ياشباب الظهير الايسر موجود عندنا ليش نتعاقد مع واحد على حساب لاعبينا.

اللعب هو أحمد الجري لاعب درجة الشباب بالنادي ولاعب المنتخب السعودي للناشئين ولاعب نادي الفتح سابقا. كان هو افضل لاعب في النتخب مع ناجي مجرشي في درجة الناشئين، وشوفو ناجي مجرشي مع الشباب معطينه الفرصه ولاعبنا احمد الجري ينتظر. ليش مانعطيه الفرصة وراح ينسيكم عبدالغني والصقري وصدقوني. لكن اشدد على اعطاء الفرصة للاعب لان اللاعب مهما كانت عالميته ونجوميته ماراح يتطور اذا كان على مقاعد الاحتياط. ليش احنا نشوف في اندية كبيرة مثل روما وبرشلونة يعطون الفرصة للاعبين صغار في السن اعمارهم 18-19سنة ويصبرون عليهم وتشوفهم مع مرور المباريات صارو أعمدة الفريق مع انهم يلعبون لاندية عالمية مثل روماوبرشلونة.

لكن مشكلتنا ان اللاعب اذا اعطيناه الفرصة نعطيه لمبارة اومباراتان على الاكثر ونحكم عليه بسرعه وهذا والله اكبر غلط.

انتقل ياشباب لموضوع لاعب اخر في الهلال وهو اللاعب محمد العنزي. انا في اعتقادي لو ان هذا اللاعب اعطيت له الفرصة كما اعطيت للاعب البرازيلي ادميلسون راح يبدع افضل من الثقيل ادميلسون.ومشكلتنا كذلك
اذا اعطينا اللاعب الفرصة نعطيه فقط في المباريات الودية او اخر ربع ساعة من المبارة (وش تبونه يسوي) وبعدها نحكم عليه بالفشل او النجاح وهذاوالله غلط.

وانتظر ارائكم ياشباب

وآسف على الاطالة

محبكم
dreamteam