نادي الهلال السعودي - شبكة الزعيم - الموقع الرسمي - حـــقيقة مســتــشـفى عــرقـه >>المـــهــجــوـوـوـر<<

إقتباس:

الرسالة الأصلية كتبت بواسطة R D H (مشاركة 13698475)

سبحان الله .. تدري أني اليوم كنت فيه .. جينا عقبك .. :s2::smilie47:

رحت أنا واثنين من الشباب .. وصلنا هناك الساعه 1 ونص بالليل ..

ومثل ماتفضلت دخلنا من البوابه .. اللي من جهة ( السكن ) ..

طبعا الدور الأول .. فيه مناطق منوره .. ومناطق ظلاااااام دامس .. وكذلك الدور الثاني ..

وحنا اخر حد وصلنا له الدور الثاني .. ماقدرنا نكمل للثامن لان الوقت متأخر .. وكنا 3 بس :d

وعلى فكره .. كل ما سمعناه كان اشاعات .. المستشفى مافيه جن إن شاء الله .

فيه سؤالين .. لعبوا فيني لعب .. ابعرف اجابه لهم .

السؤال الأول ../ وش سبب تركهم لمثل هذا المستشفى .؟

ياجماعة الخير قسم بالله أنه مستشفى يهبل .. كبير كبير كبير مره .. ومع ذلك فخم جداً ..

يعني مستشفى تحس أنه قصر .. وفيه اجهزه كثير جديده بقراطيسها وكراتينها ..

مدري كيف استغنوا عن مستشفى مثل هذا ..

تدرون أن السكن حق المستشفى .. فيه 650 غرفه ..

وتدرون بعد أن هالمستشفى بنوه قبل 30 سنه .. وبعد ما انتهو من تجهيزه تماما .. لم يستخدموه .

ابموت واعرف ليه .. ما استخدموه ابد .. الاجهزه اللي شفتها ما صابها شي .. اجهزه بقراطيسها .. وكلها حاجات متطوره والله .

السؤال الثاني اللي محيرني ../ فيه ممرات واماكن منوره اناره قويه بالمستشفى .. رغم انه مهجور من 30 سنه ..

ابعرف وشلون فيه اناره ممكن تقعد 30 سنه مشتغله 24 ساعه باليوم .. ولا تخرب ..

لحد يقولي انوار اصليه :d .. وش هالانوار اللي بتقعد 30 سنه شغاله .. ولا حد طفاها .. ؟

طبعا كان فيه كتابات كثير بالداخل .. وانا قلت لازم اترك لي بصمه بهالمستشفى

وهذه بصمتي .. :d

http://up4.m5zn.com/9bjndthcm6y53q1w.../m3y202aqh.jpg

لاحظوا الاناره القوية بالمكان .. ولا تسألوني وش احس فيه يوم كتبت يوزري خخخخخ .. :d

http://up4.m5zn.com/9bjndthcm6y53q1w.../ryb38ebam.jpg

وهذه صورة لاحد الاماكن ..

http://up4.m5zn.com/9bjndthcm6y53q1w.../tiimz915y.jpg

وهذه صورة لأحد الاجهزه اللي بقراطيسها وبالكرتونه ..

http://up4.m5zn.com/9bjndthcm6y53q1w.../t54k0kfvt.jpg

وهذه ايضا

http://up4.m5zn.com/9bjndthcm6y53q1w.../shiiucws1.jpg

وهذه كلمه كتبها خويي اللي معي .. علشان تعرفون بس ان الدعوه فقش ومافيه جن .. حتى حنا كتبنا ان به جن وهو مافيه . :razz:

ياجماعة الخير اتعب وانا اقول مستشفى كبير .. ومتطور .. وفخم .. ليه ليه ليه متروك كذا ؟

يعني لو انه تم استخدامه اول ما بنوه .. كنا بلعناها ..

لكن مستشفى متعوب عليه بقوه زي كذا .. وبعد ما يتم الانتهاء من بناءه وتجهيزه بكل شي .. يسحبون عليه بهالشكل ؟

نصيحه للي يبي يروح .. لا حد يوقف سيارته قدام المستشفى .. لو جت الدوريه وشافت سياره واقفه بتعرف ان فيه احد جوا .. وبينتظرونك لين تطلع وبيمسكونك .. ويحطون بظهرك كل الخراب اللي بالمستشفى ويدفعووونك دم قلبك وقلب اهلك :d ..

لذلك لازم توقفها بعيد شوي .. عند البيوت .. وتروح مشي ..

واسرح وامرح جوا على كيفك .. :smilie47:

بس بصراحه .. تجربه ممتعه .. تضاف لرصيدي من التجارب :d:smilie47:

يعطيك العافيه اخوي .. فمان الله

يالله ان تحييه R D H

يا رجال الي رافع ضغطي انه افخم من الشيمسي :s5s:
وتاركينه !

اقول كتاباتك في اي دور :ga:
لني ناوي اروحله مرتن ثانيه واكتب :d

اما عن السيارات موقثين عند المستشفى وما جا الا الخير :d

واشكرك على الرد
وكل عام وانت بخير :rose: