][ الخـطـوط السـعـووديـه ][ بكــل فشـــل ،،، وفضـــايـح تحـدث في مـطـار الملـكـ خالـد
 

بسم الله الرحمن الرحيم ..



السلام عليكم ورحمة الله وبركاته ،،



إلى متى تستمر مهآزل الطيران في بلادنا ؟ أين التطوير ؟ أين التعويض ؟ we dont know ..:confusedw:



قدر الله وقوع إختبار لي في آخر يوم في الجآمعه عشآن ما اكون طرف في هذه المصيبه ..وراحت علي الرحله ( ولله الحمد ) والغريب انه جتني رساله منهم تقول أن التذكره راحت علي بعد ( يقال انه نظامهم الجديد ) ..



المهم راح اقول لكم ما حصل على لسآن أهلي اللي صار معاهم هالموقف ..



كانت عندهم رحله على الخطوط السعوديه الساعه 6 الفجر من الرياض طبعا ،، راحوا الساعه أربعه مع احد قرايبنا وتفاجأوا أن الرحله تأجلت لـ 5 العصر !! طبعا الجو ممتاز ولا فيه شي .



اضطروا يرجعون لـ بيت ( قرابتنا نفسه :d) وقعدوا عنده للساعه 3 عصرا ورجعوا للمطآر مره ثانيه وطلعوا البوردينق ولما جت الساعه 4 ونص العصر أعلنوا عن تأجيل الرحله للساعه 9 بالليل !! شيبان - ورعان :d - حريم -=> من صباح الله خير بالمطار وتأجلون بعد ؟؟



وصلت الساعه 8 وأعلنوا عن تأجيل آخر للرحله للسـاعه 12 بالليل وياليل ماطولك ،، تشجّـع ( مصري ) وقال ( إيه ده إحنا مش أوادم ولا إيه ، فين المسؤول ؟ كل واحد بيئول معرفش وتروح للتاني يئولك معرفش .. طيب مين اللي يعرف ؟ )
سؤال وجيه تقدم به اخونا المصري ويحتآج لـ إجآبه !



الهنود كل وآحد مآسك له ( عربه ) محمله بـ وجبات ويقول للمسافرين هذي رحلة الدمام ولا سكاكا ولا حائل ...إلخ ( من كثر الرحلات المؤجله في ذلك اليوم )



المطار مُكتظ بالمسافرين وتأجيل العديد من الرحلات أدى لـ ذلك لـ درجة أنهم ملوا من سمآع ( تم تأجيل رحلة ... )



يُقال أنه عشآن الحجآج وجعل كل الرحلات لـ جده .. طيب ياخي الحجاج على عيني وراسي لكن لا تمشونهم على حساب الخلق ؟؟ وفروا طيارات للكل !!



مسافرين رحلتنا وصلت معهم وما خلوا احد الا وهاوشوه وكلموه من المسؤولين وقدموا لهم الرحله بعد عناء وركبوا الطياره وطارت الساعه 11 ونص ..


طبعاً كان في الرحله ( مُصورات وكوفيرات) رايحات لـ عرس لكن ؟؟؟


طيب انا مآ رحت معاهم وألغوا تذكرتي نهآئياً ،، طيب لو رحت هل يعوضوني عن هالبهدله ولا بس همهم ( الفلوس ) ؟؟



هل سيُعوض ركآب هذه الرحله عن الاضرار اللي لحقت بهم ؟


وحتى لو تلاحظون الحين في هذه الايام نسمع كثير عن تأجيل رحلات وآخرها رحلة فريقنا الهلال بعد مباراة الاتفاق



على قولة دكتورنا ، الكفار ( لعنة الله عليهم ) يمشون ويتطورون وحنا ( نفحط ) ..



موقف لآ أدري هل هو مخزي ام لا اترك التعليق لكم :



صديقه أختي قابلتها ( بالصدفه ) وقالت لها قصه صارت معاها بالمطار ،،

تقول انا اول مره اجي للمطار لحالي وما اعرف شي ورحت وسألت ( هندي ) من حقين عربات نقل العفش ودلني بمكآن موظفين التذاكر وقال لي ( عطيني 10 ريال أنآ دليتك ) البنت ما كان معاها ولا ريال وتورطت ، راحت لـ موظف سعودي وقالت له وقال : إيه حقه ؟

راحت للصرافه ( وحمدت ربها ) أن المكآفأه نزلت وعطته ..


أتمنى موضوعي يلقى قبول لديكم وبإنتظار ردودكم ..

والسـلآم خير ختـآم ..

●
●
●
●

اقول خلها على ربك :cry::smilie47:
انا قد تاخرت رحله لي يومين :mad: وليتها زيك لا كل ساعتين يقول تاجلت بعد ساعه :s5s:

إقتباس:

يُقال أنه عشآن الحجآج وجعل كل الرحلات لـ جده .. طيب ياخي الحجاج على عيني وراسي لكن لا تمشونهم على حساب الخلق ؟؟ وفروا طيارات للكل !!

عذر اقبح من ذنب !! معناه هالكلام ان فيه اكثر من شخص حاجز المقعد بالرحله الوحده !! الحجاج لهم تذاكرهم ورحلاتهم وش دخل الخلق فيهم ماقول الا الله يخلف علينا والمشكله تشوف باقي الخطوط الحين الرحلات الي من السعوديه دايم تتاجل لاننا صرنا مصخره لهم :ranting:

تراك بالسعوديه يابعدي .. !!

هلا والله اخوي ..:smilie47:

بيني وبينك ما تحس بمتعة السفر الا اذا تعبت وتبهذلت .. :d
والخطوط السعودية ما تبي تحرمكم من هالمتعة .. الله لا يخلينا منها .. :s5s:
وبعدين من حقهم يلغون تذكرتك نهائيا .. ما تبذلهت معهم وتبيهم يعوضونك بعد .. :to:
لو جينا للجد .. المشكلة لو تشكي من اليوم لبكرة ما حولك احد .. ولا لنا خيار غيرها .. :(
ولكن فوض امرك الى الله .. وان شاء الله ربك ما يضيع لك حق .. :yes:

يعطيك ربي الف عافية اخوي ,, :smilie47:

والاكبر من كذا انك ماتقدر تعرف السبب

لمجرد تسال ليه يجلس ينافخ او يرد عليك بدون نفس مدري

لهالدرجه مستحقرينا؟

ورب الكعبه لولا الله ثم البدله اللي هو لابسها ولا كان بيتشوت من المواطنين


ماقول الا لله يعين

يـــــــــــــــــــــــــــــــــــــــــــــــــازين طيران الأمارات ودكـ تــــــنـــــام بوسط طيراتهم

من جد مشكلت الطيران هذى ماراح تنتهى .......
المشكلة الثانية نظافة المطار الارضيات مونظيفة ابدا وعمال النظافة بدال مايكون جو المطار صاروا بر علشان يحملون ويأخذون فلوس ...........مأدرى وين المسؤلين

المطارات عندنا للاسف تدار بعقليات عفى عليها الزمن ,,

لا مرافق زي الناس ,, ولا طيارات زينه ,, وموظفين تقول تشحذ منهم الحكي ( البعض منهم طبعا ) عشان مانظلمهم

ابحثوا في محركات البحث عن مطار سنغافوره وشوفوا التصاميم وشوفوا الخيال !!

سنغافوره ياناس مو السعوديه ,,,, والله عندنا يقين انه امكاناتنا تضاهي المطارات الاوربيه .. لكن على ورق بدون تنفيذ!

الله المستعان بس ,, ربك يعين







لكم ودي واحترامي

سفير الشوق