● وداعـاً لحيـآة المراهقه || مُـقتنـيـآتي البـريئـه ● - صفحة رقم 2 - نادي الهلال السعودي - شبكة الزعيم

ABNalzaeem · #16 28/11/2009, 09:37 AM

.....................

بهذي حركت مشاعري الجياشة
عن جد سلاحف النينجا والكابتن ماجد حماس عالاخرر

اما الياباني الرابع آآآه .. >> جنوب افريقيا <<

abo_nasser · #17 28/11/2009, 10:23 AM

هلا وغلا صبا نجد..

بعدوا شوي خلوني افضفض..

اوقات كثيره احن للماضي خصوصا للالعاب واخر مره حنيت قبل شوي..

كنت العب هذا الشيء..

لا تقولون وش جو ذا..؟؟...والله لعبه يجي منها خصوصا لا صاروا اللي معك مستلعنين..

وهالايام صاير اشتاق للطعس ذا

للحين ما ادري هو انا ختمته او لا..؟؟..مع اني لعب فيه لين دخت..

في البدايه كنت صافط ابوووه..لكن لما ختمه اخوي..مسكت معي لعانه الا اختمه

..هو احسن مني في ايه..؟؟

اييييييييييييييييييه يا دنيا..

اكس اكس مثلث مربع ...قووووووووووووووول..

والتشكيله المسكته 433 وروبرتو كارلوس مهاجم ايسر ..عشانه سريع ابن الكلب..

اطلق مسلسل كرتوني..

بس جد يقهر..كل ما يروح للمدينه اللي فيها امه..تكون توها ناقله منها..

لدرجه باحد المرات قمت العنها من الغبنه خخخخخخخخخخ..

رابح مشبك اخت الاشقر نسيت اسماءهم الله يلعنهم..

المهم اني كنت

عند اخت الاشقر..

موضوع كويس..يعطيك العافيه عليه اختاه..

سلاااااااااااااااااااااااااااااااااااااااااام

ابوريناد · #18 28/11/2009, 11:10 AM

السلام عليكم ورحمة الله وبركاته ..

صراحة أهنيــك على هالموضوع .. فعلا حررك المشاعر والأحاسيس ..

أشوف كل صورة أحس إني بصيــح ..آآآه يازمــــن ..!!

هذي مجموعة صور بحثت عنهـا إن شـاء الله تعجبــكم ...

يوووه أحس هالموضوع بدخله كل يوم عشان أتذكر زمن الطفولة

..

ياليت يكون حولكم كرتون فاين لمسح الدموع

تفضلوا مجموعة من الصــور القديمة..

علبة الهندسة الله يسقى أيام المنقلة والفرجار

.. بس مالقيت علبة الهندسة اللي مكتوب فيها حمد العقيلي

..

يازيــنك ياتيـــم .. !!!

قسم بالله ياريكـو يذكرني بالفسحة الثانية أيام الإبتدائي ههههههه

عاد أبو ميــزان لا تعليــــــــــــــق...!!!

هذا البسكوت يذكرني بدكاآن أبو زهــره في رابع جيــم هههههههه

جدول الحصص كنت ألزقه على دولاب الكتب عشان أرتب كتبي قبل أنام ..<< مجتهد ..

كيف البكلة بالله ...خخخخخخخ

هذي أخبر الوالد يجيبها إذا جاء من الحج ...يعني مثل هالأيام

اتحداكم تنســون هالبرنامج ..وهـ بس

يازينك ياماجد الشبــل ...!!!

هههههههههههههههههههههه آآه بس ...

رجعت عشان أضيف كمبيوتر العائلة

ياحبيبي هذا أرهــآآب زمان ههههههههههه

وهـ بس....

الله يسعد أيامك صبآآ نجد على هالموضوع ..

ومتأكد إن فيه ناس بيحطون صور أقدم من هذي هع...

BaRiO · #19 28/11/2009, 11:52 AM

ابو رينآد من وين طلعلتي بهالصوره ياخي

انت ماحركت احاسيسي , انت قتلتها

احبك وقسم على هالصوره

واسفيـن صبآ على الرد مره ثانيـه لكن مجبوريـن

ل ي ل الزعيم · #20 28/11/2009, 01:54 PM

الله يرحم العمة اللي كانت تعطيني إياه

EmptySky · #21 28/11/2009, 02:31 PM

ياااااااااااااااااااااااه على هالذكريات

الف شكر لك " صبا نجد "

موضوع اكثر من رائع .. وذكريات رجعتني لأكثر من عشر سنين ..

هذي اللعبه دمعت عيوني يوم شفت صورتها

.. بس حقت بلاي ستيشن واحد مو 2

وهذي اللعبه اتذكرها كني لعبتها امس ..

كانت احداثها تدور في يخت كبير - كنت اختمه كل يوم- انا وولد عمي .. وفيه اكثر من شخصية
الدب -بنت معها مكنسه

- ورجال حاط يديه في جيوبه - وبنت
والله لو القاه لا اشتريه باللي هو به

ههههههههههه الصلصال

.. والله ايام
كانت ريحته تشق الراس شق

اه بس ..

ماما التي تحبني .. تأتي مع السحاب .. بشعرها تظمني .. في موجة الضباب

مشكوره ع الموضوع المميز ......

ـالقلب الأزرقـ · #22 28/11/2009, 02:41 PM

صبا نجد الله يعطيك العافيه
حركتى اشجاني ومشاعري

ودي اشغل الموتر وادق سلف لزمن الطفوله والبراءه

اااااه يامااحلاء ذاك الوقت

اما الان مااحس للحياه بطعم
الزمن تغير
والناس تغيرت

وكل شي تغير

له ذكريات خاصه

ياااااسلام كنت اشتريه عشان اسوي
لي بيتواذا صكني الجوع اكلته

من ينسى الدب والطويل
هييييييه ايااااام

هايدي يالبا قلبها

كنت مقهور من بيتر ماسكه غيره
ودي اضربه واكفخه

ارهاب زمان
يااني كسبت ابو هنود من
كثر ماشريت من عنده

الثلاثه المهابيل

واسف على الاطاله
موضوعك تحفه يابطله

maistro2t · #23 28/11/2009, 04:26 PM

هـلا و غلا صبآ

كل عآم و أنتم بخير متآخره

و الله شوي و ببتسي من ها الصور و الذكريات

أما من نآحية أفلا الكرتون هذي أفضل ما شفت

سآندي بيل

المهآيطي عصآم

مآروكو الصغيرة

ليدي و سآرة

وذي بعد

عآآآد هذي أتحدى وآحد يذكرهآآ

قدييييييييييييم

طبعاً غير هذي وآآآآجد

يعيطك العآفية صبآ

حركتي الأشجآن و المشآعر

أبو سعود مرعب الأسود · #24 28/11/2009, 04:42 PM

مشكوووووووووووووووووووووووووووووووووووووووووووووووور

ابو اسامه الحكمي · #25 28/11/2009, 04:43 PM

ااااااااااااااااه
الله يسامحكم بس بكيتوني وانا من زمان مقد بكيت
وانا الحين طالب مبتعث في امريكا ادرس طب
ويوم شفت الصور والله بكيت
يارب انام وا اقوم الىانا رجعت 15 سنه لورا

الله يرحم ايام زمان

أوَار · #26 28/11/2009, 05:10 PM

بعد التعديل
هذا لين قالوا لكِ ياوجه إستح

وش عندكِ يامريم نور وش هالجريدة اللي على طاولتك
بعدين خويّتكم اللي على اليمين بنفس صفّك وراها جايبتن مكنسة بيتهم
الصدق عاد إن فصلكم يجيب التكّه ..

صدقتي .. سقى الله أيام الدفرة , سقى الله أيام النحشة بحصص الحاسب , سقى الله أيام الفول على الصبح
خليني لين هنا أوقف عشان ما أقول كلمة تتبرين مني نهائياً

هالحلاو تقعد سنة وأنت تحاول توصله للمريء
بس يجيّب المرّ .. الله يديم النعمة علينا

هذا كنت أحبه بس ماش شكله ما يأهّل

اللي يجيب لي هالشريط له مني ساندويشة تونه وبصل < - بدا نظام اللحوج

موضوع حليو صِبا , ربي لايحرمنا

هلاليه محترفه · #27 28/11/2009, 05:54 PM

ولله لو تعرفون طفولتي
تضحكون علي

بس بختصار طفولتي كانت بعيده كل البعد عن برائة البنات ..

العابي المفضلة

مسدسات ..

تحويلات

افلام الكرتون

كابتن رابح

كنت اخق ع الاشقراني منيب سهله يومني بزير

وكابتن ماجد

وسلام دانك

بوكيمون

قرانديزر انطلق

سندباد

النمر المقنع

مدينة النخيل

حكاية لعبة TOYS STORY

الي الانهائية ومابعدها خخخخخخخ

الشبسات والحلويات المفضلة اعتقد قريبة من الي أخترتيها .

العابي المفضلة بلاي ستيشن 2-1 ..

جي تي كراش درايفر مصارعه

كوره .. طبعا البداية كانت مع الدوري الياباني

وبعدين تطورو شوي
نيد فور سبيد <<والي الآن مع اكس بوكس

call of duty 4 طبعا الآن مع اكس بوكس

إن شاءلله مانصدمتو

صِبآ نجّد · #28 28/11/2009, 06:07 PM

إقتباس

الرسالة الأصلية كتبت بواسطة وليد القحطاني


	هلا اخوي ذكريات جميلة وياليتها تعود يوماً بس بعض الصور اللي حاطها بعضها ماضي مستمر وبعضها ماضي وتذكرت صورة هذي صارت لي قصة معه قبل 10 سنوات .. مرة اكلت هالبطاطس في الحوش .. واظن تهاوشت مع اخوي وطاح بعض البطاطس في الحوش .. يوم رجعت اليوم الثاني حصلت دودة تمشي في الارض ولونها أبيض فقلت البطاطس صار يمشي هههههههههههههههههههههههههه والله ذكريات حلوة مشكور اخوي وكل عام وانت بخير

حياك الله اخوي

هههههههههههههههههه شكلك حقدت على اخوك

الله يجزاك الجنه ويوفقك

صِبآ نجّد · #29 28/11/2009, 06:45 PM

متابعة بجنون

جلّ من لا يسهو ..

حياك الله يالغاليه .. بأنتظار رجعتك

.. .. ..

حيا الله ميمي ..

صدق ما شاء الله يمكن القاه فبقالة الحمود

اللي تقولين عنه يفرقع بالفم اللي معه مصاص وتدخلينه جوا البودره صح ؟؟

الله يجزاك الجنه ويوفقك

صِبآ نجّد · #30 28/11/2009, 07:08 PM

إقتباس

الرسالة الأصلية كتبت بواسطة باسكن روبنز


	احب هذي المواضيع الي ترجعنا لأيام البراءة هذا من وين لقيتييييييييييه ابييييييه الحيييين << بتصيييح تكفوون الي يعرف وين ينباع يخبرني Lion ماكان ينباع الا في السوبر ماركت الكبير .. الحين الظاهر فيه تقليد لكن مو حلوو أكيد كلكم تعرفون حلاوة الطابوق الألوان وبسكوت ابو ولد وبسكوت ريكو << ووع الله يديم النعمة دايم اخر شي يخلص من البساكيت هو ماحد يحبه في بيتنا الي نفسي الاقيه فعلا آيس كريم الي في نهايتة علك عصير ليمون قديم توفو << للحين اشتري منه في مثله الحين لكن مو مثل طعم اووول فول سوداني Snow White يالبى قلبها .. هو فيلم كرتوني من ديزني بعد كم سنة قلدوه بــ فلة الشينة رامي الصياد الصغير كنت اطالعه لكن كأنك احد غاصبني اتابعه بالنسبة للألعاب اكيد تذكرون مونوبولي << كنت اكرهها لانها مالها نهاية ودايم اخسر فيها وفيه لعبة ( كلودو ) وهي البحث عن القاتل ومكان الجريمة وآداة الجريمة صبا نجد موضوعك وناسة ورآآآيق .. الله يسعدك ياارب

حياك الله باسكن روبنز

في بقاله اسمها الحمود كل السناكس القديمه تلقينها فيه <<

اسوي لهم دعايه

حرااااااام عليك بسكوت ريكو يجنن .. كنت اجمع كل الستكرات اللي تجي معه واحطها على الباب

ايه اعرف سنو وايت بس احس لما صار اسمها فله احلى

الله يجزاك الجنه ويوفقك