|
أفضل لاعب في آسيا !!! الســـلام علــــيكمـ ورحــــمـت الله وبـــركـاتـه مســـــاء الخــــــير يـازعــــــمااااااء آســـــيا ماادري أقول لكم مبروك التعادل وإلا هارد لكمـ التعادل صــراحه مــباراة غـــريبه يــعني لعـبنا باثــنين مــحاور بـس ملــعبنا شــبه مفــتوح,, لـعبنا بــخطه هـــجوميه بحته عــشان يــرتاح يـاسر القحطاني مـن الـرقابه ومن ضـغط المــدافعين اللـي يشــتكي مــنه ووجـوده وحـيدا في الهجوم برضو لا يزال ابوسعيد يتمـشى فـي الــهجوم بــدون ادنــى خطوره..(تكفون لا يـجيني واحد ويقـعد يطـبل لياسر هنا) الحمدلله عندنا مهاجم تتمناه جميع الانديه في آسيا وليس في السعوديه فقط لكن من فتره مو بسيطه وهو وجوده شبه عدمه..اليوم مباراة كامله ماقدر يشوت اكثر من كورتين على المرمى !! ويلي حط له كوره بكنترول بسيط ينفرد بحارس الشباب لكن تعامل مع الكره كأنه لاعب في الدرجه الثالثه وليس افضل لاعب في آسيا قبل موسمين!! أغلب الكرات يستلمها ياسر يحاول يعدي فيها حتى لو كان هناك مجال لتمرير الكره وتكون الهجمه أخطر... المباراة كامله ماشفته حاول ينزل على الاطراف او يسحب مدافعين معه يعني كأنه يلعب وهو مغصوب على المباراة :s5s: حتى في مباراة الاتفاق قالو رجع ياسر ومنزلين لي تصاميم وحالتهم حاله ومع أني اشوف انه في ذيك المباراة ماسوى اي شي يدل على رجعته لمستواه غير تسجيله هدف من ركنيه يعني حتى المدافعين يقدرون يسجلون منها:yes: وفي مباراة الاتفاق واجه الحارس مع اثنين مدافعين مرتبكين وسدد الكره بقوه خارج الملعب ماأدري وش الحكمه:s5s: أنا ماأشكك بقدرات ياسر القحطاني ولا أكرهه لكن من بداية الموسم لعب تقريبا 9 أو 10 مباريات وماشفنا منه الاداء اللي يشفع له ليكون أساسي .. عندنا عيسى المحياني وأحمد الصويلح على الحال هذا كم مباراة وينتهون بسبب دكة البدلاء .. عيسى المحياني كان هداف الدوري مع الوحده وشارين عقده بمبلغ وقدره ليش يقعد بالاحتياط كل الوقت هذا يعني يجوز ابدل نيفيز والشلهوب وهم أكثر لاعبين خطوره في المباراةأما ياسر لا مايطوله العيب :ranting: عيسى المحياني ماحصل فرصته للحين:yes:من جا للهلال لعب مباراتين أساسي وحده خرج من بداية الشوط الثاني والثانيه خرج بآخر الدقايق .. وباقي المباريات يدخل على الدقيقه 85 وفيها عشان يمغط رجلينه شوي:razz: لاعب دافع فيه اكثر من 15 مليون عشان العبه مع الفريق الاولومبي ؟!!!! أقسم بالله حرام ياسر بالمستوى هذا يكون هو المهاجم الاول في الهلال ويلعب كل المباريات أساسي:mad: أنا من اشد المحبين لياسر واتمنى يرجع لمستواه لكن مو لدرجة أني أخسر نقاط بالشكل هذا وهو في قمة البرود :ac: آآسف على الإطاله ,, ولكم مني جزيل الشكر .. |
اتفق معك اخوي عيسى المفروض ياخذ فرصتة واذا ابدع يكون اساسي وياسر احتياط مومعقولة نظلمة على حساب مجاملة للاعب |
موضع اكثر من رائع والله يعينك على بعض العينات من الردود تبي الصراحه بعض العيانت من الجمهور ماراح يقتنع ان ياسر مستوه نازل :yes: الا اذا بارينا فريق مستواه افضل من زعيمنا والوسط ما قدر يسجل وبدت الفرص كالعاده تجي لياسر وكالعاده تضيع الكوره خلف الاخرى :) واهزمناااا :( ذيك الساعه راح يعترف المطلين ان ياسر مستواه مو مثل اول ويلزمه دكة الاحتياط الي رجعت الشلهوب بهذا المستوى |
ياسر من بداية الدوري ومستواه هابط مو ياسر الي كل الجماهير تعرفه اتمنى انه يركز ويترك الانانيه ولا ليش جايبين عيسى |
إقتباس:
إقتباس:
أما المطبلين الله يعيننا عليهم من جد أنا الحين انتقدت لاعب لأني احبه وأحب الهلال لكن هم يحسبوني أكرهه وإلا أنا من نادي معادي مايحتاج أذكر اسمه:naughty: وأبغى أسوي اشاعه ان ياسر هابط مستواه إقتباس:
|
لن أجادلك بياسر ولكن أتمنى ان تتحقق رغبتك ويكون ياسر بدكة الأحتياط لكي تعرف وجود ياسر وحيدا وعيسى المحياني وحيدا (ياسر يومركز اثنين من المدافعين لوحده مع وجود الثالث قريب منهم في أغلب الأوقات) وزي ما قلتلك أتمنى أن يحقق أمنيتك المدرب ولو شوط واحد |
إقتباس:
هذا ومحمد العنبر يعتبر اسوا مهاجم في السعوديه بنظر كثير من الهلاليين وأنه لايستحق لبس فانيلة الهلال وأن أهدافه الثمانيه في الدوري كانت تجيه مقشره قدام المرمى وهذا إن دل على شيئ فهو حسن تمركزه وهاذي تعتبر مدحه له والكثير من المشجعين يقولونها على أنها نقطة ضعف في محمد العنبر.. لله درك ياعنبر:smilie47: وبعدين أي مهاجم بالعالم إذا صار واقف بالهجوم بيثبت معه قلوب الدفاع يعني أنت ماجبت شي جديد الله يجزاك خير:d وحنا مانبي المدافعين يثبتون معه نبيه يتحرك يلعب باصات بسرعه عشان يتفكك دفاع الخصم:yes: مو يلعب على الواقف ولازم يستلم كورته وهو واقف ويسحب فيها لين تنقطع:yes: شاكر لك مروركـ |
كلامك مزبوووووووط....:) ولا ازيد اللي قلته...لازم نعطي المحياني والصويلح والعابد والعنبر فرصه |
انا ابغى اسأل ... من اللي يجامل ياسر على حساب المحياني وليش؟ المدرب بيلعب اللي يشوف انه افضل ورئيس النادي لا يمكن يتدخل في التشكيله ممكن شوية منطق دمـــتم بـــود |
إقتباس:
مانتكلم عن المجامله وإن شاءالله مايكون فيه مجامله بالتشكيله .. لكن ممكن يكون فيه خطأ من المدرب والمدرب بشر مثلي ومثلك يخطئ ويصيب يعني أنا ماأشكك في قدرات وتفكير المدرب أو في قدرات ياسر لكن أشوف أن اصراره على لعب ياسر ماجاب لنا فايده لحد الآن.. وبرضو اشوف ان لاعب بحجم عيسى ماأخذ فرصته في تشكيلة الهلال بالشكل الكافي لأثبات نفسه أتمنى أكون وصلت وجهة نظري لك وشاكر لك تشريفك لموضوعي |
ههههههههههههههههههههه الى متـى .؟ جماهير عاطفيـه اذا ابدع النجم رفعوه لـ السماء واذا هبط مستواه نزلوه تحت الارض ولله ياخي كلامك كله غلـط / ياسر مباراه بعد مباراه يتحسن مستوآه . وموضوعك كله مو بوقتـه وربــي ...!!!! بالتوفيق لزعيـم |
ياخي تعال قدام 4 مدافعين وكل واحد رجله من حديد , بتضيع والمدرج يتفرج |
إقتباس:
وبعدين كيف يتحسن من مباراة لمباراة وكم هجمه مرتده أمس الاظهره سابقينه وهو بنص الملعب يتمشى:ranting: الظاهر انك ماشفت المباراة ولا تدري وش أتكلم عنه وجاي تطبل هنا:yes: وانا كاتب لك فوق لا أحد يجي يطبل عندي إقتباس:
شكل مهاجمين الفتح افضل من مهاجمنا وإلا كان ماقدرو يفوزون على فريق فيه مدافعين من حديد على قولتك:naughty: وإذا كنت بتخلق اعذار للاعب هذا أكبر دليل على الفشل مع أحترامي لك |
اضرب لهم مثال خلهم يفهموون قلهم اذا سوينا به مثل الشلهوب جلس نص الموسم احتياط بيرجع لكم احسن من اول لكن اذا ضامنها بدع او جاب العيد من وين التغيير لا يكون بشعره !!!! |
اقول كيف الحال اجل ياسر ماصلح شي وتبغى المحياني بداله اساسي اسمحلي اخوي كلامك غير منقطي وفيه من العاطفه الشي الكثير والي شاف مباراة امس وقرءاها فنيآ زين يعرف ياسر وش كان دوره بالمباراه ووش كان مصلح تحياتي لك |
| الوقت المعتمد في المنتدى بتوقيت جرينتش +3.
الوقت الان » 07:23 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd