|
كاتب نصراوي متعصب يشيد بسامي ويقول : أنه أفضل مدير كرة بالسعودية في الموسم الماضي والحالي ..! السلام عليكم ورحمة الله وبركاته أسعد الله صباحكم ومساءكم بكل خير وسرور في جريدة الجزيرة ليوم أمس كتب الكاتب النصراوي عبدالكريم الزامل المتعصب بعقلانية لفريقه مقالة طويله وفي اَخر المقال خصص جزئية بسيطه للكابتن الأسطوري ( سامي الجابر ) أشاد فيها بما يقدمه كمشرف عام للفريق كتب فيها : ( سألوني الموسم الماضي عن أفضل مدير كرة فذكرت سامي الجابر ,ونحن في منتصف الموسم الحالي لازال ســامـي يـؤكـد ذلـك ). الأخ عبدالكريم رغم نصراويته المعروفه إلا أنه أشاد وبكل عقلانية لمدير كرتنا الأسطورة سامي فشكراً بحجم الأرض والسماء لعبدالكريم الزامل الذي ضرب مثال رائع بالتعصب الراقي العقلاني .. لله درك ياسامي وربي يوفقك : : نقطة بسيطة .. أتمنى من الجمهور الهلالي بأن لايضخم تعادلنا مع الشباب وكأننا خسرانين فالفريق الشبابي يعتبر أقوى فريق بعد الهلال وتعادلنا معه مكسب بشرط الفوز على الفرق الأخرى . . |
ساامي انساان كبير سواء لاعب او اداااري والكبير كبير يا ابو عبدالله اما مباراة الشبااب معليش اخووي اذا كانت المباراة في يدك وكنت تقدر تحسمها بس البروود والغير مباله هي السبب |
\\ سامـي ناجـح بـدون شهـادتهـم , بثقـه شبيـه الريـح لوضعـه لهـذا المنصـب .. يعافيـك ربي يالغالـي , واللـه يوفـق الزعيـم يـارب ..! |
إقتباس:
نعم هناك أخطاء من الدفاع لعدم المتابعه لكن هذا التعادل لاينسف كل مجهودات الفريق طوال الدور الأول !! ودعنا نترك الملامة للمباراة القادمة إذا قدر الله |
سآمي كبير من غير شهادتهم ... وعليناء نسيان مباراه الشباب والتفكير في الاتحاد ... بالتووفيق للموج الازرق |
إقتباس:
// أهلا بالغالي خـالد الكل يعلم بنجاح سامي في مهمته كمشرف لكن جميل أن نسمع ونقرأ اشادة النجاح من نصراوي متعصب فالكاتب الزامل يعتبر خبير كروي وشهادته تعتبر ممتازة بحق سامي .. منور عزيزي :) |
سامي الجابر هرم ولله الحمد انه هلالي |
حتى محمد الدويش يشيد بسامي كأداري سامي بعقليته الكبيره فرض احترامه على كل الاقلام بالنسبه لمباراه الشباب اختلف معك ياخوي لان الهلال كان الاقوى والشباب ضايع وتايه بالمباراه ولكن دفاعنا هو اللي اهدأ الهدفين للشباب لو كان دفاعنا متيقظ كان الامور اختلفت يعني تعادل الشباب ماجأ بقوه منهم ولكن تراخي من دفاعنا واكبر دليل على ضياع الشباب من متى نشوف حسن معاذ ضايع الا اليوم ماقدم مستوى لان الهلال مسيطر بالكامل وماترك فرصه لأي لاعب ماعدأ الهدفين اللي مايسأل عنهم الدعيع لانه ماقصر |
كلهم عارفين ان سامي ناجح .. بس ما يبون يقولون .. ولا يهمنا يقولون او لا و مبارتنا مع الشباب .. ما ابي اقول قوي ..ولا ابي اقول ما حولك احد بصراحه عادي جداً بس فوزهم من أخطاء مثل تعادل شقيقنا نادي النصر بس ماني معطيها أكبر من حجمها . . الحمدلله عندنا إداره مثقفه و مدرب مثقف الله ويوفق الهلال بكل البطولات و بكل المواسم |
سامي فكر راقي واحترافي بشكل كبير والمنطق دايم ينصفه وكل الشكر للاعلامي على الاحتراف يا ليت كل الاعلامين يبتعدون عن التعصب بالرياضه ويكون الاعلام احترافي مو عارف وش دور وزارة الاعلام بذا الشي ليه ما توقف التعصب وهذا الشي اكيد بيدها بالنسبة لمباراة اليوم تعتبر خسارة بسبب اهداف الشباب الاثنين كان بإمكاننا نسجل مثلها وبنفس الطريقه كذا كوره اردت من حارس الشباب ومافي احد يتابع هذا الي يقهر بس ان شاء الله يا رب يتوفقون نجوم نادي القرن بالمباراة الجايه قدام الاتحاد ويعوضونا عن اليوم كل الشكر لك اخوي |
إقتباس:
نعم صدقت بأن الأسطورة كبير وصدقت أيضاً بأنه يجب علينا نسياان مباراة الأمس والتفكير يجب أن ينصب على الخميس القادم تحياتي لك |
إقتباس:
وفعلاً يجب أن نشكر الله كثيراً لأن سامي هلالي ومو أي هلالي !! تحياتي عاشق سام6 ... منور الموضوع |
إقتباس:
أهلاً عزيزي .. نعم سامي فرض نفسه كإداري وبجدارة فائقه وهذا لم يأتي من فراغ بل من مجهود كبير لايلاحظة إلا المقربين من الفريق : : وبالنسبة للمباراة .. أنا لم أقل أن الهلال كان سيء والشباب أقوى من الهلال !! بل كنت أقول أن الشباب يأتي بعد الهلال من خلال القوه , ولاتنسى الفرصتين للشباب بأول المباراة للشمراني والسعران يعني لو أتن تلك الفرصتين فلا تعليق أيداً !! تحياتي ومشكور على تواجدك :) |
إقتباس:
فجميل أن نسمع الاشادة من مشجعي واعلامي الأندية الأخرى .. الشباب على قولتك يعتبر عادي يمكن لأنه قابل الهلال القوي لكنه وبالمنطق يأتي بعد الهلال كقوة ضاربه !! مشكور ع تواجدك .. بالتوفيق عزيزي |
سامي ماشاء الله عليه يملك فكر كروي عالي ... واللي يدل على ذلك أنه مدير الكرة بنادي القرن... أما المباراة اليوم أنا أشوفها خير دافع للهلال لمباراة الاتحاد القادمة لأن اليوم لو فاز الهلال راح يكون فيه زخ إعلامي وجماهيري كبييير... مما قد يفقد الهلال تركيزه على المباراة القادمة لأنه سلاح ذو حدين يا أنك تشد الهمه أو أنك تتراخى لفارق النقاط... لكن عندي تفااائل كبييير جداً بالمباراة القادمة وبوجود سامي راح يكمل الهلال بإذن الله لأن اليوم بصراحة أحس مو ناقص الا سامي... تشكــــــــــراتي ... ودمت كما تود... |
| الوقت المعتمد في المنتدى بتوقيت جرينتش +3.
الوقت الان » 11:52 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd