|
[[ عتبي عليك ياجيريتس ..!! , وعتبي على الي يقول ان ياسر خيب الظن !]] الســلام عليكـــم ورحمة الله وبــركــاته . اولاً : هـاردلك على التعادل بطعم الخساره .. والحمدالله على كل حال , وكلنا غير راضيين عن النتيجه ( القااتله ) !! وقدرالله وماشاء فعل ,, . أدخل بالمهم ,! .. مباراة الليلة , انتهت 2-2 , ماقصرو سوو الي عليهم والله , لكن انا عتبي على أشيااء كثييره وخطاء حصلت بالملعب !! ومن ابرزها , الدفاع !! .. وشلون مفتوح من الجهة اليمنى بالشوط الاول , والله ان الدعيع مااسك الحراسه والدفااع .. الجهة اليمنى كاانت تخووف والله .. لكن الله ستر , ولكن للأسف باخر الثواني جا الهدف القااتل .. وياسـر ولكل من يعتب على ياسر , والله ان ياسر ماقصر لكنه ممسوك !! انتم شفتو كم هجمه له ووشلون قطعوها منه , رقاابه مااسكه ياسـر مسك ..!! وماقدر يفلت ابد .. وكنا متأملين انه بيسجل لكن للأسف الدفاع الشبابي كاان ماسك ومراقب ياسر على كثف ,! وللأسف ماقدر يسجل ولكن نقول قدرالله وماشاء فعل , وتمنينا هدف للكـآسر , لكن عندي عتب على بعض الجماهير الهلاليه , الي تقول ان ياسر .. خيب ظنها .. ماكان بمستواه ...الخ ,, والله ياسـر ممسوك ..!! الي شااف المباراة صدقووني انه بيعرف انه ممسوك ..!! رقاابه مااسكته مسكه .. يبي يفلت منها بي طريقه مهب قاادر ..!! وكان شبيه الريح ابوفيصل , متأمل أن ياسر لن يخيب ظنه , ولكنه سو الي عليه ولكن الحــــظ خــانه ..!! وإن شاء الله بس نشوفه بالمباريات الجايه ,, والشلهوب والله ماقصر أأبــــدع .. بمعنى ماتحتويه الكلمه والله .. جاب هــــدف أأوروبــــي والله ,, ويستحق الشكر والتقدير عليه ,, ونيفيز جاب عاارضه لكنه مايأس .. الين جاب الفاول الثااني وعلقهاا بالمرمى .. ولكن لو تلاحظون .. ان اهدااف الهلال كانت من براا منطقة الجزااء .. لانه كان مسكــر ..!! ورقاابه شديده جداً على ياسر .. وأنـا أقيم فريق باتشيكو أنه صراحة بالدفاع نجح 100/100 بمبارة الليلة , ولكن عتبي على جيريتس .. ليش يطلع الشلهوب ويدخل الدوسري ..!! ويطلع الغنام ويدخل بداااله عزيز ..!! وشلون ياجيرتيس تدخل عزيز وعزيز مالعب من بدااية الدوري الا 24 دقيقه بس !! يعني تغييرات غريبه جداً من جيريتس صرااحة , وانا استغربت هالتغييرات كثير .. ولكن الشلهوب والله ماقصر كمل الين اخر دقيقه وطلعه .. والدوسري ماسو شي أبداً يوم دخل , ولو انه مخليه اساسي وماطلعه أحسن والله , لكن يبقى القرار الاول والاخير له لانه عقليه إحترافيه وأعلم مننا بهذه الأشياء ,, ولكن الفريدي ليش ماكان أساسي ..!! اصابته خفيفه , وماتمنعه انه مايدخل اساسي , الا شوفو كم دقيقه بس دخل وش جاب من هجمات ماشاءالله عليه ,, وتخيلو لونه أســاســي !! كان كنا بنشووف له لمساات وهجمات مميزه .. لكن عتبي الاول والأخير على جيريتس , لأنه لم يدخل الفريدي ااساسي .. وأخطـأ بـ التغييرات ..!! ولكن قدرالله وماشاء فعل ,, والحمدالله على كل حآل ,, وضااعن مننا نقاط ثمينه جداً , لكن الشكوى الله .. وقدرالله وماشاء فعل ,, والحمدالله اننا الى اللحين متصدرين بـ26 نقطه , ولكن ياخساارة الـ3 نقاط , لكن خلاص شي وقضااا , والحمدالله على كل حال ,, |
الهجوم كان ناقصة يتابع الهجمة صح .. لاحظنا كذا هجمة تهدد مرمى وليد وتخرج ولم تجد من يتابعها ... عكس ماكان بفعل كماتشوا يتابع الهجمة صح . والله قهر هجمات محققه تضيع لانها لم تجد من يتابعها .. عزيز دخله المدرب ربما لاعدادة للمباراة القادمة . |
ياسر حركته بطيئة وفقد حساسية التهديف لازم نعطي فرصه للمحياني |
الله يستر والله ان الزوري والغنام فاتحين مخارج !! الله يستر ضد الإتشاد الله يستر ضد الإتشاد الله يستر ضد الإتشاد ~> ويعطيك الف عافيه اخوي ع الموضوع <~ |
اذا على قولتلك ياسر ممسوك وهذا اللي اثر على مستواه معناه انه لاعب يستسلم للرقابة .. ياسر يخلخل دفاع الخصم بس اذا جينا لشغلته الأهم وهي الاستفادة من الفرص نلقى ياسر غايب !! وفرص تضيع وبعد الفرصة الضايعة ابتسامة !! وعلى هالمنوال وياقلب لاتحزن |
الــــــــزوري + المرشــــــــدي + الغنــــــــــــام الحل هــــــو اشــــــــارك النجـــــــــم خـــالد عزيــز والتعــــــــاقد مع مـــــدافع البـــــــحرين وجـــــــــود كــــــــــامل المــــــــر مهم في الهـــــــــلال (( وجهة نـــظر )) |
أقول التكتيكي ويلي ذآ نكببببببببببببه .. لآزم يشوتونه قبل لآ يجيب العيد في آسسيـآ .! |
وش الي ممسوك ؟ اجل تبيه يتركونه ويقولون تفضل يابعد عمري رح سجل ؟ !! كل المهاجمين العالميين يتمسكون ويعرفون كيف يهربون من الرقابه كلاك قسم بالله غير منطقي ابد ..!! امنيتي المحياني اساسي امام الاتحاد وياسر يلعب الشوط الثاني او تدري ؟ مو لازم خل المحياني اساسي كل المباراة ولو اخطا مانلمه لانه مالعب الا مباراة وحده في الدوري :) |
إقتباس:
من جنبهااا .. مدري وش جاه من جا الهلال , وياسر طبيعي انه ينمسك لكنه بزيااده ذالرمه شف وشلوون ماسكينه ..!! ماقدر يمر يحااول يرجع وخصوصاً القااضي شف مطلع كل طاقته عليه كسره ومااسكه والله انه ماقدر يفلت ,, واقسم بالله المحياني مايجي ربع مستوى ياسر حالياً , المحيااني دااااااج .. حاول اذا حيت تكتب مره ثانيه تقرا الموضوع زين , وتعرف تحلل ,, |
إقتباس:
وباءذن الله سنراه بالمباريات الجايه بمستوى أحسن ,, |
إقتباس:
عجبي !! |
هاردالك على التعادل المر وانشالله يكون دافع للاعبين انهم يعوضون اما الاتحاد |
الله يستر والله ان الزوري والغنام فاتحين مخارج !! الله يستر ضد الإتشاد الله يستر ضد الإتشاد الله يستر ضد الإتشاد ~> ويعطيك الف عافيه اخوي ع الموضوع <~ |
والله شوف اخوي تغيرات المدرب من وجهة نظر حلوة الا الدوسري عزيز دخولة بدال الغنام الكل كان يوايد دخولة لانة نكبنى والتغير ماعلية كلام بس عزيز ماقدم مستواى يعني لاتقول التغير فاشل والفريدي تغير ممتاز ولاقلت كلام هذا علشان ابدع بلعكس اول ماشفت التغير اقنعني بقوة وعندي كلام كثير ماظن بيخلص تقبل مروري ملاحظ .اتمنى اخذ فرصة اكتب موضع مفيد نستفيد منة يادارة عطوني فرصة |
اهم شي الاتشااااااااااد اذا فزنا عليه يسير الفرق بيننا وبين الاتشاد 5 نقاط والشباب ما يخوف يضيع نقاط امام الفرق الضعيفه وتذكر كلامي اهم شي نعرقل الاتشاد ويا مزينها اذا خسر من الاهلي يا مزينها والله |
إقتباس:
وطبل يا مطبل ............. |
ياسر حركته بطيئة وفقد حساسية التهديف لازم نعطي فرصه للمحياني |
إقتباس:
انا اقول للي يقولون انه خيب الظن , ياسر ممسوك وانت اذا كنت شفت المباراة شفه .. كم فرصه جته والله اهدااف لكنه ماقدر يفلت , ولاحظ انت ان اهداف الهلال كلها من برا منطقة الجزاء , يبينلك هذا ان دفااعهم مااسك وبشده ..!! وياسر حاول يتراجع علاان يقدر شوي يفك الدفاع الشبابي لكنه ماقدر ولا وفق , وأنا غير مطبل لياسر أو غير ياسر , بل مشجع وعاشق للكيان الهلالي , ولكن أبين لـِ ضعوف النفوس , الي يقولون ياسر .. ماقدم مستوى .. وياسر وياسر ..ألخ , |
الحمد لله على كل حال .. الفريق قدم مستوى مميز ولكن التوفيق بيد الله ولا زلنا متصدرين .. ومعوضين ان شاء الله في الجوله الاهم يوم الخميس القادم .. |
يا خي لاتكتب وتدافع عن لاعبك المفضل اعتقد لو كان العنبر او اي لاعب اخر موجود كان سجل الليله اكثر من قول على الدفاع المتهالك لفريق الشباب خل عنك ممسوك الرجال ما عاد يعرف يثبت كوره كم كوره كانت شبه انفراديه له وش استفدنا منها |
نلعب على انفسنا اذا قلنا ياسر ماسجل عشانه ممسوك :) |
اولا هاردلك للجميع وثانيا قولوا الحمدلله على كل حال اما بنسبه لياسر فعلا كان ممسوك ولكن ياسر فلت من الرقابه اكثر من مره وجته فرصه من نيفيز وضاعت وايضا صنع كم كوره ولكن لانسسى ان ياسر يلعب مهاجم وحيد والمدرب يعرف ان ياسر سيكون مراقب ولذالك اعتمد على القادمين من الخلف ومن وجهة نظري ان ياسر كان مستواه جيد جدا من خلال تحركاته داخل الملعب وفتح ثغرات ولكن كان ينقص الهلال اكمال الهجمه يعني مي معقوله اكثر من شوته يصده الحارس وترجع ولكن ماتلاقي الي يكمل الهجمه !!!!!! اما بنسه لتغيرات المدرب فانا معه ولكن بتغير نيفيز انا ليس معه المفروض الي يطلع ويلي لان ويلي بصراحه صار بس يعدي كثير ولا عرضيه منه ونيفيز كان مبدع وجهة نظري الشخصيه جمهور الهلال يجب علينا ان نهدا قليلا فالمباراه كانت صعبه والاعبون قدموا الي عليهم وكل الاعبين كانوا في مستواهم مي معقوله اي تعادل على طول نتكلم في العيبه او نقول فلان ماقدم انا اشوف بالعكس الهلال قدم افضل مباراه واهداف الشباب جت من اخطاء الغنام وضربة الجزاء فرجاء شجعوا الاعبين امامنا مباراه مهمه فلا نريد ان نتهم الاعبين بالتقصير او غيرها على الاقل خلو الدور الاول ينتهي بفوزنا على الاتحاد وبعدين ناقشوا الامور بهدوء وعقلانيه وهذا طلبي اتمنى الان التفكير في مباراة الاتحاد ونسيان مباراة الشباب والي قدم او ماقدم اعتقد كل هذي الامور ماتفيد لان في مدرب يقيم وهو يعرف من يختار والواجب علينا الوقوف مع جميع الاعبين وتحفيزهم ؟؟؟ |
:: أنا ماشفتهم ماسكينة بالعكس ارتداد الكورة من وليد عبد الله طلعت مرتين آوت بدون حتى تكملة مدافعين إلا إذا كانوا ماسكينه ولوتمر الكورة بسلامتها أهم شيء ياسر لا يمر هذا شيء ثاني اللي ودي أعرفه شيئين كون ياسر ماجته كور يعني العيب منه وإلا العيب من الوسط وإلا من مين بالضبط ..؟؟ شكلها مشكلة الأمير عبدالرحمن بن مساعد حاط رجل على رجل والمفروض يمدد رجلينه والشيء الثاني عيسى المحياني وين ومتى وأي مباراة بالضبط شفته وحكمت عليه خلينا نروح ندور هالمباراة اللي له مع الهلال ونشوفها ولو تسجيل أنا ما اذكر الهلال لعب بدون ياسر × |
إقتباس:
لاعب بصرآحه مظغوط ويحاول يظهر شي لنفسه على حساب الفريق .. يعني اليوم كانت له فرصه قدام الباب .. وكان جنبه ويلي ..قام يتفلسف ومرر تمريره غلط .. ما أدري كان قاصدها لمين .. على العموووم .. أنا لست ضد ياسر ولا مع لاعب آخر .. أنا أقول لازم تعطى الفرصه لـ عيسى .. وأنا أخوك ترا مستحيل إن الجمهور يتفق على رأي وآحد .. والإختلاف في الرأي لا يفسد للود قضيه .. وأهم شي ما يكون هـ الخلاف في الرأي يكون ضحيته لاعب .. وأنا بصرآحه أقول لازم نترك الإنتقاد إلى نهاية الموسم .. ونحاسب اللاعبين والإداره على النتايج .. يعني الحين ما وصلنا نص الموسم حتى .. فـ يجب علينا إننا نوقف مع اللاعبين والجهاز الفني والإداره .. ونحاسبهم في نهاية الموسم .. :rose: .. وآسف على الإطاله |
هههههههههههههههههههههههههه ياسر ممسوك اجل يعني الو ما جاء للهلال 4 سنوات واهو يسجل في كل فرق الدوري الضعيق منها والقوي وشلون ما ممسكوه ياخي خلك واقعي والله يايسر مو في مو في مستواه ولا ربعه ياخي شوف كيف ينفرد ويرجع يسحب |
المدرب اضاع التكتيك وضيعنا هاردلك |
انا بصـــــــراااااحه اتفق مع اللي قالوا ان ياسرمب بمستواه وين ياسر 2007 وين ياسر اول مبدع كل الانديه تحسبله الف حساب حتى وهم فارضين رقابه عليه كاااان يهدف والحين اذا قفلوا عليه وفرضوا رقابه يستسلم ياسر فقدالروح القتاليه بجد موياسر اللي عشقناه ياليت الزمن يرجع والا الليالي تدووووور ويرجع وقتنا الاول وننعم باقذاااافك ياياسر اتمنى ان ياسر يراجع نفسه انا فعلا تاكدت من صحة كلام الامير عبدالله بن مساعد لماقال لوضل ياسر كذا الهلال بحاجه لمهاجم اخر تحياتي لكاتب الموضوع وعذرا ع الاطاااااااله |
إقتباس:
لا انت ولاغيرك يقدر يفرض رايه علي تفهم ؟ انا رايي المحياني ابيه اساسي ماهو معناه انه افضل من ياسر ياحبيبي افضل وما افضل هذا تفكير اطفال .. المحياني متى اخذ فرصته بالدوري عشان تقيمه ؟ هذا رايك وهذا رايي ماهو انت الي يفرض رايه علي .. اجل ياسر ممسك ؟ |
الشكر لك ياسر ما قصر لكن بحاجة مهاجم ثاني يسانده الزوري نقطة ضعف كبيرة بطيء مفهي مسرح بارد برود الثلج لكن الهلال ما ينخاف عليه مستواه في تطور بعد استلام جريتس |
| الوقت المعتمد في المنتدى بتوقيت جرينتش +3.
الوقت الان » 10:25 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd