21/11/2009, 01:09 PM
|
| زعيــم فعــال | | تاريخ التسجيل: 18/11/2008 المكان: Jeddah
مشاركات: 485
| |
|
229885 أوعى تكذب عينيك!!
ربما سمعتم كلمة (زومبه) وأن فيه واحد (يرئع حد تاني زومبه) والزومبه هذي شي لا ينوكل ولا ينشرب أنما شي تاكله وأنت ساكت يعني مقلب!! او انك طحت في موقف لا تحسد عليه وصرت مضحكه للي يسوى واللي مايسوى.! او انك طحت في شبكة او عملية نصب كبيره وفي نفس الوقت تقول الحمدلله جت على كذا وتخجل من ذكر هالموقف عند الأصحاب والأقارب.
كثير هي عمليات النصب والاحتيال والمواقف الغير ظريفة تواجهنا ربما بشكل دائم ان كنا أغبياء!.
وطبعا مع وجود النت وبطائق الاتصال المدفوعة التي لا تحمل أسماء. أضافه للقنوات الفضائية التي لا يتطلب إنشائها سوى سيارتين (كامري) بالأقساط وتقول بسم الله وتفتح القناة . تزايدت هذه العمليات وصار الإنسان يشك حتى في أخوه شقيقه.
تصدقون فيه واحد من كثر ما نصبوه عليه دخل كلمه أخوه بالتلفون يبي يعزمه على مناسبة قال أحلف انك أخوي؟!
طبعا بطايق الشحن واشحن لي ومن هالكلام أشبعوه الكتاب والعرابجه من كثر ماتوهقوا فيها وحقيقة ان ضحاياها من المواطنين (العزل) أكثر من ضحايا الحروب والأسهم وكذلك بالنسبة للقنوات الفضائية والمسجات وآخرتها قناة (بداية) اللي بصراحة شريطها عبر عن تفاهة مجتمعنا.
أجل معقولة تكتب وحده عن مشكله طبية حساسة وتعيد إرسالها 20 مره!! والغباء اين يمكن؟
في الردود كل وحده تعطيها وصفه!! طيب ياناقصة العقل والدين الـ20 رسالة بـ60 ريال لو رحتي ودفعتي 50 ريال كشف في مستوصف أضمن وأفضل لك عند دكتورة مختصة!!.
حقيقة تشوف نساء الله يصبّر رجالهم عليه! تحف ماتلقاها في محلات (ابوريالين).
نرجع للأهم وهي نقطة البداية وعنوان للمقال لأن اللي كتبته سابقا كله حشو !!بس لايروح بالك على حشوه السمبوسه لا الحشو المقصود يعني زيادة بس!! هكذا درسنا في اللغة العربية لغة الضاد والطاء والسين.
في قناة فضائيه هي ثنتين وأكيد تبي تكثر لأن الدخول المادية للأسف عاليه! بس في وحده تدعى العفاف ومافيها من العفاف إلا اسمه ويمكن مسمينها على سكرتيره القناة اللي أتخيلها كأنها من هالسمينات اللي يجون في الأفلام المصرية مشرفات السجون.
مثل سجن (القناطر)!طبعا مادخلت هالسجن الحمدلله بس هذي الثقافة من الأفلام المصرية حتى ترى اعرف حي (الدئي) قبل أروح القاهرة.
ماعلينا هالقناة فيها عروضات للزواج شباب وبنات وفله. وبعدين هالقناة تضرب على الوتر الحساس يعني اغلب البنات اللي متقدمات للزواج في القناة مناصرات لزواج المسيار!! واغلبهن جميلات واللي مو جميله جذابه يعني اللي ماتزوج بيقول خلاااص اللي كانت فتاة أحلامي بلقاها واللي متزوج ويشوف مواصفات المتقدمات يقول بينه وبين نفسه ولا يطالع زوجته ولا يتخيلها ويقول (آه) وش ورطني بس وليه العجله.
طبعا من عادتي مااحب اكتب عن أي موضوع او مشكله إلا تكون عندي خلفيه كامله عنها وعلى قدر المستطاع أحاول اطرح الموضوع وأسلط الضوء عليها .
حلاة هالضوء ترى ماعليه فواتير مو مثل فواتير الكهرباء اللي ذبحتنا ذبح.
قلت خلني أسجل في هالقناة واعرض مواصفاتي اللي تهبل و(تهوس) و(تعئد) . طبعا التسجيل عشان يفعلونه لك يبي لك تقريبا 12 رسالة ترسلها والرسالة الواحد كلفتها 3 ريال. طبعا أكيد بيتورطون ويسألون اسأله اضافيه مثل وش أسم أمك؟
وكم راتبك؟!
الأسئلة بصراحة تذكرك بالفورمات الخاصة بفتح الحساب بشركة الراجحي من كثر الأسئلة. طبعا سجلت وحطيت المواصفات وأرسلت المواصفات عشان تعرض بالشاشة. وتم عرض المواصفات على الشاشة والشي اللي يثبت لك ان الدعوة نصب من بدايتها ان مافيه آلية معينه لطريق الالتقاء بين العريس والعروس!! بعد كم يوم صارت تجيني رسائل طبعا ماتطلع أسماء إنما أرقام عضويه مثل 229885 طبعا انتظرك كذا يوم بشوف اكبر قدر من الرسائل.
وبعرض عليكم بعض الرسائل :
2202449 مساء الخير،جادة جدا وأبي الستر،بيضاء جميله ممشوقة القوام طويلة مثقفه تعشق الحياة ولدى طموح وأبي أنفذها مع شريك الحياة.
2201387 جادة جدا للمسيار والتفاهم بيكون مباشره لأني مااعترف بطريقة الرسايل هذه إذا جاد انتظر ردك الحين.
229885 أخاف الله فتاه حسنه المظهر معتدلة الطول رشيقة القوام ثرية لدى ميزات لا بأس به زواج شرعي او مسيار رجل يخاف الله فيني ويحافظ عليه ويكون كل شي في حياتي.
هذي عينه من الرسايل.
طبعا الغافل والمسكين يبي ينسحب على وجهه وبيقول هالبنات حبوني؟!! وبيرجع يرسل لهم انا جاد و أبي أتزوج ويشرح لهم قصة حياته. وبتوصل أنت وياهم إلى طريقه للتواصل وهي إرسال رقمك؟! وعشان يوهمونك ان هالطريقه تمشي على الكنترول بحيث أنهم مايحذوفون رقم تجيك رسالة بالشكل هذا:
220885 ان شاء الله هذي طريقة إرسال الجوال أولا كل رقم في رسالة وضع الرقم بين @@ مثلا إذا أول رقم 2 أرسل في أول رسالة @2@ وهكذا في كل رسالة مستقلة.ومنتظره رقمك حتى ننهى الموضوع بطريقه صحيحة.
طبعا إذا تمت المراسلة بتكشف الفضايح وان اللي يراسلونك هم موظفين في الكنترول وليسوا ناس آخرين.
أرسلت الرقم حسب الطريقة وقلت بشوف!! بعد ماارسلت الرقم وكلفني طبعا 30 ريال!! جتني رسالة ان الرقم مشفر وأرسله من جديد!!. واللهجات اللي تجيك منها الردود ليست سعوديه للأسف مثل (هستنى) وليه ما أرسلت الرقم كما أتفقنا!! وكلمات كثيرة أخرى.
وأحد العضويات النسائية الحلوة ترسل لي وتقول (ياحبي) ليه ماارسلت الرقم مره ثانيه!! وحده تبي الستر تقول ياحبي؟!
ربما تصادفت أحد الفتيات لكن القناة هذي للدعارة والنصب!! وكمن يطرد السراب وبعد مايخسر كل مايملك يردد أغنية
وهم
كل المواعيد
وهم
طبعا هذا ايضا ينطبق على الأخوات لكني لم أجرب بالاشتراك باسم نسائي ولكن بالتأكيد سيكون هناك العجب العجاب ولم يكن سابقا ولا لاحقا ان يكون النصيب والزواج بطرق مثل هذه.
أحببت ان اكتب ما لمسته بنفسي وعزائنا على الاتصالات السعودية وموبايلي التي لا هم لها سوى الربح وذلك بتسهيل عمل مثل هذه الفضائيات وغيرها.
تحياتي |
الوضع العادي
