هل أنت معي أو ضدي ؟؟؟
 

مساء الورد وكل عام وأنتم بخير يا أحلى ناس...
حبيت إني أشارككم بالموضوع المتواضع لسببين وهما:
1- حباً بكم وبالزعيم.
2- لما رأيت من مواضيع ممتازة في هذا المجلس.
ما أبغى أطول عليكم لكن موضوعي هو أن السنة الهجرية باقي عليها أيام وتنتصف وبذلك يبدأ فصل الشتاء ( وحنا ) كلمه عامية معليش أعذروني بطبعنا ما نعرف نقسم السنة إلى أربع فصول ويا ويلك من الشيبان لو قلت السنة أربع فصول وراح يرتفع ضغطه وحتى أنت راح يرتفع ضغطك عشان تقنعه وما هو راضي بكلامك.
(الزبدة ) إنه راح يقولك يا وليدي وش عرفك خلك من [ الكمبيوتر والأنترنت وردي ] أما الكلام هذا ما هولك يا بعد حيي، ويبدأ يمدح بنفسه وإنهم أول سووا كذا وكذا .......... المهم في النهاية يقولك السنة فيها شتاء وقيض (يعني صيف ) يعني ما هو معترف لابربيع ولا بخريف .
تصدقون أنا صرت زيهم ما أعرف الاّ صيف وشتاء!!!!!!!


لذلك وش رأيكم بالأقتراح التالي:
أيهما أفضل لديك الشتاء ولا الصيف وبصراحة؟ مع السبب؟ ( لا تواخذوني المدرسة قربة ولا زم نتعود على مع السبب..


أما بالنسبة لي فأنا أستنا الشتاء ، السبب: الشتاء حليل تجمع العائلة ويتجمع الأصدقاء وتحلو الجلسة عند النار والأكل يصير له طعم والنوم بعد. ياخي حتى الطلعة والردة للبيت له طعم.ولا تهون جلسة البر عند النار والجو بارد. لا وأزيدك من الشعر بيت يا حلو المطر خاصة إن المطر وقته عندنا في الخليج مع وقت الشتاء لذلك أحب الشتاء موت بس مو أكثر منكم. باي باي باي أنتظر آرائكم بكل عفوية.

رد: هل أنت معي أو ضدي ؟؟؟
 

:yes: :yes: :yes: :yes: :yes: :yes: :yes: :yes: :yes: :yes: :yes: :yes: :yes:

والله الشتاء افضل
امطار
الليل طويل
طلعات البر (القيلات)
النار
الربيع
الزبيدي (الفقع)
وغيرهم الكثير

تحياتي اخوي الاسير الازرق

اقول الصفري وقصير00000الخ

انا احب الشتاء لانه بكل اختصااااار اجواء خلابه وطلعااات بر

ويااااااااحلوووووو الجلسه بيت الشعر وخصوصا وهي تمطر والناااار عندك جربوهااا ياشباب

وبعد اذا كنت حاااااط بالناااااار بطااااطه <<<<<<<امممممممممممممممم

عااااااد حناااااا عندنااااا بيت شعر موعلى حديد على عمد واطناااب

وهو مثولث <<<<<<هذي كلمه للبدو فقط

مشكورين إخواني اللي تفضلتوا بالتعليق.

daredevil مشكوروهلا بك.

أبو أثير : قرّب الشتاء وإن شاء الله تخيمون عندنا بعد شهور.

سليمان : أشكرك ومقدر لكلامك ,ويا حلو بيت الشعر,,,,,,