سبحان الله سبحان اللي يغير ولايتغير
ياأخوان امس كنت اشوف ناس جالسه تكتب عن لاعبي الهلال تحت23 سنه كلام والله ماينقال وتشبيهات غريبه لا والشي والعجيب ان اغلب هاالانتقادات كانت عن اللاعب بدر الخراشي
((الكلام هذا كله قبل مباراة القادسيه))
اما اليوم فوالله ماني عارف وش اللي حصل؟؟؟؟؟
تغيرت افكارهم 180 درجه وصار الخراشي وبقية اللاعبين نجوم كبار ولاعبين على قد المسئوليه طيب وهم قبل وش كانوا؟؟؟؟مين يقدر يجاوب على هالسؤال؟؟؟؟ولاأحد فيكم
ليه انتم كذا؟؟؟ ليه انتم عجلين؟؟؟؟ والله انه فيه واحد شبه الخراشي ب: علي الفهيد ليه يأخي وش هالتحطيم لللاعب يااخوان ترى الركاده زينه
وبعدين قولوا لي هذولا مش لاعبين الهلال والا فيه احد غيرهم "عادي علمونا تكفون"
ياشباب اصبروا على هاالصغار شوي ولاتتسرعون في اطلاق احكامكم عليهم
اما اللاعب : بدر الخراشي وهو على فكره هداف
الموسم قبل الماضي لدوري الشباب انتبهوا زين الموسم قبل الماضي لأنه الموسم الماضي مالعب بسبب عملية الرباط الصليبي بالعربي كثر الله خيره على ها المستوى والله لواسوي عملية رباط صليبي يمكن ما امشي سنتين والا عاد وشلون اللي يلعب كوره؟؟؟!!!؟؟؟
عموما هذا اللاعب ان شاء الله سيكون له شأن كبير في هجوم الهلال والمنتخب وساعتها بتتذكرون كلامي زين وتقولون والله انك صادق ياهلال بن قمر
عموما أعزائي وأخواني الهلالين
رفقا بأبنائنا الصغار وخلوهم ياخذون فرصتهم كامله بعدين احكموا عليهم اما من مباراة والا ثنتين بتحكمون والله لو انكم الشتالي والا الوحش
خـــــاتــــــمــــــه:
هؤلاء هم مستقبل زعيمنا فهل تريدون تدميرهم؟؟؟؟؟
كل واحد يجاوب على هالسؤال بأمانه!!!!!!!
ياساتر وش اللي حصل؟؟؟؟؟؟؟ 
الوضع العادي
