04/12/2009, 09:02 AM
|
 | زعيــم متألــق | | تاريخ التسجيل: 09/07/2008
مشاركات: 962
| |
|
بعض الاخطاء حتى يتم تداركها
بسم الله الرحمن الرحيم هاردلكم على التعادل وإن شاء الله خيرها بغيرها !! بصراحه أنا ماني متكلم في مسألة كيف دخلت الأهداف .. أنا بتكلم عن المباراة عموما وعن الأخطاء
اللي حصلت حتى نستطيع معالجتها في باقي مبارياتنا مع الاتحاد أو الشباب أو في البطولة الأهم وهي
البطولة الآسيوية عندما نواجه فريق مثل بوهانج الكوري وغيره .. والكلام اللي نقوله مو عشاننا تعادلنا
لا بل عشان هذي المباريات هي المحك الحقيقي للمنافسة ..!! في البداية حنا اليوم ما قدمنا ذاك المستوى ولا ذيك الهجمات الخطرة اللي تخلينا نستحق الفوز
فأهدافنا جت من فاول وتسديدة من خارج المنطقه ولا صار لنا أي فرصة بمعنى فرصة خطره
إلا في آخر المباراة وسط الدربكة !! بعكس الشباب اللي لعب بهجمات منظمة من بداية المباراة
ووصل لمرمانا عدة مرات لكنه ما توفق إلا في هجمتين بس !! صحيح حنا سيطرنا على بعض مجريات المباراة لكن سيطرة بدون فائدة ولا فعالية في الهجوم وهذا لعدة أسباب :
يعني لو جينا للمهاجمين اللي هم ويلي وياسر .. ويلي - أمام الفرق الكبيرة - يركض ويركض عشان يركض فقط !!
يعني ماهو عارف هو مهاجم وإلا صانع لعب وإلا جناح عشان كذا فقط يركض في كل مكان من دون فائدة تذكر !!
فلا تلومون الكابتن صالح النعيمه عندما قال إنه غير مقتنع فيه !! لذلك من الأفضل لـ جريتس إنه يعتمد على
مهاجم مهاجم سواء المحياني أو الصويلح ويعطونهم الفرصة لعدة مباريات مثلهم مثل الأجانب اللي يعطون فرصة
ربما تصل لنصف الموسم حتى يثبتوا أنفسهم ..! أو إنه يستبدل ويلي بمهاجم عليه الكلام !! أما ياسر .. يعني ياسر إذا كنت تبي تعطيه مثلا في السرعة 7 من 10 وفي المهاره 8 من 10 وغيرها كلها
معدلات ممتازة عنده .. لكن في التمركز الصحيح والتخلص من الرقابة للأسف لا يتعدى 2 من عشرة !!!!
فـ يجب على ياسر إنه يطور نفسه من هالناحيه والباقي توفيق من رب العالمين . الأمر الثاني لعيبة الوسط وصناعة الهجمات : يعني نيفيز أفضل شوط قدمه هو الشوط الأول من مباراة اليوم
تحرك كثير وحاول يسوي شيء لكن يعاب عليه تأخيره للعب والاحتفاظ بالكره أكثر من اللازم هذا غير إنه الشوط
الثاني ما سوى شيء .!! والكلام ينطبق على الشلهوب تحرك بدون فائدة يعني الوسط ما سوى أي كور خطيره للمهاجمين !! المشكلة الثانية عندنا في المحور اليوم يعني أصبح ممر سهل سددوا لعيبة الشباب أكثر من مره
واخترقوا العمق أكثر من مره وجاء الهدف الأول بسبب هذا التباعد بين المحاور وعدم التفاهم بينهم
يعني الغنام ما ندري ولا يدري وش يسوي اليوم .. ومكان عزيز شاااغر !! مشكلة الدفاع !!
مشكلة الدفاع يا جماعة هي الجهة اليسرى .. هذي الجهة دائما في المباريات الكبيرة يُضرب الهلال
عن طريق هذي الجهه ولنا في نهائي العام قدام الاتحاد خير دليل ..!! والمسؤولية طبعا على الزوري والمرشدي ..!! أما الزوري فهو مبدع وفعال وممتاز جدا في الهجوم لكن في الدفاع يخترق بسهوله عشان كذا إذا صار الهلال يهاجم
في كامل المباراة أمام الفرق الصغيرة لابد أن تجد الزوري مبدع في تلك المباراة .. لكن لما المسألة تحتاج للدفاع
أمام فرق مثل الشباب والاتحاد فـ دائما ما يكون هناك نكبة ما  خصوصا مع تواجد المرشدي بجانبه ..!! # على كذا عندنا اثنين من اللاعبين اللي هم ويلي والزوري هذولا لا يظهرون إلا أمام الفرق الصغيره فقط .! أما بالنسبة للمرشدي فـ مشكلة المرشدي إنه ما فيه تركيز أبدا في جميع المباريات
يعني هو تقدر تقول إنه ممتاز في الكور العالية لكن لما تكون الكوره في الأرض للأسف إن أضعف مهاجم
يقدر يسحب فيه بسهووله  حتى تلقى أسامة كثير يجي يغطي مكانه بسبب هذي المشكلة ولو كان عند
المرشدي تركيز اليوم كان في الهدف الأول للشباب لو لاحظتوا جالس يناظر التايب بدل من متابعة الشمراني
اللي فتح الخانة وعطاه التايب الكوره بسهوله .. ويشترك معه الزوري والغنام في تحمل هذا الهدف ..
وأيضا الهدف الثاني لما رجعت الكوره من الدعيع كان ماجد أقرب واحد لها ومع ذلك جاء كماتشو من خلفه وسجلها باختصار عدم التركيز هي اللي ضيعتك يا ماجد من بعد كاس الخليج فالواجب إنك تكون أكثر ترررركييييز  أتمنى إننا نقدر نصلح هذي الأخطاء قبل مباراة الاتحاد وقبل أوقات الحسم ونهاية الدوري والبطولة الآسيوية
حتى نستطيع المنافسة الحقيقية لكم مني أرق التحايا ،،،
اخر تعديل كان بواسطة » KER-{شاكر}-SHA في يوم » 04/12/2009 عند الساعة » 05:56 PM |
الوضع الشجري
