|
اسباب دقيقة في خسارتنا بالتعادل ...لا يمكن تصورها... السلام عليكم كنت ساكتب بعد المباراة بالامس ولكن قلت ساترك الكتابة بعد هدوء الاعصاب وتجميع الافكار ,,,, الخسارة بالامس من الشباب بالتعادل كانت لها بعض الاسباب التي اعتقد انها وراءه عدم حفاظنا على الفوز .... 1- غياب الكابتن سامي الجابر بالامس ترك فراغا هائلا في دكة البدلاء .. فانا اعتقد ان جيرتس فقد ساامي كمستشار فني ونفسي عن نادي الشباب والتي لا يعلم جيرتس خفاياها فوجود سامي يسهل على جيرتس الكثير من الامورالخافيه بين الفريقين وليست فنيه انما تنافسيه .. 2- تغيير خطة اللعب ودخول محور ثاني اوحى لفريقنا ان الشباب اقوى من الهلال حتى ان لاعيبنا عندما سجلو الهدفين كانهم غير مصدقين واالدليل الهدف الذي سجل علينا كان غياب التركيز .. 3- تغير الخطه سهل على الشباب الضغط علينا فلو كانت خطتنا كما هي لكان ضغطنا مرهقا لوسط الشباب حتى نهاية الشوط الاول لنعيد المحورين فيكون وسطنا مرتاح ومحاورنا مرتاحه فيسهل علينا وسط الشباب .. 4- تغيير الخطه اعطى دافع قوي للشباب ورفع روحهم المعنوية ان الهلال خاف من وسط الشباب والدليل انه لعب بمحورين فكان هذا دافع لوسط الشباب.. 5- تصريح جيرتس عن كماتشوا كان بمثابه ابرة منشط لبقية وسط الشباب .. 6- انخفاض مستوى اسامه هوساوي كان واضحا من خلال بعض الكور فهو لم يكن بوضعه الطبيعي .. 7- الزوري لا زال نقطه بطء وبرود حاده جدا 8- غياب القائد في وسط الملعب والمتخصص في تهدئة اللعب وامتصاص حماس الشباب وقتله بشتى الطرق عن طريق التوجيه فالكل يجتهد وانقطاع الكره نهايةالشوط الاول وتسجيل الكره في الثواني الاخير والكره كانت بحوزتنا .. 9 ارتدادا الكره من الدعيع اصبح متكررا والى خط السته يارده ولا يوجد متابعه لتلك الكرات من المدافعين . 10 - غياب التركيز من بعض اللاعبين في بعض اجزاء المباراة وخصوصا في نهاية الاشواط 11- حضور اعضاء الشرف للتمارين قبل المباراة اعطى اللاعبين ضغطا نفسيا غير مبررا فمباراة الهلال والنصر تعادلنا مع النصر وكان هناك حضور شرفي ومباراة الشباب تعادلنا وكان حضور اعضاء الشرف له دور في زياده الضغط على الفريق..فترك الفريق يمشى طبيعي كانها اي مباراة مهم جدا فلافائده من وجود اعضاء الشرف بشكل متكرر وقبل المباريات المهمه.. وجهة نظر 12- لازلنا نحتاج مهاجم صريح ينتهز انصاف الفرص وليس الفرص المحققه ففريقنا يعيبه كثر الفرص الضائعه والسهله من المهاجمين... ربما يكون هناك بعض الخفايا التى لم اقف عليها ولكن ما تييسر ما قيل وجهة نظري قد اكون مخطئا او مصيبا ............ |
احـ ـمـ احـ ـمـ بماآآآآآ اني ارد اول واحد احب اهني جماهير الاصفرين على فرحه التعادل للهلال ولكن الهلال اوقف فرحتكم فخرجنا بتعادل بطعم الخساره ولاكن انت ياتحاد لن تورحم منا باذن الله تاريخيه اما انت يافقر لن اتكلم عنكم بل اترك الفتح يتولاكم الذي اعتبره افضل منكم بمراحل وثانيا انا معك يالغلاآآآ بكل كلمه قلتهاآآآ لكن مآآآآآنقول غير الله يوفقنا بالمباراه الجاآآآآيه :) |
معك حق أخوي الدفاع سارح ..... الزوري بطئ ...... المتابعة معدومه.... الفرص ضائعة .... والدعيع مستواه ماهو مثل قبل .... ولك كل التقدير ......... تحياتيـــــــــــــــــــــــــــــــــــــــــــــ |
انا اختلف معك في كثير من النقاط وعلى ذلك أكتفي بكلمة ( لاتعليق) |
إقتباس:
|
ففريقنا يعيبه كثر الفرص الضائعه والسهله من المهاجمين... |
محجوززززززززززززززززززززززززززززززززززززز ولي عودة لي رد |
بصراحه كلام واقعي وبعدي الهلال صح انه فريق قوي والمدرب قوى الهجوم بس الدفاع مو نفس السنه الماضيه الدفاع حق الهلال مستواه مره منخفض كيف لامن نقابل الاتحاد الاتحاد عنده هجوم قوي |
انا معك ...بس ياخي انت قعدت الموضوع كثير الموضوع ما يبي له كل هالنقاط كلها ... بديت احس ان اللي صار امس يوحي ان معنا مدرب فاشل جداً << ابداً مو فاشل وانسان مفكّردرجه اولى بس اللي صار ياخوي رادوي والغنام ما كانوا بمستواهم .. الكوره توصل لمنطقة الجزاء بسرعه والاهداف بأختصار هي اغلاط .. يعني تقدر تقارنها بأهداف النصر علينا بالديربي .. مالها داعي نفسي يووم القى الهلال تجي عليه ااهداف زي اللي نجيبها احنا !!!!! تحس انه في شي غلط !!! دايماً الاهداف اللي تجي علينا مالها ترتيب .. وتكون اغلاط فرديه الهدف الاول جا بطريقه نسميها (غبيه) .. ابو دعيع ما قصر اليوم ابببدن بس مافي متابعه بعد الهدفين في الشوط الاول .. العيال يبون يخلصون الشوط .. وصار في خمول واضح الزوري الله يهديه كأن جيريتس حاطه هجوم رادوي والغنام .. وغلطتهم في الهدف مافي مبرر لها التركيز وروح الحماس لو تستمر طول المباراه .. صدقني ما عمرك تشوف الهلال يتعادل حتى تحياتي لك ولمجهودك واشكرك اخوي |
اشكر الاخوه وكل من ادلى بدلوه نتمنى التوفيق للزعيم |
باختصار مشكلتنا هي البرود الزايد والاخطاء المتكرره وعدم التركيز من بعض اللاعبين |
أختلف معك في نقطة اننا اضعف من الشباب .. شفتهم يضيعون الوقت يعني التعادل لهم ممتاز |
يعطــــيكـ العافيه .... من اسباب خساارة النقطتين:cry: اضاعه الفرص السهله بالإضافه الى عدم التغطيه وخاصه اثناء تنفيذ ركلة الجزاء .. |
السلام عليكم ورحمة الله .. اخواني .. احنا حاطين على الدعيع وانه ليس في مستواه .. والدعيع والدعيع .. أنا أشوف ان الدعيع في مستواه الطبيعي .. ولكن المشكلة في اللاعبين الي ماعندهم مفهوم المتابعه ..لا على المستوى الهجوم .. ولا على مستوى الدفاع .. وبعدين أبسألكم بالله يا أخواني .. وش سوى السويدي ولهامسون للهلال ؟؟؟ كم نسبة استفادة الفريق منه ؟؟؟ وهل هو أفضل لاعب في الفريق عشان يتم التغاضي عنه بهذا الشكل من الإدارة الموقرة ؟؟ والله ما سوى للهلال مثل الشلهوب والفريدي والكوري يونغ لي ورادوي ,,, أوكي يركض ويتحرك .. بس ما عنده الا حركه وحده يسويها بس يرفع رجله ويركض قدام .. وفي المقابل السؤال الأهم .. كم كورة يسلمها ويلي صح في المباراة .. ؟؟؟؟؟ أنا متابعه وأعد الكور له لأنه غابني .. يكفي أول ثلث ساعه ..(((((( ولا كورة سلمها صح .. ولا كورة)))))) لو نقارنه باللاعبين الآخرين .. أبو شلهوب أغلب نقلاته صح وهداف الفريق .... يونغ لي متحرك جيد ونقلاته حلوه .. الفريدي .. يكفيك طب الملعب آخر عشر دقايق ولعب كورتين خطيرة وحلللوه .. وهذا السويدي يحفر من بداية الموسم وما سوى شي يذكر .. ويستاهل عليه المبالغ الي ياخذها .. والقهر انه يلعب التسعين دقيقه كلها .. طيب الفريق محتاج مهاجم .. سرحوا هالسويدي وجيبوا بقيمته مهاجم .. .. أتمنى والله من كل قلبي يدربون لاعبينا المهاجمين والمدافعين على كيفية متابعة الكورة عند الباب ... شكرا ً لكم يا أغلى جمهور في الوجود .. تحياتي وتقديري |
احترم وجهة نظرك بالامس الاهداف الشبابية باختصار كانت من اسباب ضعف التركيز في وسط الملعب مثلا الهدف الاول لاعبي الهلال تناقلو الكورة بشكل جيد حتى وصلت الى رادوي ثم لعبها الى الغنام ماسيطر عليها انقطعت انت في هالحاله وش تسوي اكيد خطاء احترافي الا اذا كان الغنام عليه كرت وهذا ماصار في المباراة لان انقطاع الكورة من العمق %85 هدف . اما الهدف الثاني فلازم نعطي الدعيع حقه في تصديه لضربة الجزاء باختصار الهدف الثاني خطاء في المتابعة ........ شكرا ......اللهم ارحم موتى المسلمين وبالاخص الشاب الذي مات على طريق الخرج ادعوا له بالرحمة |
| الوقت المعتمد في المنتدى بتوقيت جرينتش +3.
الوقت الان » 12:42 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd