساس مقفل من المحاور ..

لو تشوف اهداف الشباب .. كلها باسباب دفاعيه .. برود في المتابعه ..

ولو نلاحظ الهدف الاول للشباب .. بتلقى ان الدفاع في موقع واحد .. وماكان فيه رده فعل للكوره بعد مارتدت من الدعيع .. وزي ماقلت ممكن تكون على طريقه سجلنا هدفين وسوينا اللي علينا .. وخله يخلص الشوط ..

قدام الاتحاد !!

جيريتس .. في مباره الشباب كان يقدر يحسم المباره .. بدخول عزيز .. مع رادوي مع الاربعه اللي ورى .. ويعتمد على الهجمات المرتده .. وهالشي لازم يصير قدام الاتحاد اذا الهلال كان البادئ بالتسجيل ..
هالموسم واضح الضعف الدفاعي بالهلال .. بشكل ملاحظ .. ودلاله على هذا .. ثماان اهداف في مرمانا .. يمكن يكون معدل جيد .. بالنسبه للفرق الثانيه .. لكن لما تقارنه بااحصائيه الموسم الماضي تدري ان فيه خلل حتى لو تغيرت منهيجيه الهلال باللعب ..

لازم الهلال يدخل مباره الاتحاد .. اجيب قول واقفل .. واربط حبل للزوري .. يخليه مايتعدى النص ..
زياده على هذا .. المرشدي قاعد يقدم بصراحه مستوى مانقول سيئ لكنه متدني .. وفيه من احسن منه بالاحتياط " حسن خيرات " .. فانا اشوف انك تزرع التجانس بين خيرات وهوساوي .. راح يكون صد قوي مع رادوي وعزيز ..

* .. الخوف من ان تصدر الهلال بدون هزيمة .. وتعثر الاتحاد .. يعطي اللاعبين الثقه وبدايه التفريط بالنقاط بالدور الثاني .. الدور الثاني يحتاج إلى عمل مضاعف .. حتى هلالنا يبقى بدون هزيمه والاهم المتصدر ..

* .. الشباب ماكان الافضل بالمباره .. وواضح قوه الهلال .. لكن تخاذل اللاعبين بعد الهدف الثاني .. اعطى القوه للشباب .. واعطاه الثقـه .. بالهجوم .. ،

* .. تعادلنا مع الاتحاد او الهزيمه لاسمح الله .. تعطي للاتحاد قوه .. في ضل النفسيه السيئة .. والعكس بفوز الهلال .. يلغي فكرة الاتحاد بالدوري ..

* .. بمسلسل الفرص الضائعه للهجوم .. الهلال في الفتره الثانيه يحتاج إلى مهاجم .. من طقه مااعدي اكثر من اثنين واشوت .. يعني نبي لاعب " بدون فلسفـه " ،

* الفاشلون قسمان : قسم فكر ولم يفعل .. وقسم فعل ولم يفكر .. هذا ماينطبق على الاصفر الجار .. بتوالي اداراته .. والسبب تفكيرهم الاساسي .. ( الهلال )

هلالية وروح رياضيه · #2 04/12/2009, 07:27 PM

لي الشرف اني اكون اول الردواد

كلام سليم

الله يوفق الهلال امام الاتحاد

eyad.m · #3 04/12/2009, 08:46 PM

الله يوفق الهلال ان شاء الله وان شاء الله ينسوا تعادل الشباب اللهم امين
وان شاء الله المدرب والاعبين يتداركون الأخطاء التي وقعوا فيها

sahm~20 · #4 04/12/2009, 09:43 PM

عمومًا الهلال كان يد في أغلب المباراهـ ، لكن بأخطاء دفاعيه خسرنا ..
وبإذن الله قيرتس بحكمته الأوروبيه راح يتفاداهـا في اقدم المباريات

بالتوفيق