|
يا اصحاب الجوال وموبايلي وزين هناك حرامية فحذروا ..... بسم الله الرحمن الرحيم وبعد: فأنا من احد عملاء موبايلي ووالدي من عملاء الجوال واخي الكبير من عملاء زين عائلة مشكلة :d المهم نحن من متصفحي الانترنت بكثرة 3 ساعات يومياً <ماشاء الله > وانا اتصفح الانتر نت دخلت على صفحة مكتوب فيها اختبر ذكاءك لــأنشتاين طبعا تختبر وتحس انك ذكي في الاخير يقول لك الرجاء ادخال رقم الجوال لأرسال النتيجة بعد ادخال رقم الجوال يرسل لك رسالة ثم يقوم بألاشتراك تلقائي قيمة الاشتراك 24 ريال اسبوعياً طبعا انا ما كنت ادري الا يوم شفت الفاتورة لقيت 84 ريال مسجلة على ((المشكلة انه ماجاني اي رسائل تدل على اني مشترك :mad: )) طبعاً اتصلت على موظف موبايلي وقالي السالفة وقمت بأرسل رسالة مكتوب فيها حرف ((غ )) الي الرقم 6489 وتم الالغاء والحمد لله ارجوا النشر |
60 مشاهدة ولا فيه رد والله غريبة |
يعطيك العافية أخوي على التنبيه |
الله يعطيك العافية ع التذكير وفعلاّ هذولي المواقع يبون يصرفون فللوسك شكرا لك |
: جـزآكـ الله خير أخوي .. والله مجآزفـه حطيت رقم جوآلكـ !! :d ألف شكر ع التنبيـه : |
والله شي جميل انك توك تدري انهم شركات نصب في نصب |
اخوووي تبي نصيحتي اي شي يقولك عطنا رقم جوالك انحش على طووول |
والله انك صادق اخوي فيه حراميه وعندك هيئة الاتصالات نايمه |
حسبنا الله عليهم انا اختربت بس يوم بغيت احط رقم جوال قريت تحت الاختبار قيمة التكلفة وقفلت على طووووووووووول |
وانت وش الله حدك تحط رقم جوالك |
هُذي معروفْة , وهَم آسآساً يُحطوّن بالصفحة " قيُمة الرسَآلْة 25 ريُآل " ~ s9s |
يعطيك العافية أخوي على التنبيه |
إيه أنا أصلا ما فهمته عشان كذا ما حطيت رقمي ومشكوووووووور ع التنبيه |
الله يعطيك العــآفية على التنبيه |
اغلبنا كذا ,, ويجي يشتكي بعد ماياكلون رصيده مدام عارف انك ذكي وشوله تروح لانشتاين ؟ ههههههههههههههههههههههههه أشكرك على التنبيه وبيض الله وجهك تقبل مروري سفير الشوق |
| الوقت المعتمد في المنتدى بتوقيت جرينتش +3.
الوقت الان » 04:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd