كل عام وانتم بخير ولو انها جااات في 7 يوم وخصوا ان هناك ناس مايعترفون بالعيد الا نهار اول يوم بس
ورحم الله من توفي من جدة بعد هالفضيحة والله يصبر اهاليهم ويسكنهك فسيح جناته ويسكنهم الفردوس شدني احد المواضيع باحد المواقع المتخصصة بالطقس
إقتباس
بعد التأمل في الأحداث التي مرت بها الجزيرة العربية وجدت تسلسلا في الحوادث الطبيعية فبعد إعصار غونو الذي تسبب في الفيضانات للجنوب الشرقي من الجزيرة العربية أتت فيضانات المنطقة الوسطى والتي شملت القصيم والمجمعة والزلفي وعفيف وغيرها من المدن ثم لم نلبث في العام الماضي أياما إلا وتعاود الحالة على منطقة حائل و كلنا رأينا شعيب مشار وهو يحمل السيارات كالإسفنج على ظهره و لا تكاد تمضي هذه الأيام حتى تعاود الحالة شمال الجزيرة العربية في منطقة تبوك ومياه الأمطار التي دمرت السد حتى دخلت المياه على المدينة وهاهي نفس الحالة تعود وبشدة على المنطقة الغربية وأصبحت جدة حديث المجالس من هول المصيبة والفرق بين الأخيرة و المدن السابقة أن الأخيرة أكملت المصيبة بضياع الأمانة من الأمانة فكانت الفاجعة ... وبعد هذه الكوارث الطبيعة التي مرت على الجزيرة العربية منطقة منطقة ... فهل استعدت المدن التي لم يحن دورها حتى الآن ومنها الرياض لما قد سيحصل لمدينتهم بسبب غزارة الأمطار ؟؟؟
الله يستر بس نستانس مع هالاجواء الجميلة جدا وبعدها يأتي مايحزن الخاطر
المهم مش هذا موضوعي موضوعي شي ثاني يصادف اي واحد منا ولكن قبل كم يوم كان ودي ارتكب جريمة بواحد
الموضوع هو ان كل واحد يفتخر وتعصب لديرته ومنطقته تعصب مو صاحي وباقي المناطق عنده ماهي الا ناس جاهلة ومتخلفة وماعمرهم يوصلون مستواه لبى قلبه
يوم اني كنت ادرس بالثانوية كان يدرسني مدرس غثيث ووجع قلب كان يدرس نحو وكان بكل حصة يزعجنا انا من الرياض وعندنا بالرياض واهل الرياض والرياض والرياض ازعج امنا بهالرياض لا والمشكلة انه عزوبي
وماكأن الرياض ماتبعد الا 80 كم وكل اهل الخرج تلقاهم هناك
عارف انه مهما كان الواحد يحب ديرته بس انك تقعد تذل الناس عشانهم ماهم من ديرتك هذا قمة التخلف براسك
المهم مرت الايام والسنوات
وصار قبل كم يوم جايني اخواي من الشرقية وقالوا يبون يسربتون بالتحلية ومرة وحدة نمر كريسبي كريم قلنا مافي مشكلة وش ورانا ومن سوء الحظ ان صادف اليوم اللي نوينا نطلع فيه ان اخر الليل لازم اكون بالخرج الوالدة الله يحفظها لازم اجيبها من العرس
واتفقت مع العيال وقالوا اوك بما انهم ماراح يطولون يومين وراح يرجعون للشرقية
وهنا المشكلة اللي ماضربت حسابها طول الطريق وخوينا ضايق صدره لان خويته فاهمه موضوع غلط وقاعد يفهمها انه ماكان قصده وخذ وجع راس من ترقيق بالصوت وتميلح وصدق لاقالوا الصديق قبل الطريق
وتمسكنا زحمة بطريق الملك فهد وتروح ساعة وبطئ مرور بالتحلية وخوينا ماعاد نيب طالع معه طول الطريق يسئلني ليه البنات يحبون عيال الشرقية وليه الرياض فيها حنس وليه الخرج شوارعها مافيها زحمة بالعربي ضيقة خلق
والحمدلله وصلنا الخرج بالوقت المناسب وقد اننا تعبانين ونبي ننام شوي طبعا نمت انا مع ولد خالي وبقى خوينا يرضع ويرضع وشوي يقوم من فراشه وانا احس به اسمعه يتكلم مع خويته ويحش فيني ملعون الصلايب والمشكلة انه يكذب بس يبي يمدح نفسه قدام خويته وانه هو الفاهم وانه وانه وانه واسمع من كلامه يقول اني جايبهم للخرج الساعة 2 عشانه مواعد اهله وضايق من زحمة طريق الملك فهد وعشاني متعشي وشبعان ماسك تفنن فيهم قاعد اضرب (يضربني على كتفي بقوة وانا مسرع يعني زي اللي يقول اصدم يله )وازعج وهو يهددني انه بينزلني (مايفرق بين المزح والتهديد )مادرى اني لو نزلني بوقف تكسي وبقوله اني من الشرقية (وش دخل سواق لتكسي بديرتك) وبقوله وصلني محطة القطار وبروح للشرقية واقعد انت عسا يصير لك حادث (صدق لاقالوا الكلب الصديق افضل من الصديق الكلب )
طبعا انا كرهته عقب الكلام الي سمعته وصدق احساسي فيه
المغزى من موضوعي ان هناك اهل نجد يضحكون على اهل الشرقية وعلى لهجتهم وعلى الرطوبة والحرارة اللي هناك وبالمقابل نرى اهل الشرقية يضحكون على الوسطى ويقولون انهم حنس ومزعجين ومن هالكلام وبالمقابل نرى المناطق يضحكون على جدة على انهم بخارية وسمرقندية وتكرانه والخكارية فيهم كثاار ونفس الكلام ضحك على اهل الجنوب على انهم 07 ولحوج ومدري ايش
انا ابي اعرف ضحكنا على بعضنا واستهتارنا ببعضنا الى ماذا سوف يحصل بالتعصب الزايد عن حده هل من الممكن ان نرى بالايام القادمة دول لوحده السعودية الشرقية والسعودية الشمالية والسعودية الجنوبية وكل دولة له حكمها المستقل مثل كوريا الشمالية وكوريا الجنوبية
اتمنى الا تحرموني من ردودكم واسف ان كاني قلت كلمات مالها داعي او غلطة باحد من الديار المذكورة واتمنى من المشرفين عدم حذف موضوعي
هل من الممكن ان نرى بالايام القادمة دول لوحده السعودية الشرقية والسعودية الشمالية والسعودية الجنوبية وكل دولة له حكمها المستقل مثل كوريا الشمالية وكوريا الجنوبية
هذا بس شايف نفسه وخير ياطير من الشرقية والا الرياض؟
بس صراحة كلامه ماله داعي
يالبى قلبك انا لم اقصد التعميم على اي منطقة كانت في كل ديره زينها وشينها
ويااخوي اكون معك صريح لامجاملة ولا شي اهل الشرقية من اطيب الناس
ماقد شفت منهم شي يضيق الصدر انا بكل شهر اروح الشرقية عند عيال خوالي وبالاجازة اقعد هناك بالشهور ناس حبايب يعاملونك كنك من اهل ديرتهم ويكرمونك
ويصادف بعض الاوقات انك تصير لك مشكلة يفزعون معك واخلاقهم حلووووة
وايضا طلاب وموظفين من جميع انحاء المملكة يشتغلون بالشرقية بارامكو ويدرسون بجامعة لبترول وماقد سمعنا احد يشكي من اهل الشرقية وبعض الاوقات نسمع ان بعض الموظفين او الطلاب اللي بمناطق اخرى غير الشرقية يرون اساءات من اصحاب المنطقة بسبب انه من الديرة الفلانية
يكفي اللي صار بالخبر راحوا اهل الخبر عقب الحادثة وحسب ماسمعت انهم ساندوا اصحاب المتضررة بالقليل من الدراهم
وانا بموضوعي تكلمت على نوعية موجودة بكل ديرة مو منطقة
شرفني مرورك الحلو يااخوي واسف ان كاني غلطت بشيء
إقتباس
الرسالة الأصلية كتبت بواسطة الضحى
الله يهديك تحب الجنة وتذكر حوار والله ماودي أنك
ذكرته ممكن تكتب كان يكلم شخص ما ...
بالنسبة للمناطق والتعصب يمكن عند الشباب فقط ويمكن عند بعضهم الله يهديهم
نحن النساء نعرف لكل قدره ولنا صديقات في في كل منطقة وأقسم بالله بعض
الصديقات في الغربية أو الشرقية أو الجنوب وحائل والقصيم أفضل بكثير من
بعض الأقارب وهذا من فضل ربي ...فقط في مسئلة الزواج أي المصاهرة
نتحرج قليلاً حيث إختلاف العادات بين المناطق ..
الله يحفظك ولا تعتب علي إذا ضايقتك ...
يااختي مشكلتي اني اذكر بعض الاوقات شيء بالتفصيل واقول اشياء المفروض مااذكرها وكم مرة الاشراف حذفوا مواضيعي بسبب هالشيء
اوما من ناحية الاصدقاء افضل من الاقارب فهذا الشيء موجود حتى لدى الشباب يفضلون بعض الاصدقاء على بعض الاقارب
وكما هناك الصديق الشين والزين فايضا هناك القريب الشين والزين
وانا صراحة افضل الكثير من اصدقائي على بعض عيال الخوال والعمان
بسبب انا مع اللي يفكر مثل تفكيري ويفهم وش افكر فيه البعض من اخويأي من الاقارب مجبورين علي بسبب اني لسحبت عليه فاراح اسحب عالعيال لان بعض العيال هم اللي يجيبونهم ويقعدونهم معنا
آومـآ حركة خويك مآلهـآ دآعي وين آلخوه آللي تنبـآن من موآقفهـآ آجل يذلك ويحش فيك كل ذآ عشـآن يضحك ويسلي خويته وعلى حسآب مين على حسآبك
وعلى طـآري آلخرج انـآ من آلخرج وآفتخر >>> احم احم احم
هل من الممكن ان نرى بالايام القادمة دول لوحده السعودية الشرقية والسعودية الشمالية والسعودية الجنوبية وكل دولة له حكمها المستقل مثل كوريا الشمالية وكوريا الجنوبية
خصوصن من الحجازيين اهل جده يا ولد ما يمديك تتهنى بالسوني الا و كاتم على التلفزيوون
يعطيك العافيه
يالبى قلبك مافهمت سالفة التعصب ولعب السوني ممكن توضيح
شرفني مرورك الرائع
إقتباس
الرسالة الأصلية كتبت بواسطة craze feet
آومـآ حركة خويك مآلهـآ دآعي وين آلخوه آللي تنبـآن من موآقفهـآ آجل يذلك ويحش فيك كل ذآ عشـآن يضحك ويسلي خويته وعلى حسآب مين على حسآبك
وعلى طـآري آلخرج انـآ من آلخرج وآفتخر >>> احم احم احم
هل من الممكن ان نرى بالايام القادمة دول لوحده السعودية الشرقية والسعودية الشمالية والسعودية الجنوبية وكل دولة له حكمها المستقل مثل كوريا الشمالية وكوريا الجنوبية
لآ تـ ع ــليق لآ ليس من آلممكن
يالبى قلبك يالخرجاوي
على فكرة على طاري يسلي خويته على حسابي من قبل مااسمع اللي سمعته كان يرتفع ضغطي لاسمعته يكلم
يصير صوته ناااعم مررة وكذوووب مرررة والضحكة رايقة مررررة وانا جمبه قاعد اكش ذبان انتظره يخلص من الطفش