ياسر القحطاني وجمهور الهلال :) - نادي الهلال السعودي - شبكة الزعيم

_$yasser$_ · #1 05/12/2009, 02:40 AM

السلام عليكم ورحمة الله وبركاته.

مساء الخير

بدون مقدمات

طبعاً اغلبكم شاف مبارة الهلال ليلة البارحة..

وكان الهلال رائعاً في الشوط الاول لكن اخطاء الغنام وثقته الزائده والخطا الفادح من لي يونغ وبرودة الزوري..
هي التي تسببت بالخسارة للزعيم..

لكن بالاخير هذا شئ مقدر..

طبعاً كلكم شاف الانتقادات التي تعرض لها ياسر خاصة بعد مباراة الشباب.

وكانه من من تسبب بالخساره للهلال..

والغريب ان الجمهور اذا سجل ياسر بمباراة يتغنون فيه ويمدحون فيه ..

لكن اذا ما سجل مباراة لو كان مبدع فيها وتحركات ومسوي ازعاج للمدافعين يطالبون بالمحياني او الصويلح يكون بديلاًعن ياسر .

اول شي ابقولكم عن مستويات مهاجمين الهلال .

المحياني:

لم يتاقلم مع الفريق الهلالي وما تعود على جماهير كجماهير الهلال وبالاخير مستوى ياسر وهو متدني افضل من عيسى ولعلمكم انا ما اقلل ابداً من مستوى عيسى بالعكس عيسى لاعب كبير والكل يشهدله على ذلك لكنني احكي الواقع..

الصويلح:

مصاب ,, وابقائه بديلاً بالهلال افضل بكثير من الزج به اساسياً من بداية المباراة لانه في حال دخوله بديلااً عن احد اللاعبين يكون مفعماً بالحيوية حيث يكون الخصم في قمة التعب والارهاق وذلك يساعد الهلال في التسجيل في مرمى الخصم.

العنبر:

لاعب مالمس الكوره ولا دخل جو المباريات له تقريبا 4 شهور ولن يستفيد الهلال منه في الفتره الحاليه..

واخيراً جاء الدور لاتكلم عن ياسر القحطاني:

انا ما انكر ان مستوى ياسر في انخفاض كبير عن المستوى السابق له..
لكن ابتكلم عن ظروف ياسر داخل الملعب,طبعاً كلكم شاف ياسر ومحاولة تسجيله للاهداف لاسكات انتقاداتكم..
لعلمكم ياسر مراقب من قلبين دفاع ومع ذلك شفناه في اكثر من لقطه وتحركاته المزعجة للدفاع الشبابي ومحاولاته للتسجيل باي طريقه وهذا اكبر دليل على بداية رجوع ياسر لمستواه المعهود ..ولعلمكم ياسر اسمه يكفي لارعاب دفاعات الخصم ويسوي ربكة في الفريق وان شاء الله يرجع ياسر كما عهدناه في السابق.

تحيآآتي

ملااحظه: ارجو من اللي بيرد على الموضوع يرد ويعبر عن وجهة نظره فقط بدون تجريح.