|
مافيه جديد .. ادارة ملعب الامير فيصل بن فهد تواصل محاربة جماهير الهلال والأمن يرفض دخول شالات الشريك الرسمي موبايلي !! السلام عليكم ورحمة الله وبركاته وهاردلك التعادل .. والحمدالله على كل حال كنا نبحث عن الثلاث نقاط لكنها لم تكتب لنا ونقطة افضل من لاشي .. والحمدالله في البداية سأتحدث عن ماحدث لنا كأعضاء مجلس الجمهور الهلالي في مباراة الأمس من تصرفات غير طبيعية ومعتادة مع جماهير الهلال فقط !! فقد استقبلنا منذ وصولنا عصر هذا اليوم برقابة شديدة وتفتيش دقيق ومشدد لدرجة الوصول للأغراض الشخصية في سياراتنا وتم سحب القصاصات الورقية الخاصة بالنشيد الهلالي وكل ذلك يحدث بإشراف مباشر من مدير ملعب الامير فيصل بن فهد رحمه الله ولم يتم الإكتفاء بذلك بل واصل الأمن الموجود بالملعب بمنع علم نادي القرن من الدخول وسحبه من اعضاء المجلس بالإضافة إلى التصرف الغريب جداً !!! وهومنع دخول الشالات المقدمة من الشريك الرسمي موبايلي والتي كانت تقدم في كل مباراة سابقة ويتم دخولها بكل يسر وسهوله ومنع أعضاء المجلس من توزيعها على الجماهير الحاضره بينما في الجانب الآخر تتم دخول سيارات الجمهور الشبابي بدون اي تفتيش ومن امام ناظريً !! لماذا لايحدث كل هذا سوى لجماهير الهلال فقط ..!! فقد صمتنا كثيراً واحترمنا رغبة الجميع ولكن ان نعامل بمثل هذه الطريقه فذلك للأسف واقولها بصراحه يسمى استهداف لجماهير الهلال فقط عن جماهير الأندية الأخرى ؟؟ لكن من هنا ونقولها وبالنيابة عن اعضاء مجلس الجمهور الهلالي سنواصل عملنا من اجل الشعار الذي عشقناه منذ الصغر وتربينا على حبه وخدمته في كل زمان ومكان وسنجعل المدرج الهلالي دائما يظهر بأحلى منظر وابهى صورة . |
إقتباس:
أحييك .. .. وبخصوص الأمن قدامي أمس واحد منهم يتكلم بكلام بذيء على أحد مشجعي الهلال والسبب ان المشجع يبي يدخل معه للمدرجات بالون دلفين .......! |
السلآم عليكم ورحمـة الله وبركآته . هآردلك خسآرهـ تقطتين . وإنا أستغرب كلآمك مع أني كنت في املعب وحضرت ومحد أعترضني ! الشي الوحيد اللي واجهني الطابور الطويل لأنتظار التفتيش . والتفتيش كان عادي جداً .. وأقل من عآدي .. ! إتمنى مانكون حسآسين شوي ونصير زي جماهير الجآر نحب أن نلفت الأنتباهـ ونضع أنفسنا دوماً مظلومين . وشكراً :rose: |
ليش كذا طيب ؟؟؟؟؟؟؟؟؟؟؟؟؟ |
لابد من ادارة النادي ان تخاطب مدير الملعب ومناقشته في هذي الامور الي تصير لجماهير الزعيم لماذا جماهير الزعيم بالذات ؟؟؟ تسلم اناملك يالغلا دمت بود وخير |
لا جديد .. الهلال دائمــاً محارب .. وليتها وقفت على ها الشي بس .. مانقول الا ( حسبي الله ونعــم الوكيـل ) |
صدقت اخوي فعلا وانا واخوي ولد عمي كنا لابسين تي شيرت الهلال عليه مكتوب (الهلال نادي القرن) وعباره عاديه ولادخلونا ولكن دخلنا التي شيرت بالخدعه خبيناه داخل الاكوات ياخي والله عيب اللي يصير واشك ان مدير الملعب نصراوي ومتعصب لان دايم تحصل مشاكل لجمهور الهلال من هذ الملعب بذات |
شفتهم وعلم موباسيلي ساحبينه مني وينفخ يقول اي علم عليه كتباه ما يدخل والله شي غريب جمهور النصر يدخل اعلام كبيره فيه عصى مثل الاعلام الي تشتهر فيها الجماهير اليابنيه |
امرينا والله قهر شوف وش سوو بنا في البوابه حقه المنصه والله كأنهم يشوفون اسرائيلي وربي وين .... والله حرااام بلاهي يابو مساعد رجيتك شفلنا حل لجماهيرك اهـــــ اهـــــــــ لكن حااضر حااااضر لو يسير اللي يسير تكفــــى يابو مساااعد شف حل لنا |
.. وبخصوص الأمن قدامي أمس واحد منهم يتكلم بكلام بذيء على أحد مشجعي الهلال بحجة ان المشجع يبي يدخل معه للمدرجات بالون دلفين .......! |
كنت موجود ورايت كل اللي صار ,, حتى اي مشجع هلالي ياتي بشال خاص فيه ياخذونه ويحطونه عندهم العسكر ,, ولما تطلع بتدور الشال ماتلقاه .؟ اي قانون هذا ؟ عجبي ! |
اقسم با الله اني حاظر ومعي 8 وسحبو الشالات منا لدرجة انهم كانو ناوين يسحبون القبع مني وقالولي افصخ الشراب اعزكم الله من اجل التأكد انا ما في شي معي وحتى ولد عمتي والله عمره 8سنين فتشوه تقول كن معه قبله بيفجرها في الملعب ما أقول الا (حسبيا الله ونعم الوكيل) |
,, ,, ,, قسم بالله شيء يقهر الحين موبايلي تتعب وتطبع وآخر شيء مايدخلونها وأنتم يالأعضاء تتعبون في طباعة الورق وفي الأخير يتم سحبها . ياعبد الرحمن بن مساعد تحملنا حتى وصلتا لمرحلة عدم التحمل. قسم ثم قسم إني منقهر مو علشان الجمهور فقط حتى الحكام وحتى لجنة الانحطاط وحتى ..وحتى .. تحملوني شوي لأن ضغطي ارتفع منهم :d .. |
لاااااجديد ... والله بكل ملعب نلاقيهم مستقصدين جمهور الهلاااال دون البقيه ... الله يعينكم اخوي ويقويكم .... واشكرك على روحك العاااليه وحبك للشعار الهلالي s13s |
يجب تصعيد الموضوع لإتخاذ الأجراءات الازمه ؟؟؟ إلى متى نسكت ؟؟؟؟ نطالب بالتحقيق بالموضوع ... |
حسبنا الله و نعم الوكيل على كل مسؤول فيما حدث و يحدث لتلك الجماهير الهلالية من أذى و من ظلم .. في ظل صمت رهيب ممن يهمه الأمر ..!! |
ليس الشالات فقط ..تم اجبار من يرتدي جاكيت لونه مثل لون الامن أن يخلعه ؟ هل يعقل في هذا البرد ؟ حسبنا الله عليهم ..لم يسمح لهم بالدخول حتى خلعوها وبفوا يرتجفون من البرد طيلة المباراة ؟ من المسئول ؟ وهل لابد أن نشتري جاكيت على مزاجهم ؟ لا بعد كانوا يريدون مصادرتها ..أو إعادتها للسيارة وربي مهازل بحاجة الى تدخل سريع ... |
هالحنوسات ياخذون الشالات والله العالم وين يودونها !! يعني بصراحه وصاخه وتعمد تطفيش جمهور الهلال من الحظور ! والله يعينكم يارب |
ما أقول الا حسبي الله عليك يا محمد العتيبي الي كرهتني حضور المباريات.. تخيلوا دافع 1200 ريال اربع تذاكر وبالإخير يقول ما تدخل هنا أتمنى صوتنا يوصل لإدارة النادي عشان لا يطفش ناس غيري بالنسبة لي بيتنا أرحم واشرف .. |
هلا اخووي مازن.. والله انا حاضر مباراة الاتحاد والشباب في الرياض والله العظيم لا تفتيش ولا شي حتى الموية تقدر تدخلها .. لكن اذا جت مباراة الهلال تقفل الابواب ما يفتحون الا باب واحد رغم الزحمة وتدقيق شديد في التفتيشات .. ما نقول الا الله يعيين .. وما قصرتوا .. صراااحة الجمهووور اليوم رووووووعة الف شكر ... مشعل بن سعيد |
مشكور اخوي على نقلك وتوضيحك لمعانات جمهور نادي القرن الله يعين بس |
هاردلكم بالزعماء وانا اليوم حضرت وشفت كل شئ بعيوني الشالات الخارجية من الجمهور مادخلت والشالات موبايلي مننا مادخلت وتفتيش من اعضاء مجلس الجمهور غريب ,,,,, بالتوفيق للزعيم |
الحمدلله ولاحول ولاقوة الا بالله |
هٌلاُ مازن..هاردلك التعادل..ومعوضين قدام الأتحاد إن شاء الله.. قبل كلش..ودي أشكركم على الشغل الي قاعدين تسونه با المدرج.. صراحه شي خيالي..ومجهود بطل..ودي الناس يعطون جهودكم حقه..لكن صدقني الي تسونه يسعدنا ونطمح للمزيد..لكي نصبح أفضل جمهور يستخدم التشجيع الجماعي والحضاري.. أرجع وأقول..عساكر الملاعب ودي يتأدبون كلهم..صراحه شي يقهر.. كل الي أنت تقول..شفناها با المباريات الماضيه..طيب ليش هالحين با الذات تمنع..حتى أذكر كمره..حضرنا الهلال والرائد ببريده..كان معي شال عادي زي أي مشجع..جيت بدخل قال ممنوع قال وش الي ممنوع فوضى هي..قال مافي دخول ممنوع قلتله مريض انت.. وحولت مع البوابه الثانيه..قلتله عادي أخش قال تفضل.. هالمهم..أخواني مازن..أنا ودي تجتمعون أنتم والعيال حقين مجلس الجمهور الهلالي..وتتفقون تبلغون الإداراه بهالشي..عشان مايتكرر بمباراة الخميس القادمه قدام الأتحاد..وأكرر شكري وإعجابي با العمل الي تقدمونه..وبإذن الله الجمهور الهلالي سيحضر بقوه.. :rose: |
أولا:أشكر مجلس الجمهور الهلالي على الجهود الواضحه با الفتره الماضيه.. ثانيا:أتمنى أن لا يمر هذا الموضوع مرور الكرام..حتى لا يتكرر با المباريات القادمه.. |
أخوي أتمنى تفعيل دور الجمهور..ويكون التفاعل أكبر..لأن المدرج مليان والجماهير صامته.. نبي تشجيع وهدير أزرق.. |
مدير الملعب شكله متخلف !! يجب تغييره بأسرع وقت |
يجب تصعيد الموضوع لإتخاذ الأجراءات الازمه ؟؟؟ إلى متى نسكت ؟؟؟؟ نطالب بالتحقيق بالموضوع .... |
آتفق معآآك آن فيه تشديد <<ولاكن تصحيحآ لمعلومآتك آنآ لمآ خذيت التذكره وآتجهت للبوآبه بدآ العسكري يفتشني وكآن معآي شآل للهلال بدون شعآر موبآيلي وآخذه العسكري وقآلي ممنوع دخووله سآلته ليش قآلي العسكري بالحرف : ممنوع دخول آي شال هلالي لايحمل شعآر موبآيلي وهآذي توجيهآت إدارة الملعب <<معنآتهآ مآفيه تحآمل ولا شي ,,, آشكرك ويمكن اللي نقلك الصوره مآنقلهآ صح , |
قسم بالله ياوضع الأمن في الملعب لا يطآآآآآآآآآآآآآق جدا كل الملاعب كووم وملاعب الرياض كووم ثآآني بالفم المليآآآن وربي إنهم (عسكـــر همممممممممممج) إلا ماندر.. كانت أمنيتي تدعيم المواقف بالصـور حتى تصل لإدارة النادي والملعب موثقـه.. لكـن مانقول إلا الله يعين على هالهمجيـة اللا منطقيــة ... أتمنى أن تتواصل الإدارة مع مسئولي الملاعـب لنخرج بحل منآسب يرضي الطرفيـن.. ألف شكر لكم يامجلس الجمهور الهلالي..( بالخــ:ba: ــرج ). فعــلا أفعالكم تشهـد على ماتقومون بــه .. دمتم حبآآ للزعيــم.. وعشقآآ في جماهيرهـ.. تقبل تعقيبي المتواضع |
لا جديد والله امس التفتيش زحمه فل يالله دخنا يوم جيت عند العسكري تفتيش عادي وبسهوله ههههههههه طيب تسوي الزحمه هذي واخر شي عادي اقول الله يقلعكم بس والله يعينا امام لاتحااااااااااااد بس |
يجب تصعيد الموضوع لإتخاذ الأجراءات الازمه ؟؟؟ إلى متى نسكت ؟؟؟؟ نطالب بالتحقيق بالموضوع ... |
والله يا عيال مفرووض هالموضوع يوصل لشبيه الريح ويوصله للامير سلطان عشان يشوف لنا حل بمثل هالتصرفات من مدير الملعب انا اقولكم جمهور الرياض دايما يكون عالموعد بس بيجي يوم جمهور الرياض ما بتحصلوا احد منهم يجي عشان هالتصرفات من مدراء الملاعب اللي ما نلاقيها الا بملاعب الرياض وبيجي يوم يتمنى فيه سلطان يشوف جمهور بالملعب شوفوا الدوري القطري والله يتمنوون الجمهور امنيه موفررين كل شي حتى مركبين سبليت عشان راحتهم وبيجينا ايام مثل الدوري القطري يتمنون يجي احد للملعب ومستعدين يسوون اي شي عشان يحضر |
معقوله صار كذا والله امس انا حاظر ومعنى شالات وشعار الهلال ولا شتف شي |
مدراء الملاعب بالرياض وعلى راسهم النمشان فشلوا فشل ذريع بمهامهم ليه جمهور جدة دخلون بكل شي وحنا تفتيش ماله داعي لازم يشوفون لهم حل |
لابد من ادارة النادي ان تخاطب مدير الملعب ومناقشته في هذي الامور الي تصير لجماهير الزعيم لماذا جماهير الزعيم بالذات ؟؟؟ تسلم اناملك يالغلا دمت بود وخير |
فقط لأنه الهلال التاريخ الإستثنائي للكرة السعودية .. |
مهما حالوا محاربة جماهير الزعيم فلن يستطيعوا ايقافه عن الحضور |
إقتباس:
للتوضيح هذه صورة للشالات التي كان من المفروض توزيعها على الجماهير الهلاليه داخل المدرجات http://dc05.arabsh.com/i/00685/k4dd3lpo4jik.jpg ومنعتها ادارة الملعب من الدخول وبالنسبه لبعض الاعضاء والذي قد يكون ايضا فهم الموضوع بالخطأ أن هناك تفتيش شخصي ودقيق سواء للسيارات أو للاشخاص غير مسبوق حصل لاعضاء مجلس الجمهور الهلالي وأن كان من ضمن من يقوم بالتفتيش على اعضاء المجلس مدير الملعب حتى وصل التفتيش لاغراض شخصيه خاصة داخل السيارة ليس من حقهم حتى تفتيشها وايضا تم منع قصاصات ورقيه مكتوب فيها النشيد الهلالي وبنرات للنشيد الهلالي وعلم نادي القرن طبعا اللوم على إدارة الملعب بينما رجال الامن كانوا في قمة التعاون خصوصا من كان في الواجهه في القسم المخصص للجمهورالهلالي نتمنى أن يكون هناك قرارات من الادارة ترفعها للاتحاد السعودي لمناقشة الامور التي يعاني منها الجمهور الهلالي وبالخصوص جماهير الرياض التي مازالت تتكرر لها الاساءات من ادارات الملاعب فائق إحترامي |
السؤال لماذا الهلال دائما محارب هل للشهره دور في ذلك ؟ |
أهم شي نبي حل سريع قبل مباراة الأتحاد.. |
الله يستر من مباراة الاتحااااااد !! |
حسبي الله ونعم الوكيل.......شكرا جمهور الهلال......شكرا لك . |
للرفع............................................... |
وانا اشوف الاوراق ماجتنا الا اخر الشوط الثاني خخخخ قسم بالله تخلف هالأمن :d لكن الهلال كبير غصبن عنهم :smilie47::rose:’’ |
شباب آنا كنت حاظر المباراة بالملعب .. والشالات اللي جات مع التذكرة ماحد سحبها مني ولاشي .. واذكر اني شفت الأمن سحب شالات من بعض الجماهير وسألتهم عن السبب قالوا..: اللي يدخل فقط الشالات المجانية اللي تجي مع التذكرة .. من ناحية التعامل ... ماشفت إي تعامل سيء للأمانة .. وافضل كثير من تعامل العام الماضي واللي قبله محبتي |
الشالات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عطونا مبرر طيب الشالات ليش تمنع ؟؟؟!!! حسبي الله ونعم الوكيل ... النشكله الشال غاااااااالي علي موب اي شال , شاريه يوم اعتزال ساااااااااااااامي وهذى اللي قاهرن ... |
لا جديد .. الهلال دائمــاً محارب .. وليتها وقفت على ها الشي بس .. مانقول الا ( حسبي الله ونعــم الوكيـل ) |
شيء مؤسف للغاية إذا كان هذا يحدث مع جمهور الهلال فقط |
اتمنى يوصل الموضوع لادارة الهلال ويتم التحقيق مع ادارة الملعب الفاشله احب اقدم شكري لكم مجلس الجمهور الهلالي على ماتبذلونه من جهد خرافي في سبيل اظهار الجمهور الهلالي بأحلى طله ,, الله يعطيكم العافيه والصحه |
سنواصل عملنا من اجل الشعار الذي عشقناه منذ الصغر وتربينا على حبه وخدمته في كل زمان ومكان وسنجعل المدرج الهلالي دائما يظهر بأحلى منظر وابهى صورة . [/QUOTE]كفووووووووووووووووووووووووووووووووووووووووووووووو والله أبطاااااااااااااااااااال ... وانا حضرت وشفت جهودكم الرائعه ولا هي غريبه على الرجال الي مثلكم وشرواكم وبصراحه تشكرووووووووووووووووووووووووووووون عليها وبالنسبه لأمن الملعب فأمام عيني يمنعون الشالات الي عليها اسماء أو أرقام وايضاً رأيتهم يفتشون الكراتين اثناء دخولها الملعب ... فحسبنا الله ونعم الوكيل مشكور أخوي ,, دمت زعيمـ ,, مجنوووووونك |
حتى عند البوابات يصادرون الشالات والسجادات وانا صورت الشالات على الشبك مسكني العسكري ووداني عند الضابط ولا طلعني الا يوم مسحت الصور |
بالعكس تفتيش طبيعي جدا!! اناا دخلت بشاال الهلال عاادي جدا بس الشالات اللي فيها ارقام لاعبين و اسماااءهم ممنوووع |
مافيه احد يتكلم عليهم من رجال الهلال ولاكان مامنعو الشلات ،، |
الهلال دائمــاً محارب .. وليتها وقفت على ها الشي بس |
| الوقت المعتمد في المنتدى بتوقيت جرينتش +3.
الوقت الان » 06:15 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd