|
[الهلال × الشبـاب .. الاتحـاد ] http://www14.0zz0.com/2009/12/01/17/927932131.jpg ينتظر هلالنا مهمتين من اصعب المهمات ان لم تكن اصعبها على الاطــلاق خلال الدور الاول حيث منها تتضح معالم بطـل الدوري بعد هاتين المهمتين ،، نعم الامر صعب للغايه فـ انت ستلعب امام الشباب والاتحاد وهي الفرق الاقوى الى جانب الهلال وهذين الناديين هما المنافسان لك على الدوري السعودي لهذا الموسم ،، الامر يحتاج الى عمل جد والى بذل كل ماأوتينا من قوه ولا مكان للتخاذل او الاتكاليه وهذا الكلام لايعني المدرب او اللاعبين او الاداره فقط بل يعني كل مشجعين هذا الكيــان العظيم وأتمنى ان نرى الجمهور الهلالي يقف ويساند الزعيم طوال الموسم لكي نرى مايسعدنا بإذن الله . عوامل النجاح متوفره هذا الموسم للهلال ،، أنت تملك مدرب كبير وتملك اداره محنكه وتملك لاعبين مميزين في القاره الآسيويه جميعها وليس فقط على مستوى الدوري السعودي وقاعده جماهيريه كبيره الكل يشهد ويعجب بها ،،، كل هذه العوامل هي من اسباب نجاحك وتحقيقك لكل ماتريد " بعد مشيئة الله " ولا ينقصنا سوا توفيق رب العالمين ،،، فنحن نثق بالهلال ونثق بالاداره ونثق بالمدرب ونثق ايضاً باللاعبين ولكن هذه الثقه لا نريدها سلبيه على المعنيين ،، الحذر واجب " ومن خاف ِسِلم " نتمنى التوفيق دائما للهلال . (( بالعاميه )) ..[[ مباراة الشباب ]] .. مباراه صعبه لكن مايصعب شي الا يسهل بإذن الله ،، الشباب فاز على الاتحاد في المباراه الاخيره واللحين مركزه الثاني يعني قرب منا ونبي نطير بالصداره فوووق ونبي يتوسع الفارق بيننا وبين الاتحاد والشباب عشان نضمن اننا نمشي بخطوات ثابته الى نهاية الدوري وتحقيقه بإذن الله الشباب ماهو الفريق السهل ،، بالعكس يملك هجوم قوي جداً ، انت تتكلم عن فلافيو وعن التايب وكماتشو والشمراني والسعران والسلطان اللي مقدم مستويات رائعه جدا في الآونه الاخيره يعني قوه ضاربه بالهجوم ، بصراحه كل خوفي من الجهه اليسرى عندنا لأن الزوري اغلب المباريات يسرح وذهنه خارج المباراه والمرشدي مستواه متذبذب مباراه يعجبك ومباراه للأسف سيء !! وفيه فراغ كبير بين المرشدي وبين الزوري وهذا راح يشكل خطر علينا ، كلنا نذكر الجيزاني لاعب الحزم كيف مر من الجهه اليسرى ببساطه وشكل خطر على مرمانا ولولا الله ثم ابو عبد العزيز كان هدف محقق ، ومع الاتفاق انعادة نفس لقطة الجيزاني بس هالمره مع يوسف السالم ولولا الله ثم براعة ابو عبد العزيز كان هدف محقق . وهذا يدل ان فيه ضعف في الجهه اليمنى واتمنى يجد المدرب حل للمشكله هذي . ..[[ مباراة الاتحاد ]] .. الاتحاد فريق يعتمد على انتشاره داخل الملعب ،، عنده انتشار قوي في بناء الهجمه لأن اللاعب يستلم الكوره وجنبه 3 او 4 لاعبين على الاقل سواء على الاطراف او في العمق وسرعة نقل الكره ايضا والاعتماد على اللمسات ، كل هذي الاشياء من سمات الاتحاد واللي الكل يعرفها وان شاء الله غيرتس يكون قارئ المباراه بشكل جيد لأن قراءة المباراه بشكل ممـتاز يخلي الفريق يتجاوز المباريات حتى لو كانت صعبه . بصراحه اتمنى اللعب بمحورين من بداية المباراه لأن الحذر واجب ،، صحيح الفريق من بداية الموسم تقريبا يلعب بمحور واحد لكن هالمباراتين لازم تكون حذر فيها وبعدين تقدر تغير من محورين الى محور واحد على حسب سير المباراه ورتمها . اتمنى اننا نطلع بالـ 6 نقاط كامله في هالمواجهتين . s13s ودي :rose: |
\\ ان شـاء اللـه المـدرب يصـحح الأخطـاء فـي المبـاريات السابقـه .. وأتمنـى من اللاعبيـن التركيـز الجيـد لـ أهميـه المبـاراة .. طـرح فـي غايـه الجمـال والروعـه , واللـه يوفـق الزعيــم يـارب ..! |
ماشاء الله عليك لخصت كل مايتعلق بالمباراتين ،، ويعطيك العافيه ع الموضووع الرووووعه ...:rose: وبالتوفيق للزعيييييم ،،، :ba: |
كـلام رائـع جـداَ منـك أخي .. لكـن أختلف مـعـك بقضيه طارق .. أظـن الجمـيع سمع تـصريحه يوم يقـول ( لن ألعـب لنـادي سعـودي غير الهـلال ) أتـرك لك الحكـم .. أمـا بقضيـه الفراغ الكبيـر بين الزوري والمـرشدي .. فـ إن الشبب الوحيد والوجيـه هو تقدم الزوري .. ويوم يرجع مـاراح يقدر يركز وين موقعـه لان كل تركيـزه مع الكـوره الراجعـه .. هذي وجهت نـظري .. إذا أصبت فـمن الله .. وإذا أخطـان فمن نفسي والشيطـان ..والشبـاب فريق قوي صحيـح لكـن مشكلتـه جمهـوره .. والجمهـور والله مشكله كبـرى لان جمهـوره قليـل جداً نضراً لجمهـور الكيـان الأزرق .. وللمعـلوميه الشبـاب والأتحـاد مو عثره قـويه أمـام الزعـيم .. لإن الزعـيم غير المـوسم هذا .. لكـن أتمنـى من الجمهـور خاصه الحضور وبكثره .. نجي عنـد الاتحـاد .. زي مـاقلت سـابقـا الاتحـاد مو عقبه قويه عنـدنـا .. صحيح المـوسم اللـي فـات فـازو علينـا لكـن الموسم ذا الزعـيم غييييير .. أختـم كلامي بـ ( كل التـوفيق للزعـيم ) .. شكـراَ لطرحك |
ما شاء الله عليك .... كلام سليم ورائع ان شاء الله الزعماء يبيضون الوجة |
كلام سلييييييييييييم 100\100 |
كلامك واقعي ومنطقي يالغلا الهلال يملك جميع المقومّات ليحتل الصدّآره ويغرّد خارج السّررب ! وباذن الله هذا ما سيحدث ! ولكن ينقصنا التركيز العالي وهذا ما يسعى اليه جيريتس ان شاء الله موضووع راقي جدا ما قصرت يالغلا |
كلامك جميل ورائع وان شاء الله نعدي الشباب والاتحاد ونتصدر الدوري باذن الله اهم شئ الحضور ثم الحضور في الملعب كان الله في عونكم يالشباب ويالاتحاد من الاموج الازرق |
كلام جميل وأنهنئك على الموضوع الجميل |
اللهم وفق زعيمنا فوق كل ارض وتحت كل سماء .. |
إن شاء الله أن المدرب مايرتكب الإخطاء الي ارتكبها بمباراة الإتفاق , وباءذن الله الفوز هلالي ,, والخروج بـ 3 نقـــاط , بـــاءذن الله ,, |
يعطيك العافية كفيت ووفيت بالتوفيق للهلال في المباراتين وتوسيع الفارق عن الفريقين المنافسين |
يعطيك العافية كفيت ووفيت بالتوفيق للهلال في المباراتين وتوسيع الفارق عن الفريقين المنافسين |
| الوقت المعتمد في المنتدى بتوقيت جرينتش +3.
الوقت الان » 04:24 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd