|
مفاجأة غير سارة لكل هلالي في الحقيقة والواقع اصبت بخيبة امل من مبارة اليوم والسبب بكل بساطة ان الزعيم خرج متعادل في المبارة كننا نمني النفس ان نبتعد وبمسافة في جدول الدوري وان نصل بالنقاط الى 28 نقطة ولكن قدر الله وما شاء فعل والمفاجاة الغير سارة هي: انخفاض مستوى الشلهوب ومن مباراة الاتفاق واعتقد ان رجوعه لمساندة الزوري دور في ذلك . كلنا يدرك ان الشلهوب يجيد الهجوم فقط واتمنى رجوعه لمستواه المنتظر من مباراة الاتحاد الزوري : يا اخي نحبه ذا الاعب بس بارد جدا .. فرق بينه وبين الكوري لي الغنام : محور ولايجيد قطع الكرة مصيبة .. مستواه متذبذب رادوي : اليوم يلعب وهو خايف ياخذ كرت اصفر ولذلك ماظهر كعادته ياسر: مهاجم مشاكس فقد حاسته التهديفية ويلي: طريقة لعبه مكشوفه ورفعاته غلط غريتس : باختصار نبغى المحياني يلعب مع ياسر مهاجم ليخفف الظغط عن ياسر وحتى لايفقد جوالمباريات وتتاثر نفسيته خاتمة: الهلال الى الان تعثر بتعادلين مع فرق الرياض ( النصر والشباب) الهلال حظه على ملعبه غير جيد ومن العام الماضي نذكر تعادله مع الوطني والاهلي والوحدة الهلال خارج ملعبه فوز ومن العام الماضي مااذكر انه خسر خارج ارضه غير من نجران فهل يتدارك نجومنا ذلك ويعودوا للانتصاارت مع الاتحاد ؟ نقول انشاء الله |
انخفاااااض مستوى الشلهوب غريبه الشلهوب لعب احسن من غير لو انه مو ذاك المستوى بس اقل شي الهدف شفعله اما الغنام اليوم مو طبيعي من جد خسااااره تجليس عزيز بالبدلاء لو انه مو بالفورما وتقبل مروري |
الحمدلله على كل حال ... والتعادل يارجل ولا الهزيمة ... المهم هي المباراة القادمة والله يستر ... تحياتي لك ... |
لكل شخص وجهت نظر بس الشلهوب قويييييه شوي مستواه معجب الكثير وسجل هدف عالمي بالتوفيق ان شاء الله اما الاتحاد |
يع ـطيك الع ــآفيــه خيوو ..} أجمل نقطة في الحديث / قريتيس : نريد المحيآني بـ جآنب القحطآني .., إلخ ,, تحيآتي لك , ودمت بـ ود ,, |
طبيعي ينخفض مستوى اللاعب مباراة اومباراتين لأن هذا بشر وليس ماكينه.. وكلن بأنتظار عودة الشلهووب.. الله يعطيك العافيه أخوي.. |
المباراة انتهت بخيرها وشرها قدر الله وماشاء فعل وان شاء الله ان المدرب واللاعبين يتفادون الاخطاء اللي حدثت ويصححون الاخطاء اللي صارت وتكون درس لبقية المباريات . يجب ان يكون النقد هادف وبناء حتى لايتأثر اللاعبين اكثر مما هم عليه الآن . ان شاء الله في مباراة الاتحاد يكون الانتباه والتركيز اكثر وبالتوفيق للزعيــــم . |
............... معوضه وأنا أخوك في المباراة الجاية مباراة جميلة جداً في الشوط الأول فعلاً مستوى باهر ماشاء الله بالنسبة للهلال الشوط الأول وحصل بعدها تراخي من الجميع ماعدا الدعيع ونيفيز وقدر الله وماشاء فعل وأجمل مافي المباراة بعد جماهير الزعيم ماقصرتوا وبيضتوا وجيهنا . . . |
الحمد لله على كل حال واحمد الله اننا ماخسرنا بس :) |
الشلهوب اليوم ما عليه امومآآآآآ الغنام والله حرام بنادي الهلال لييش عزيز احتياط و الغنام اساسي هههههههههههههههههه والله الا الحين ما دخلت راسي الفكره لكن نقول هذي قرارات مدرب بالتوغيق للهلال |
الاخطاء هي السبب في الخساره اليوم ارجاع الكره للخلف اكثر مره كادت ان تودينا في داهيه صبرنا على ياسر بدا ينفد انبحت حلوقنا وحنا نقول لعبو عيسى في مركزه الاساسي مو مهاجم مساند الغنام مدري وش فيه اليوم كان عاله وفائدته معدومه يجب على الاداره توجيه لفت نظر لنفيز حتى مايكرر الحركه اللي سواها لما بدله المدرب وكان يفترض ان الفريق يستمر في هجومه وضغطه بس مدري ليه تراجع الفريق بشكل غريب |
الحمدلله على كل حال ... والتعادل يارجل ولا الهزيمة ... المهم هي المباراة القادمة والله يستر ... تحياتي لك ... |
هل الخبر الغير سار للهلاليين انخفاض مستوى الشلهوب مع العلم ان سجل هدف ؟ ولا كانت النتيجة فوز الشباب 2-1 هل يازين اللي ينخفض مستواه اذا كان بيسجل لي هدف . |
والله الود ودك تأخذ الزوري مع يده وتوديه بالدكه وتجيب بداله شافي احسن منه بمية مره دام الذياب موقوف والله لو انه مركز شوي وماسك خانته ماكان صار اللي صار لكن قدر الله وماشاء فعل |
أنا ما قهرني أحد مثـل المحترق أقصد المحترف (( ويلي )) أعتقد أن اللاعب في بداياته كان لعب جري !!! وليس لاعب كرة قدم يركض بلا جدوى ,, وكأن الهلال يلعب ناقص أما الغنام والزوري والمرشدي فمستواهم صفر على الشمال |
| الوقت المعتمد في المنتدى بتوقيت جرينتش +3.
الوقت الان » 04:19 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd